يارجل مالك بالرجوم الطويلات

يارجل مالك بالرجوم الطويلات
و لالك بشاعر ربابه يغني


راحت بيوت للمعزه مبنات
وربعه وهرجه ونجرن يدني


أنتي بعصرألعولمه والحضارات
والحرب ألي مابين شيعي وسني

والأصدقاء أختلفو وصارو درجات
وقلوب صارت قاسيه ماتحني


ياعيال وايل يازحول المعضلات
نيل المراجل مايجي بالتمني


للمرجله تاريخ ولها سجلات
هذي الحقايق خوذو العلم مني


كل شي يبين ماتفيد ألحيلات
دكتور للعله و راقي لجني


مواقع التواصل قربن المسافات
وكل الرسايل للعرب ياصلني


صارت عربنا بالمواقع حزوبات
هذا حزين النفس وهذا يغني


مايلام بعض الناس لوجر ونات
على زمانن فات قلبه يحني


على القلوب الطاهرات النظيفات
الي لكل أحبابهن يحتوني


رمعاتنا تخطي وتخيب هقوات
وأخوي أنكرني ويصد عني


لكن أملنا في رجال المروات
وأنا بكثير الناس ماخاب ضني


والجيش لا ماتت كبار القيادات
مايقدر للحرب المفاجي يشني


لكنه يرجع على حرب العصابات
وكثير من هجماتها يفشلني


والحرب يبي له فنون ومهارات
والنصر ماعمره يجي بالتمني

عوض صالح العطيفي