أسير اليأس

29-01-2011, 12:13 AM

تطيح الدمعة من خدّي وعيني ما تجيها انْعاس =واذا هالناس مرتاحه، أراها في عيوني تْصيح
يجيني الهم و الحسره .. واطوّقهم على الإحساس =أحس انّي افكّر صح ! وبالأحرى أبي تصحيح
غمامة ضيق من راسي.. و يرعد بالسما وسواس =وتهطل مطرةٍ تهدم .. وتحجب عنّي التلميح
أنا يا ناس فيني حزْن في قلبي وهو دسّاس =سكن واستملك بْقلبي بلا إذن ٍ ولا تصريح
حبيبة قلبي أو قولوا.. طليقة قلبي بالآساس =وهل معقولة تتركني بلا كلمة ولا تلويح ؟!
لقت حبٍ .. بقلب الشاعر اللي ممتلي هوجاس =وراحت بعدما ذبحت.. ضمير وكان بالتجريح
وخلّت قلب ينبِض بالمحبّه و سعره بالألماس =وحيدٍ انوَلد ثم طار وحده في مهب الريح
قوي الباس في لحظة،، غدا كنّه أسير الياس =تضيع أهدافي قدّامي وانا ألعب لعِب ترجيح
ولو انّي حزين و زاد هَمّي هِمّة الخنّاس =ولكنّي أبد ماطيح ولو طرنا أبد ماطيح
صحيح الحب أعجوبه،، ولكن الوفا نبراس =واذا المحبوبه خانت،، فالمحبّه كلّبوها ميح

الشاعر /احمد سعيد..

29-01-2011, 12:20 AM

بدر الشمال..

قصيدة قمة في الروعة و الجمال
و كلمات تلامس القلب مباشرة بدون حواجز أو قيود
رقي في الطرح و أحساس مرهف يقف خلف الكلمات
واصل تميزك الدااائم استاذي
يعطيك ربي الف عافيه
لك ودي واحترامي...