الشاعر سالم حمد الملعبي العازمي

	لاهنت يالهاجس وياحبر الاقلام ولاهنت ياراسي على هالقصيده لابار بي نومي وفارقت الاحلام جاء دوركم والكل منكم وليده تخالطت صدق النوايا بالاوهام والغش عشعش بالخصال الحميده بييض الحمايم وآلفت مأكر الهام والزايفه تحمل مواري الاكيده وانتي بصمتيها مثل بصمت ابهام وكسرتي الصمت الموثق حديده انتي بقيتي رغم تنكيس الاعلام آخر نموذج للوفا والشريده الصدق له عندك تواريخ وارقام ياسيدة كل العقول الرشيده تنتابني ذكراك واعيد الاقلام واهز راسي (اشهد انك فقيده) يوم الوداع نقول بنحاول ننام الله حكم فينا وحنا عبيده ثم ابتسمت وقلتلك ماحد دام للحب سلم وللمفارق عقيده غصتني العبره وسالت على الخام ودور الصبور ازريت عييت اجيده باللحظه اللى بللت اربع اكمام قلت اتمنى لك (حياة سعيده ) فجأه تلاشينا مثل طيف واوهام ختامها مسك وكتمنا النشيده ومن يومها مشاعري صارت حطام والعاطفه طخت وصارت بليده تشابهت كل الاسامي والارقام متساويه فسمولها والجديده لو للقلوب اسواق بايع وسوام والله لعرض القلب وسط الجريده واللى يقول انه شقاوي ومنظام (يجي يبدلني بقلبي وازيده) *********************** طال المدى وابطت عن الموعد الشمس وعيت تنومسني حروف القوافي قم وإلعن الشيطان ياهاجسي وإمس ياكثر ما ابلعها واردد عوافي لاهنت ياليل تضايقت بك امس علمتني شي عن البال خافي عرفت فيك الذيب الامعط من النمس وعرفت وقت الضيق وجه السنافي كل الوجيه البارحه اصبحت عمس ما اشوف احد قدمي ولا احد خلافي تعكر العد العذي بعد ما لمس يا عد في وقت الرخا كنت صافي ربع الهنا والهرج والضحك والرمس تشابهوا مع لابسات الغدافي من عقب علوا اصواتهم عودت همس وعقب التراحيب فرحوا بإنصرافي ليه الندم؟ ليه اضرب الخمس بالخمس الحمد لك ياللى عن الخلق كافي بان الصحيح الي ستر عيبه الطمس ومن عقبها يالوقت هاك اعترافي ماجارني الا عباتي عن الشمس ولا ادفاني فبرد الشتا الا لحافي *********************** انا غريب اطوار مدري هالغرابه فالزمن احس في بالي كذا وعجزت اعبره انا على صهوة جواد بدون سرج ولا رسن والمقبلات من السنين بكل حاله مدبره اقول يادنيا من انتي له تجاوبني لمن واسحب نفس واكتم نفس وارفع يدي واكبره سبحان من اودع التفكير في راسي ومن لا قلت الدبره على العبد الفقير يدبره اللى خلاف السد كايد ماعليك من العلن حتيش لو قد قلتلك صدري بيدك مشبره ابلشتني بإن (غدا لناظره ) وان غدا هالحين شفلك حل في نفسك وكسرك جبره كنت انظرك (بلقيس) والباقين مثل اهل اليمن فجأه تهآوى العرش واللى من غلاك مزبره صحوه كما الاسلام في عزه (لعباد الوثن) ريح مراسيلك ومندوبك وقلبك خبره ماعاد يغريني غرورك والمحاسن والفتن النفس فاطمها (بتقوى) والفؤاد مصبره بعت الحياه وبعت مهعا ناس في ابخس ثمن على يقين ان آخر الصفوه تجيك مغبره قلت اشتري مرضاة وجه الله واشريلي كفن واشوم عن شي بقا بالصدر كنت معبره ************************ انبطت ( القربه ) وطشت ما فصدري منكتم شكرا جزيلا للزمن والتجربه والانفعال سطر على بيض الورق وارعف عليها يالقلم يبقى صغير ابليسها والعز لله الجلال بشر وبالفطره لاصار (الغير معقول ) انصدم وتكبر براسي فكرة الزاهد وحب الإنعزال يافوهة بركانها فوحي وثوري يا حمم زيف التصنع يكشفه بوح البديهه بإرتجال تخالطت ملامحي ضايق بهيئة مبتسم تطغى مراسيم العزا على طقوس الاحتفال انا وصلت من الذنوب لمرحلة (غط النسم) اظل.وارجع واهتدي. وانسى واعود للظلال لولا القناعه مايجي بالوقت اسياد وخدم ياصاحبي واصعب طلب للمرء تغيير الخصال والرميه المتمكنه يا بالعظم يا باللحم ماهيب رمية واح يرجف ليا شال النبال ياسيدي يالنابغه يالفيلسوف المحترم ان قلت هذا محال افهم ترا هذا محال بأبسط بساطه يا أخي خل القمم لاهل القمم ماتضيق دار بأهلها لو ضاقت صدور الرجال حل السؤال اهل الطمانه للطمانه تنخرم استوعبه او مرره يبقى كذا حل السؤال ماينرسم وجه الردي لو كان (دافنشي ) رسم او بالمفيد المختصر لا تآمن الجال الهيال سلام ياوجه الثقه في وقت (سلم واستلم ) سلام يا شي طرى وسلام يا ذود الشمال وسلام يالقوس اليتيم الى فقد ريش السهم وسلام يابدر الدجى كامل ولله الكمال هوبل ياراع ام الخفوف.وغن ياراع الغنم اقطع شكوكك باليقين اللى يطم الاحتمال ابكيك يا اطلق شنب وابكيك ياكلمة (نعم ) وابكيك ياشمس الضحى في حين آلت للزوال لاقلت هبي يارياح اكيد.رفرف يا علم واليا متحت من الدلو الشكر كله للحبال كان ( اكثر الصيفي ) حكيم ومات والباقي حكم تموت ناس بالبحر والمستفيدات الجبال بهلول ولا بهلوه؟ ركز معي لا تنجم اخاف تخطي البهلوه وتضحك بطاريك العيال لو كل من وصى وصاه وعلم بخبله علم اصبح على قول المثل ماشفت بالدنيا خبال الدفش راح بيدها يوم الذكي منها سلم إنهق ولا تقوى الحمل. وإرغي وشيلي يالجمال برج العرب ملك العرب من يقنع الصم البكم؟ لاهنت يافن الإشاره كل شي وله مجال ولكل حزه لبسها. وإرطن ليا شفت العجم والكلمه بمنطوقها واظرب مثل ب (ابن الحلال ) نياتنا متخالفه يارب زمزم والحرم (والشك زايل ) دارجه . بس الحقيقه لايزال قبل انتهي يستوجب (التنويه ) ماقبل الختم صح الله لسان الزمن والتجربه والإنفعال ********************** نفسيا ارتاح لامن جيت هالسكه ياقبلت الله وياملحه على بيتك يا اغلى من اغليت يا وسط الورق (إكه) لو كنت دمعه تنهدتك وهليتك باب يجي منه ريح ومزعجك صكه قل منك مليت (واقطعها) اذا جيتك وباب يجيب الهنا ومريحك فكه قلى فديتك وانا افدا حيك وميتك ما قلت احبك عبث ولا من الشكه تبيني اقسم؟ (قسم بالله حبيتك ) انا تولعت بك ماعاد لي فكه مدري البلا منك والا إني تبليتك لو كل ذنب تغفره في ذرى مكه كفرت ذنبك ولا شفتك ولا اطريتك ********************** العز بالله والرجاوي بالأولاد والعبد بأمر الله نصيبه يصيبه اهب ياحظ البنام ليا جاد لامن تمنى شي حظه يجيبه احد حياته كلها اعياد فأعياد من يوم فتح والهنا في حليبه ماعابل الدنيا ولا لقمة الزاد والحاجه العسره تجي له قريبه تبني له الدنيا وهو قاعد امجاد وكل يقول فلان ياطيب طيبه واحد قضى عمره من اجهاد فإجهاد وكثر المصايب عجلت في مشيبه ماناش من وقته سوى بن وقناد والهينه تصبح بوجهه صعيبه يفعل ولايذخر فلا شك مافاد لاينذكر طيبه ولا اح دريبه هيا كذا والوقت سلال الأجواد وشلون يآمن به حبيب وحبيبه البارحه من واد في واد في واد لله در الحب والله حسيبه بين الخيال و واقعي شد واعناد مابين صدق وبين شك وريبه عقب البطا جاني يقول الغلا زاد اثره صحيح الحب الأول مصيبه معقول يااجمل حلم بالعمر تنعاد؟ عندي سؤال ولازم انك تجيبه استحلفك بالله رجع لي اضماد؟؟ ياراعي الجرح الأخير وطبيبه او جازلك جرحي وناويلك اجداد؟ لاتلومني جيتك هذي غريبه قال:انت ناسي ان حظك ليا جاد مهما تمنى شي حظك يجيبه قلت العفو والعز بالله ليا راد والعبد بأمر الله نصيبه يصيبه *********************** جيت متأخر وتنشدني عن سكاتي ان كنت نايم نصيحه كمل النومه إسمع اللى مايلي او إسمع الآتي بس المهم إنها توصلك معلومه المشكله جيتي بآخر نهاياتي منهار ماعاد بي شده على القومه اقوم واطيح واجمع تشتاتي شف فعل الايام بأعلى الوجه مرسومه جارت على السنين وريحها العاتي اشتالت الورد مع شيحه وقيصومه تكدر الصفو وانكشفت ملفاتي وتعبت من قولة الطقه بتعلومه الحزن يطغى على حلو إبتساماتي ولازلت افكر بعلو (طويق) ورجومه مازلت شامخ وتعجبني بداياتي طموحي اعلى من المشراف والحومه وش رجعك؟ منهو اللى قالك تآتي المسأله طافت الشرهات واللومه واليوم راجع وتنشدني عن سكاتي؟؟ (اقولك شي ) روح وكمل النومه *********************** لاتوضحين المسأله فارقيني ماعاد ابي حتى النظر يربطك بي لو كان بالصدفه لمحتك بعيني غسلت عيني بعد شوفتك بالمي هالحين يعني راجعه تقنعيني؟ إذا نسيتي ودي اذكرك شي كنت اترجى حظرتك ترحميني واصيحلك تكفين تكفين يا(مي ) أيست من كل الطرق صدقيني حاولت بالرقيآ وبالطب والكي بأسم الغلا والود قلت اعتقيني او رجعيني لا سمح خاطرك لي ابي السلامه ارجعي عالجيني مادام باقي نبض مادامني حي سلمت لك وارخيت لجلك يميني وانتي لويتيها ورى غاربي لي ورحتي ولا كنك ابد تسمعيني هذا آخر اللى اذكره منك يا (مي) مجنونه انتي راجعه ترتجيني تبيني ارجع؟ رجعي ( زايد ) دبي ***************************** اكذب عليك ان قلت فرقاك عادي واكذب عليك ان قلت قاسي ولا لنت لا والله الا زاد عقبك هجادي هان السهر والصبر بس انت ماهنت تدري وش اللى حالني عن رقادي؟ انك وفيت ايام حبك ولا خنت كانت على لمسك تموت الأيادي وكنت اقرب العالم ويا شينها (كنت) وكانوا يحسدوني عليك العبادي وان اشهد انك وقتها للهوى صنت وكنا ليا منا سمعنا ( عبادي ) (تدري وادري بنفترق ) تنفعل انت وهالحين قلبي يحترق يا مرادي ولكن بحكم الله وما قدر آمنت شربت من ثدي الصبر في مهادي وعلى هموم وضيقة الخاطر ادمنت مآخذ على نفسي حقوق ومبادي وعاهدت دمعي مايحدر على بنت لكن عصاني دمعي اللآ إرادي ما اقول غير احسنت و احسنت و احسنت **************************

 

 

 

 

متواضع..

قاعده أحاول أدور بيت اقتبسه .. أو قصيده كامله
اشوف كل بيت أحلى من الثاني .. و كل بيت له معاني أجمل !!
ما شااااء الله عليه .. و صح لسـانه
وتسلم انااملك على الطرح ولااختيار
يعطيك ربي الف عافيه
لك ودي واحترامي..

 

 

 

 

الأخت سحر الغرام
شكرا على مرورك وردك
والشاعر هذا له قصائد
ماطرحت بعضهن خوفا ان تفسر
في غير محلها
وتقبلي تحياتي وتقديري