(مجاره )

(يابن معزي) ياذرى كل مضهود
من الرجال اللي لهم قدر وشيمه

دنيا غريبه وش بلا الوقت(ياسعود)
الناس هذي ما تعرف الحشيمه

حتى الصغار بوقتنا تحشد احشود
وابليس كبرت صيدته والغنيمه

الشاعر :-
مطرب محمد ابن عقاب بن سعّيد العواجي
⭕⭕⭕⭕⭕⭕⭕⭕
(يامطرب)الأوضاع جاحد ومجحود
ضاعت أذمام أهل النفوس الذميمه

شبعوا من الأنعام والخير بركود
وكلآ غداله صوت و تسمع رهيمه

ونسو مواثيقٍ قديمات واعهود
بحكم الأمن مرتاح وذب الخريمه
الشاعر :-
سعود بن معزي ابن فايز بن سعّيد العواجي
⭕⭕⭕⭕⭕⭕⭕⭕
(ياسعود)شوف الناس هبت مع النود
كلن شبع واقفى وذب الخريمه

حتى الاخو قفاء عن اخوه (ياسعود)
من كثرت الأنعام قل الحشيمه

وقل القدر بين المحبين موجود
ماعد بين الناس شيمه وقيمه
الشاعر:-
عبدالكريم بن خلف الجبوري العنزي
⭕⭕⭕⭕⭕⭕⭕⭕
أهلا هلا ياراعي العز والجود
ماطيح الهقوات قو العزيمه

أن مابذلت بسو الأيام مجهود
والا الرخا ماعاد للبذل قيمه

الطيب مايبغا رجالات وشهود
الطيب وهبه واكتساب وغنيمه

دنيا تقلب ماعرفنا لها حدود
راحت مفاهيم النقا والحشيمه
الشاعر:-
خالد الركعان
⭕⭕⭕⭕⭕⭕⭕⭕
حتى القريب اليوم يصبح بلا فود
تقول عنده مصلحن لك جريمه

شوف الابن يسطي على ابوه(ياسعود)
تسوقه الاعداء سوق البهيمه

راحو هل الطولات كسابت الذود
اهل الوفاء والطيب واهل الحشيمه

الله يديم الامن من زود في زود
وعسى العدو (ياسعود)يبطل صميمه

الشاعر :-
مزعل مشعان المهيد

⭕⭕⭕⭕⭕⭕⭕⭕⭕
دنياك هذي عدها عد مارود
بها رجالا(ن) فعلهم تقل ديمه

وبها رجالان ياحضر غيرماجود
حضوره ياساوي (يالعواجي)عديمه

بـ✏هداج
ضاحي بن ضيف الله المشيطي
⭕⭕⭕⭕⭕⭕⭕⭕
(ياسعود)يامسندي(ياسعود)
صباااح خيرا وتسليمه ...

تشكي أحوالا مامنهافود
تمشي كمامشيت الغيمه

ان جااااك خيرا ياعله زود
وان جاك غيره ااابتعليمه؟

(ياسعود)بعض العرب مقرود
مايفيد لو .بنية الخيمه

الشاعر نهير الدهمشي
.....ابو جااااسم .....
⭕⭕⭕⭕⭕⭕⭕
يالله يارب يامنشي بامرك الرعورد
تجادب من المنشى وتصب ديمه

(وياسعود)ياليت الحاسدين رقود
اسج انا وياك ونذب الخريمه

مير الردي (ياسعود)مايعرف المنقود
عساه من كيسه لمسرح الجريمه

الشاعر
أحمد ابن كحيل
⭕⭕⭕⭕⭕⭕⭕
يالله يامذري هبايب من النود
يمكون كون الفضاء ياعليمه

اجعل لنا حبل الرجاء فيك مدود
واجعل لنا من كل خير" غنيمه

(ياسعود)ياساس الوفى معدن الجود
هاذا زمان" يرهب العقل ظيمه

ناس" تكيد الكيد وقلوبها سود
وافكارها(ياسعود)ماهي سليمه

القتل بالأرواح والظلم موجود
وقامة تفشا بالعباد الجريمه

أرواح تقتل مالها ذنب موجود
أمنت باللي كان موسى كليمه

تسودها الأحقاد ودعاتها يهود
وكثرت شياطين العباد الرجيمه

زمان هاذا يشيب الطفل والعود
شره مقيم وعلته مستديمه

دنيا بها الكذاب فايز و محمود
وماعاد باقي لهل الطيب قيمه

حتى الثعاله صارت نمور و فهود
تفرعنت بالمهزله والنميمه

تسرح وتمرح دون شرطٍ ولاقيود
والكل يصنع له أفعول" قديمه

يقول أجدوده عندهم سيف مجرود
لو كان جده ما يعادل بهيمه

ويبقى الصحيح اللي متلد وماكود
وتبقى المفاخر للرجال الكريمه

والطيب يبقى بهل الطيب مشهود
وتبقى العضايم للرجال العضيمه

وبقى وطنا ملتجا كل مضهود
بحكم السعودي جعل ربي يديمه

خليل مسفرالطلوحي
⭕⭕⭕⭕⭕⭕⭕