زواج +افلااااس << هههههه ( قصيدة لاتفوتكم )

السلام عليكم ورحمة الله وبركاته


هذا شاب يبي يخطب بنت عمه
<< المسيكين شوفوا الصدمه

ههههههههههه

((( يستااااااهل )))

والله حرام كسر خاطري

(( خلونا نشوف وشصار له ))

--------------------------------------------

سبحان من يرزق بتوع الملاييـن = الرازق اللي ما يخيب الرجـابـه

لي عم عنده معـرضٍ للصواليـن = أموت واعرف بس من وين جابـه


وإذا سألته قـال بعـت الدكاكيـن = ما يدري إني ما هضمت الإجابـه
الشاهد إني رحت له قبـل يوميـن = في قصره العامـر ودقيـت بابـه

قال ارحب ارحب عدّ ورد البساتين = يا مرحبا باللـي لفـا يـاهلابـه
قلت البقا عـدّ النفـل والرياحيـن = يا شيخ شمل اهل الكرم والذرابـه

قال اسلم الله يحفظك لي من العين = وآمر أوامر حضرتـك مستجابـه
قلت الصراحة طالبٍ قرب غاليـن = ودي تزوجنـي كريمتـك يـابـه

ثنّى وقال اهليـن والله وسهليـن = والكون ترخص لجل عينك رقابـه
لكن ترا عندي شـروط وقوانيـن = قلت اشرط اشرط يا حبيب الغلابـه

قال أولاً مهر العروسـة ثمانيـن = غير الرسوم وغير حق العصابـه
والثانية عمك يبي منـك سبعيـن = رسم الأبـوّة والنسـب والقرابـه

وام العروسة حقها منـك ستيـن = عشانها ست الحسـن والمهابـه
واخوانها كلن يبي منـك خمسيـن = عداً ونقـداً تنـدرج فـي حسابـه

وخواتها الخمس اعطهن من ثلاثين = عشان تتوثـق عـروق النسابـه
وتجيب طقم عيار واحد وعشريـن = وخاتم من الماس المصفى ترابـه

واكياس متروسة كعوب وفساتيـن = ألوانهـا واشكالهـا مـاتشابـه
وموتر بسواقـه وفيـلا بدوريـن = أثاثهـا مـن بطرتـه ينحكـى بـه

واحجز لنا قاعة بقصر السلاطيـن = واحجز بهـا بوفيهين وربابـه
وامنع دخول اهل العتب والبزارين = واعزم أميـر المنطقـة بالنيابـه

هذي الشروط اللي على بالي الحين = وذكرني اللي ما حسبنـا حسابـه
قلت اذكر الله يا عـدو المساكيـن = واستغفـره لا يبتلـيـك بعـذابـه


رد الشاب

الظاهر إنك منت عارف أنا ميـن = أنا لو ارقا فـوق متـن السحابـه
ما جبت حتى نص درزن مواعيـن = واضحك بكيفك واعتبرهـا دعابـه

شروطكم هذي شـروط المجانيـن = شروطكم شغـل ابتـزاز ونهابـه
شروطكم تقصم ظهـور البعاريـن = شروطكـم همّـن وغـم وكآبـه

شروطكم والله سيوف وسكاكيـن = تذبح بنات المجتمع مـع شبابـه
وين الرضا والعطف واليسر واللين = اللي ذكرهـا الله بمحكـم كتابـه

وين الصفات اللي أمرنا بها الديـن = وين اختفى نهج النبي والصحابـه
يا عم جعل اللي خلقنا من الطيـن = يرد عقلك مـن خطـاه لصوابـه

ويجعل نصيبي عند غيرك قل آمين = ويحسن عزا الصابر ويجزل ثوابه




رد العم

قال انت لو فكرت تفكير صاحيـن=ما شفت في مجمل شروطي غرابه
حنا بعصـر العولمـة والمزاييـن =ماهوب عصر الفلسفة والخطابـه

الناس تسعى للرتـب والنياشيـن = وانت اهتمامك بالشعـر والكتابـه
والشعر ما ينفعك لو هو دواويـن = ما دام جيبك مثـل بيـت الخرابـه

يا بوك لا تسمع كلام المصاخيـن=واسأل مجرب عاش في وسط غابه

---------------


رد الشاب

قلت الله اكبر يا محـرر فلسطيـن=من يسمعك يحسبك ذيـب الذيابـه
تراك شايب راس مالـك رياليـن = والبنت ما تسوى جنـاح الذبابـه



رد الشايب ( العم ) << شانت الأخلاق

قال انقلع مالت على وجهك الشين=لا عاد اشوفـك عندنـا يالزلابـه
قلت ابشر ابشر لكن الباب من وين=واقفيت من عنده على صوت بابـه

ههههههههههههههههه

وسلامتكم اتمنى ان تنال على اعجابكم

 

 

 

 

رائعة اخي احمد موسى تقبل تحياتي

 

 

 

 

قال انقلع مالت على وجهك الشين=لا عاد اشوفـك عندنـا يالزلابـه
قلت ابشر ابشر لكن الباب من وين=واقفيت من عنده على صوت بابـه


احمد موسى

ابدعت بهذا الطرح الجميل بجمال حضورك
والله اللي راح فيهاااا
لك تحيتي وتقديري

 

 

 

 

احمد موسى..

شاكره لك كل الشكر لطرحك
يعطيك الغافيه اخوي
لك ودي واحترامي..

 

 

 

 

لايصح الا الصحيح
ياسلام يااحمد موسى موضوع رائع ومفيد جدا
لك ودي وتقديري

 

 

 

 

محمد الوايلي

شاكر لك مرورك

 

 

 

 

بدر الشمال

شاكر لك مرورك

 

 

 

 

سحر الغرام

شاكر لك مرورك

 

 

 

 

رحيل جديع

شاكر لك مرورك

 

 

 

 

اوعزتيله ههههههههههه

صح نقلك يابوموسى ودي لك