(قصيده غزليه )

ياصاحبي ماني مع الناس سالي
اضحك وهمي داخل القلب مكبوت

ياعزتي للحال مما جرالي
اطرد سرابٍ حال من دونه الموت

عجزت اطوله في عسير المنالي
وذبيتله بالصوت ولا جابه الصوت

راحت به لاقدار عني شمالي
واحسرتي للصوت ليا فاته الفوت

ماعد ينفع لو نخيت الرجالي
اقفا بها ماقفى على (سربه) و(نوت)

يالله طلبتك ياعزيز الجلالي
يامثنين (موسى) ويامحيي الحوت

تبري اجروحن في ضميري جزالي
الناس شافتها على وجهي اثبوت

بيّن علي من جورها مابدالي
والنفس شامت مابغت لذت القوت

هنيكم ياهل القلوب الثقالي
ماجاكم اللي شفت به حفرت الموت

شين يخّل القلب فيه اختلالي
اسمه وقسمه داخل القلب منحوت
بقلم:-
سعود بن معزي العواجي

 

 

 

 

سعود معزي
شاكره لك كل الشكر لروعة موضوعك وجماله
يعطيك ربي الف عافيه
لك ودي واحترامي