عين النداوي

راق المزاج وعدل الكيف فنجال= ومخدر السيلان وقض هجدها
مستنفر ٍ قافي لأجل عين رجال=الحجز كلّي والبحر له وردها
جابر توقف له قوافيي بإجلال= يابو صباح انت الفخر ياسعدها
ماسطرت قبلك لأجل ناس ٍ هزال= ياكود منهو بالشدايد سندها
واليوم كن المزن بالجو همال= ومسطر القيفان يمّك قصدها
ياسيدي رافع جبيني وابختال=بخيت من عندك حروفه نشدها
المرجله فيك اتشبـّه وتكتال=والجود مهره وانت منهو لكدها ‍
انت الشهم وقت المحن طيب الفال=لو شدة الأزمات ترجع رشدها
يافارس ٍ وقت العزاوي والأهوال= ماصاحت العذراء وجابر مددها
يانايف ٍ ماله شبيه ٍ بالأزوال= النايف أفعال ٍ عجز من رصدها
ياحامي ٍ ارض النشامى والابطال= يامسهر ٍ عين النداوي وحدها
تقصر حروفي عند هامات الاجبال= مثلك يخليها كبيره بمهدها
ماقلت لك رافع جبيني وابختال= بخيت من عندك حروفه نشدها

عين النداوي : الشيخ جابر المبارك الصباح

الشاعر :نافع بن طواله

 

 

 

 

مشكور أخي بدر الشمال على القصيده الراقيه

صح لسان قايلها

 

 

 

 

الوافي

اسعدني وسرني تواجدك الجميل

لك تحيتي وتقديري

 

 

 

 

بدر الشمال

تقصر حروفي عند هامات الاجبال

مثلـك يخليهـا كبيـره بمهدهـا

يعطيك العافيه اخوي


على هذا الاطراء الجميل


تقبل تحيتي وتقديري

ودمت بخير

 

 

 

 

خيال القضاه

اسعدني ردك وجمال حضورك

لك تحيتي وتقديري

 

 

 

 

الله يعطيك العافيه
على القصيده الرائعه



تقبل مروري

 

 

 

 

عديم العديمي


اسعدني مرورك وردك الجميل


الله لا يحرمني تواجدك الغالي

لك تحيتي وتقديري