قلت الودآع وجـآوبت دمعةالعين

مابطول عليكم .. هذا شآب كآن يحب بنت عمه ولظروف دوامه سآفر سنه ولمن يوادعهآ تعاهدوا مايخونون بعض وقصت له من شعرهآ عشآن يتذكرهآ دوم ... ولمن رجع من السسفر سآل عنهـآ ..!! محد يرد .! ولمن أصر عليهم كآنت الصدمه !! قآلوآ مآتت ..حبيبتك ماتت وآخر كلمه لهآ كآنت أسمك !!

من قوة الصدمه عليه اغمى وطآح ولمن صحى كتب هالأبيآت ..

...............
..........
.......
....
..
.






قلت الوداع وجاوبت دمعه العين...تجرح بساتين الخدود النديه

واغضت وشفت بعينها الحزن حزنين...وصاحت على الفرقى انا مو قويه
وجاوبتها أرجوك تكفين تكفين ... والله دمعك يشعل النار فيه

وقالت تعاهدنا عهاد المحبين ... ..الله يخون الي يخون بخويه

قلت ابشري والي خلقك لا تظنين ... حرام ماغيرك عشقت ادميه

وقصت شعرها قلت انا وش تسوين ... قالت ابي لك من قرتي هديه

ونادتني الغربه على الهم والبين ...احسب الايام روحه وجّيه ...

وفي كل ليله ترتسم بين رمشين .. خيالها بين الرموش الشّقيه ..

غربت سنه في ذمتي غربت سنين .. متى على الله يلتقي الحي حيه

خلاص هانت مابقى غير يومين ... خلاص قفت غربتن جرهديه

رجعت شوقي في خفوقي براكين ...ورجعت انا كلي لها جاذبيه

سالت ما ردوا وانا اصيح هي وين ... وكلٍ نثر من داخل العين مَيه

في معمة حزني تلقيت رمحين ...قالو توفت غافلتها المنيه

في غرغرتها ماا اذكرت غير حرفين ... تشهدت بأسمك شفات البنيه

وتزاحمت في داخلي الف سكين ...والحزن يطوينيي ثمانين طيه

صدمه وجابتني على الأرض نصفين ...وشلون راحت دون ذنب وخطيه

تكفون دلوني على القبر هالحين ...ماعاد فيني للصبر مقدريه

وقفت اطالع قبرها بين نصبين ...وجلست اضم اغلى النصايب عليه

واصيح وشبك يا غلا ماتردين ... اشتقت همس شفاهك النرجسيه

وش فيك جيت من السفر ماتهلين ... ماهي بلك بعادتك ولا انتي برديه

وحاولت في لحظه جنون اجرح الدين ... وازيح تربة قبرها بأيديه

وبالغصب شالوني حشى تقل مسكين ... واصرخ بهم والله والله حيه

اقفت وتاهت بي جميع العناوين ... والحزن يلعب داخلي سامريه

ورجعت لدروب الشقى قبل عامين ... مادري من الي صار فينا
ضحيه






..... لآتعــليق !!