من اختيارات بدر الشمال

طبع الندى يبكي وهو حاضن الورد=في عز ماهو فارغ الصدر مرتاح
مثل السحاب اللي بكا دمعة البـرد=تفرح به العربـان لا بارقـه لاح
اما انا قلبي غـدى قاسـيٍ عـرد=ماعاد يبكي لو فنت كـل الارواح
من يوم راح وشاف دمعي ولا رد=حرمت مابكي لي على واحدٍ راح
طرد المقفي يتعب القلب بالطـرد=يشوحه المقفي كما شـوح ملـواح
والدمعه اللي شافهـا وراح مـارد=اخير دمعـه كانـت لواحـدٍ راح


ثـــامـــر شــبــيــب

 

 

 

 

البارحه شقرا من الخيل مرت =ياليتني المالك وبيدي رسنها
فيها الصفات الطيبه ماتخفت= ومن الاصايل في حمايت وطنها
طلق اليمن تروح ساعة وردت= تقهر عيون الي برمشه فتنها
يوم اقبلت بين السبياء تلفت= في معتلج فرسان ماحد غبنــــــها
تبارك الرحمان الى النفس طمعت= والعين تزهق والخيال امتحنها
كنها مخيله من سمها توطت غطت =على الوديان والي سكنـــــــها
حيث الجوازي من مطرها استكنت= في خبت خالي ما لمبندق سهنها
ريم الفلا وانشافت الضل هجت= ونعاودت ما كل رامي ضمنها
وعزاه ياقانص قفا صيد قفت= ماعاد هجنك يلفتى يلحقنها
من راس ضاحه شفتها يوم هفت= هفت نجوم الليل اخر زمنها
راحت عليك ولليلة القدر زلت =دار الفلك وانفس غالي ثمنها
وعقبا لمن داره بلفراح لجت= دار السعاده في النوافذ علنها
دموع الوداع الي على الخد هلت= عذاب القلوب الي تجرع حزنها

 

 

 

 

وهبني الله من خيـره بنـت الأجـواد=يالله عـسـى يحميـهـا رب العـبـادي

"ذكرى"في قلبي بنت صرح الأمجاد=والهاغلا فـي القلـب ماهـوب عـادي

قصـرٍ مشيـد مالـه اســوار وعـمـاد=قصر الوفاء والصدق هذا الوكـادي

أقولهـا كلمـة عـلـى روس الأشـهـاد=يسمـع صداهـا فـي جميـع الـنـوادي

حبـي لهـا دايـم علـى الـدوم يــزداد=فـديـتـهـا والله مـضــنــة فـــــؤادي

يالله عساهـا فـي مـسـرات وأسـعـاد=ويبقـى غـلاي بقلبهـا فـي ازديــادي

 

 

 

 

اقسم بعزة ماسك الطير فالجو = انت الوحيد اللي دخل في مزاجي

واقسم بعزة مرسل الخير والنو =إنْك على بالي وقربك علاجي

ولعت في قلبي على همه الضو= ماعاد اميز مدخلي من خراجي

ياللي سريت بقلب هايم لك سمو= انته سبب ضيقي وكل انفراجي

عديت في قلبي وبه ناس عدّو=وانت الوحيد اللي بنى له اسياجي

مدري تحبه حب أو نيتك ســو = فيك القراح ومنك طعم الهماجي

دخلت مع بابٍ وبه غيرك اقفوا =ياسبة اهمومي ودرب انعواجي

وانت السبب يازين واللي تبا سو=وانا على الميثاق لازلت راجي

واقسمت باللي ماسك الطيرفالجو=انت الوحيد اللي دخل في مزاجي




متعب العتيبي

 

 

 

 

وش يسوي من فقد غاليه في لحظة كرامـه=يايضحي فالكرامـه يايضحـي فـي وليفـه
واصبح الموضوع متعلق بقلبـه وانقسامـه=الخيار الاولـي مرفـوض والثانـي يخيفـه
ولا بقـا قدامـه الا خنجـره يذبـح غرامـه=من وريـده لاوريـده دون لايرحـم نزيفـه
ماجـداه الا يقـوم الليـل لاهـود ظـلامـه=ويتنفس بارد النسناس والاجـواء اللطيفـه
ايغرق بيـن التوجـد والحسافـه والملامـه=ون غفا جرحه تجهم وايقظه وايقـظ رديفـه
بين عزة نفـس ماترضـى بديـلا للشهامـه=وبين هـم يحتريـه وبيـن هـم يستضيفـه
الوليف اللي كوتني غيبته واعلـن خصامـه=بيـح الله سـد الايـام الرديـه والكليـفـه
كيف جادت بالفراق وكيف شحـت بالليامـه=وسلبت مني ربيع العمـر واهدتنـي خريفـه





نـاصـر عـلـي الحـارثـي ( هــداج )

 

 

 

 

حرفـة حروفـي ماهـي حـروف تحريـف " " ولا فلسفـة مسطـول تسـري بـه اوهـام حـزن المعانـي وظـف الحـرف توظيـف " " وفـزة شعـوري شعللـت روس الأقــلام االمحبـره تنـزف تحـت رحمـة السيـف " " وإلهـام سيـفـي مـاخـذٍ درع واحــزام االمسـألـه مـاهـي مـجـرد سوالـيـف " " قصـة غـرامٍ ضيعـة قـلـب ضـرغـام لولا القوارب وش وجود المجاديف؟ " " ولـولا وجـود المـوج قبطانـهـا نــام الليـل موحـش والسهـر فـيـه تكلـيـف " " وكـلٍ يعـاف الليـل لوعـاش منـضـام القلـب بيـت ٍ للوفـا والـغـلا ضـيـف " " وأصدق ضيوفي من صغر سني (أريـام) " حبـل المـوده كتّـف القـلـب تكتـيـف " " وطير القفص رغـم الغـلا باالفضـا حـام ياحيف.. ياقلبٍ بنا الصـدق.. ياحيـف " " يرسـم طمـوح الـود بكفـوف الأحــلام الحـزن حـاقـد والمشـاعـر ملاقـيـف " " ضمـة وليـفٍ يـزرع بدربـي ..ألغـام هــذا نصيـبـي ماتفـيـد التحاسـيـف " " رضيـت بالمكتـوب.. ونكّـسـت الأعــلام وشلـون اجاهـد والـبـلاوي تصانـيـف؟ " " والـحـب ظـالـم والغرابـيـل ظـــلاّم منهـا عرفـت ان الليـالـي تصـاريـف " " مـن يـوم قلبـي عانـق جــروح وآلام عمـر الأمانـي ماتجينـا علـى الكـيـف " " وعمـر الزمـن ماحقـق احـلام الأيـتـام ولـو الغـلا يجمـع قـلـوب الموالـيـف " " كـان الولايـف ماشكـوا جـور الأيــام !!

 

 

 

 

ياللي علينا بالمحبه تغليت
ياالله توكل رافقتك السلامه

لاتحسبني بتبعك كان صديت
ماتبعك دام الراس وسطه كرامه

من صد جازيته بصده وصديت
ومن يتبع المقفي يقل احترامه

وكانك نويت تذل هالراس اخطيت
والله لتبطي مانزل من مقامه

انا ترى لاقفيت00 ياهيه اقفيت
ماعاد ارجع لو تقوم القيامه

انا بشموخي عن غرامك تعليت
ولاخيرفي حبٍ يذل بغرامه

انا اعترف اني بحبك تماديت
لكن اموت ولاابيع الكرامه
................
منقول ..
تقبلو تحيتي

 

 

 

 

خل اللذي غيّر مباديك يعطيك
قلب ٍ على مر الزمن مايخونك
حرام ماتلقى من الناس مغليك
كثري لو ان الناس كلهم يبونك
تدري وش اللي هزني يوم اخليك
خايف اكون اللي مسبب طعونك
تدري وش اللي حدني غصب ماجيك
العزه اللي هدمت لك حصونك
صحيح احبك واعشقك حيل واغليك
والبعد مايعفيك تكتم شجونك
في غيبتك كن المشاعر تناديك
تاخذني الذكرى وردد لحونك
اجاهد الذكرى ليا مر طاريك
وخفي جروحي لو سببها طعونك
اراجع اللي فات من حلو ماضيك
بين الامل والشوق ناطر مزونك
خايف تبيع اللي من الناس شاريك
وانا طموحي بس اناظر عيونك
تبغى تشوف اللي من الناس يغليك
اللي على عسر الليالي يصونك
تبغى تشوف اللي مع الوقت ناسيك
اللي تعوّد يقضي العمر دونك
والحين ابرحل عنك ماني براجيك
وباكر مع الايام غيري يخونك

 

 

 

 

آسعد الله آوقآتكم بالرضآ
والسرور..~

ممآ رآق لي...


آه .. من ضيق النفس .. لا صارت اللقيا محال
وآه .. من جور القلوب اللي تزيد [ غيابها]
وآه .. من صدق الظنون اللي تخيبها [الرجال]
[ آه ] كلمة انتهت بي .. ما عرفت ابدا بها !!
خايفه مثل الوحيده .. ضايعه بين احتمال
احتمال الروح تفنى .. واحتمال اشقى بها
آتظاهر بالسعادة والمدامع راس مال !
الهموم اللي بصدري ليت اعرف اسبابها؟
مادريت ان القلوب تضيق من قل الوصال
لين شفت الشوق بيدينه يتل ارقابها
ولا هقيت اني احبه عدّ همّال الخيال
لين شفت ان الكرامة زودت بعتابها
ليلةٍ فيها ضعفت ولا غدا فالحال حال
ايه بعد القرب صرنا من عداد اغرابها
ان سمعت الصمت ليلة لا تشاغل بالسؤال
بنت أهدتك المحبة والغلا ما عابها
وقّفت عند الخطيّة ما تعدّت بالمجال
لا تخون ولا تعيب ولا تهون اقرابها
لا سقى الله ليلةٍ فيها نويت الاتصال
دمعتي من بعد صوتك ما حسبت حسابها !!


وسلآمتكم..~

 

 

 

 

انا سميتك الدنيا وانته وش تسمينى ؟

فديتك ياهوى نفسي مع الشدات خاويني
فديتك لاقسى وقتي علي وناحت أشجاني



أبيك في لحظة الفزعه تحط يديك بيديني
وأبيك لياشكيت الياس تكون بساحة أوطاني







طلبتك يابعد ذاتي أماااااااااانه لاتخليني
تراني لو رحلت أبقى ضحية كيد عدواني



سألتك بالله الواااالي سألتك لاتجافيني
لأني أمووووت بغيابك ياروحي وكيانى



معي واصل مشاويرك أواسيك وتواسيني
معي إبقى مثل ظلي حذااااري لاتخلينى



أبي منك الوعد إنك على غيري تبديني
وأنا هذا وعد مني ماأبيعك وأشري الثاني



وإذا بلسانك الصادق نطقت وقلت تغليني
أنا بأعلن خبر عاااااجل تعالوا إقروا إعلاني



أبكتب داخل الإعلان إلى من صار يغليني
إلى قلبي إلى عمري إلى من صار يهواني



إليك أهدي نغم شعري وكل عرق نبض فيني
وإليك أهدي شذى عطري وياسميني وريحاني



وأبكتب داخل الإعلان وصيه كان شاريني
معي بالطيب عاملني ولاتجرح بهجراني



ومهما تقسي الدنيا علينا لاتعاديني
ولاتسعى أبد في يوم في عندي وعصياني



أبيك دكتور لآلامي من أحزاني تداويني
وأبي لاكفت أبصاري تكون النور لعيونى






أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني



وتجاوبهم إني حي وبالأضلاع تخفيني
وإني سلوة الخاطر معك لاصرت وحداني



أبيك تقول هو بقربى أحاكيه ويحاكيني
أبيك تقول هو موجود وخبيته بوجداني



أبيك تقول هو دمي اللي في شراييني
لأنك دمي اللي كان يضخه عرق شرياني



وأبي لازادت جراحك تخيلني وتناديني
وتفتش داخل شعورك وتهمسلي وتلقاني



وإذا طال السفر إقرا كتاباتي ودواويني
وقل ياكثر ماخلي كتب لي شعر وأهداني



ترى لو للقصيد عيووون والله ماتقديني
لأني للقصيد عيون وإسمك رمز ديواني



وترى لو للحروف أهداب تعجز لاتغطيني
لأني للحروف إيحا ووحيك سر لإذعاني



تداركت الزمن يمك الا ياليت يمديني
أخاف أجيك متأخر وسيف الوقت ياطاني



نسيت من أجلك الصادق اللي الروح يعطيني
ونسيت الأول والآخر والقاصي مع الداني



وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني



كفايه أنت في دنياي أمل باقي يسليني
أمل صوته إذا ضاع الأمل ألقاه بأركاني



كفايه همسك الحاني إذا جاني يدفيني
ويبدد وحشة ظروفي وتشرق فرحة أكواني



تراك بعالمي شمعه تبدد ظلمة سنيني
وتراك بدنيتي دنيا لها لون وشكل ثاني



ودنيا" مابها حسك ماأبيها وعمرنا فاني:
أنا سميتك الدنيا وأنته وش تسميني؟