لقيت ابو مشعل بها محلقٍ

أخذت لي في منتدى شميل طارووق=وكتبت صفحه في رجال الجزاله وذكرت رجالٍ بالمواقف لها حقوق=وذكرت من هو للوفا باع حاله لقيت ابو مشعل بها محلقٍ فوق=يوم المواقف واقفه ينعا له قدامنا واقف مايلحقه عوق =سهل مماشينا وضحى بحاله دنياك هذي مامشت له على ذوق=دايم تعاكس واحدٍ في مناله سبحان ربي خالق كل مخلوق=اللي رفع ناسٍ وناسٍ طواله ناس تلفق طيب في هرجها لفوق=وناسٍ تسوي طيب محدٍ دراله الطيب ماهو سلعه تباع بالسوق=كان البشر تشريه من حر ماله الطيب له موقف وله طروق وعروق=ولا كل واحد يتقنه او يناله ولا عليوي نرفع الراس به فوق=فعله معزز بالوفا والجماله والله يا ابو مشعل لك ساقني سوق=طيبك ومعروفك على كل حاله وصلاة ربي عد مادق خافوق =على نبي الخلق مزيل الظلاله

الشاعر / رحيل جديع العنزي ابو نايف

 

 

 

 

أخي ابو نايف

صح لسانك على هذه القصيده الجزله

وهذا انت كما عرفناك رجل مواقف وتفخر

بكل غانم ووافي خصايل وهذا الشيء يعبر لنا وللجميع

عن اصالة وطيب معدنك كثر الله من امثالك ...

والأخ عليوي القيضي يستاهل رجل المواقف والشهامه والنبل

الذي قدم ويقدم كل ما من شأنه الرفعه والعز والمعزه

وبما يرضي الله ....نتمنى له التوفيق والسعااده


لكم تحيتي وتقديري وفخري بكم جميعآ

 

 

 

 

اخوي ابوي نايف جزاك الله خير على القصيدة
ونيابة عن اخي ابومشعل اقول صح لسانك

واللي مافيه خير لجماعته مافيه خير لنفسة

وشكرا لك على القصيدة
وتقبل تحياتي
اخوك الصغير ابوخالد

 

 

 

 

صح لسان الشاعر ابو نايف ويستاهل ابو مشعل

 

 

 

 

صح لسان شاعرنا المبدع رحيل جديع

قصيده رائعه من رائع بشخص يستحقها

نظرآ لما قدمه ويقدمه وهذا ليس غريب على

عليوي القيضي لإن افعاله تثبت ما جعل

شاعرنا يطرح لنا هذه القصيده


دمتم بعافيه جميعآ

 

 

 

 

صح لسانك يابو نايف مليون شاعر مبدع



شهادتي فيك مجرورحه

 

 

 

 

.:[

.قصيدهـ .. رأئعه بما تعنيه الكلمهـ ..

..من أبيات ومفرداتـ ..

.{يعطيك العافيهـ.×

.×تقبل مروري..

[متعب الغبين]~

 

 

 

 

صح لسانك يارحيل
ويعطيك العافيه على القصيده
وتقبل مروري وتحياتي

 

 

 

 

أبو نايف صح لسانك يا الغالي
ونعم بالممدوح ويستاهل المدح وزود
تقبلوا مروري جميعاً