محاورة بين عويد المطرفي وعبدالله الطلحي

29-08-2008, 05:23 AM

عـــويّــــد الــمــطــرفــي :
سـلام تقديـر ومعـزه للرياجيـل الحشـام
تسليمـةٍ فـوق الوفـاء مايختلـف عنوانهـا

العـام ياعبـدالله الطلحـي تبنّـي فالخـيـام
واليوم اشوف الدار قفراء ورحلـو سكانهـا

عـــبــــدالله الــطــلــحــي :
يامرحبا ياصاحـبٍ بعـد البطـا رد السـلام
واللي تجي فوق الوفا زمّـة علـى نيشانهـا

العام يالأصحاب صدقنا الكثير مـن الكـلام
واليوم ماكل السوالف قلـت صـح لسانهـا

عـــويّــــد الــمــطــرفــي :
دام البقا والعفو دايم شيمـة النـاس الكـرام
ابطيـت لكـن الصداقـه ماانهـدم بنيانـهـا

وش بك تقود القافله وتقول هيّا الدرب شـام
ونصف الطريق تحل حبل القايـده وعنانهـا

عـــبــــد الله الـطــلــحــي :
حنـا صداقتنـا قديمـه وإعتبرناهـا وسـام
معمـورةٍ واللعـب مايثّـر علـى سيسانهـا

والقافله مـن دون قايـد لاحـلال ولاحـرام
وانته تشوف الدرب ماني قايـلٍ لـك عانهـا

عـــويّــــد الــمــطــرفــي :
الشـك زايـل والرفاقـه مانلحقهـم مـلام
واهل الوفا ماتسمع النمـات فـي صدقانهـا

كل الكسور إلها دواء غير المـوده والغـرام
بأسبابها (عليا) افتدت هاك السنـه بحصانهـا

عـــبــــدالله الــطــلــحــي :
العام دوّرناك حتـى حـال عـامٍ دون عـام
واليوم تبعـث لـي سوالـف لفهـا نسيانهـا

وإن كان فاتتنا حمامه كم قنصنا مـن حمـام
ولاهي خساره دام رفّـت عندكـم جنحانهـا

عـــويّــــد الــمــطــرفــي :
انته تنـام الليـل وعيـون الشقـاوي ماتنـام
اشعلتهـا واطفيتهـا ليـن انفجـر بركانهـا

والله مااسوم السلعه اللـي لاتفيـد ولاتسـام
اللـي يبـا يفـزع لهـا لاينقفـل دكانـهـا

عـــبــــدالله الــطــلــحــي :
يابومحمد لاتجيب الخبز مـن غيـر اليـدام
من بعدماناديت هـات مـن العلـوم سمانهـا

وإن كان وليا الورد فاتك لاتقول إنـه ثمـام
إن كـان ماثمنتهـا غيـرك يعـرف أثمانهـا

عـــويّــــد الــمــطــرفــي :
لوقلت انا مالي بهاك الدرب قصد ولامـرام
ماشرهـت فوقـك قلـوبٍ تشتعـل نيرانهـا

وانته من اللي مايغرون الطرايـق والنظـام
غلطه وغيرك شال ضيقتها وشـال احزانهـا

عـــبــــدالله الــطــلــحــي :
أنا عشقت البل بوقـتٍ كـان مافيهـا هيـام
ومن يوم بان العلم بعت أم الحلق وأخوانهـا

وش فيك تزعل دام منت شعيل مردوم السنام
ولاانته من اصحاب النياق ولاانت من رعيانها

عـــويّــــد الــمــطــرفــي :
الظلـم ياعبـدالله الطلحـي يـؤدي للظـلام
وانت اتهمت البل بتهمـه مامعـك برهانهـا

انا مسوي خير ماارضاء التفرقه وإلانقسـام
وان مارضيتوا كل ناس تروح تتبـع شانهـا

عـــبــــدالله الــطــلــحــي :
حنا سمحنا يـوم بعناهـا وسلّمنـا الخطـام
عهدي بهـا للبـارق الشامـي تلـد اعيانهـا

العام دوّرتك بغيت أعزمك في حفـل الختـام
ومرت سنه من يوم شدت للشمال اضعانهـا