(مجاره )

اثر الرداء من خلقت الناس بالناس
وكلن على جنسه يحصل اجنوسه

راع الرداء يالله عسى لرأسه الفاس
دايم اعلومه ماتجي قد قوسه
الشاعر :-
سعود معزي العواجي
⭕⭕⭕⭕⭕⭕
(يابن معزي) والمراجل لها قياس
والرجل تعرف مشيته من جلوسه

اما يجي صميدعن يرفع الراس
والا ردين كل علمن يحوسه
الشاعر :-
زاحم ابن نومس
⭕⭕⭕⭕⭕⭕⭕⭕
يامعرب الجدين ياطيب الساس
(ياسعود) بعض الناس نجهل طقوسه

بعض البشر(ياسعود) ماعنده احساس
لو يبتسم لك داخل القلب سوسه

مثل البسوس اللي على وقت جساس
بسبابها شبت حرايب ضروسه

واللي مثل شرواك يبقى على الراس
والا الردي جعل الليالي تدوسه
الشاعر :-
عبدالله سعود الفياض
⭕⭕⭕⭕⭕⭕⭕⭕
الله مجمّل ناس من جملة الناس
ناسٍ تفل حجاج وناسٍ عبوسه

رجلٍ يجمّل بالمواقف ونوماس
ورجلٍ يحسّب مابقى من فلوسه
الشاعر:-
متعب بن ذيبان الصقري
⭕⭕⭕⭕⭕⭕⭕
بعض البشر (ياسعود) تقول قرناس
ودك على خشمه وراسه تبوسه

شرواك دايم بالمواقيف مدباس
يالله تكثر باالاوادم ااجنوسه
الشاعر:-
عبدالكريم خلف الجبوري العنزي
⭕⭕⭕⭕⭕⭕⭕
البارحة في تالي الليل عساس
قامت مدابيس الخيال وهجوسه

ويطري علية لاغدى الخاطر أعماس
اللي قهوته للرجال امحموسه

اللابه اللي علمهم يرفع الرأس
العزوة اللي بالجزيل امعسوسه

مثل الذهب ماخالطه معدن نحاس
يوم الرجل بد الخلايق تسوسه

ماننكره لو صابه القلب وسواس
واللي. تدرس مايضيع ادروسه
الشاعر :-
خالد الركعان
⭕⭕⭕⭕⭕⭕⭕
مثل (ابو ساجر)تلقاه نادر من الناس
في قمة العليا يحاول جلوسه

يزوم للعليا كما طير قرناس
ماهودوينينا قريبه عسوسه

والا الردي لو حاول الطيب يحتاس
مايرتفع علما بشبره يقوسه

ودك مع العلباه تكويه بالفاس
وفي مجمع الخشه تقوم وتدوسه
الشاعر :-
محمد بن لافي العنزي
⭕⭕⭕⭕⭕⭕⭕⭕
(ياسعود) وقت فيه سادن الابساس.
وصارت فهوده خايفه من بسوسه

وصار الثعل يشره على طايل الراس
وشعرة ضعوفه تنحلق دون موسه

قيد بعيدين المدالي بالاتعاس
ماينعرف وش غيمتة من شموسه

الله هو اللي خالقن كل الاجناس
وكافل مرازيق البشر مع نفوسه

ألبس لها ياطيب الفال بقياس
وخلك صبور ولاتجيلك احسوسه

اصبر وربك يفرج الهم والباس
يصفي كدرها عقب ماهي عبوسه
الشاعر :-
منزل مطيران العنزي
⭕⭕⭕⭕⭕⭕⭕⭕⭕

 

 

 

 

سعود معزي
شاكره لك كل الشكر لروعة موضوعك وجماله
يعطيك ربي الف عافيه
لك ودي واحترامي