مدونتي,عالم من اختياري

( اصعب سؤال ) اللي جوابه للأسف مثله ( سؤال )
ما هو تفلسف الا موقف صار واسمع " ثاني بيت" :
البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )
ادري بان جمع ( الصعوبه والبساطه ) شي محال
لكنها صارت كذا واللي (( اهم )) اني دريت :
ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت )
يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟
شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت
عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..
الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟
اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت
مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..
يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت
صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..
تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..
وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت )
حتى وانا تخيل حشمتك لن قلبي لا يزال
يكرر اسمك داخل اعماقي بنبضه لا سهيت ..
قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..
ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..
واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت ... بيـــت ..
بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

 

 

 

 

دام الفجر يـا ليـل دايـم يقتلـك
وشلون يقفي ما دفع لك ديّتـه ؟‍!




يقتل وتحمّر السمـا فـي مقتلـك
الـدم كاسيهـا وكنهـا ميّـتـه




ليته يحس بضيقتـي لا ضقتلـك
لا سالت دموع الشجر من جيّته !!




وليته يحس بوحدتي لا اشتقتلـك
والهـم دايـم لا لفانـي نيّـتـه:




يصبر علي : اروق لك وان رقتلك
ينزعك من جفن ٍ افراقك بيّتـه ؟!




شفني بعد ما غبت كيف اورقتلـك
غصن السبات وصرت كني فيّته !!




مابين رمشيـن الشقـا خنقتلـك
النور لـو العيـن بعـدك حيّتـه




لا صرت عم وخال قلبـي سقتلـك
قاف ٍ تجـره للسـواد حميّتـه !!




برثيـك ياليلـي واذا نطقتـلـك
مرثيتـي حـس الضيّـا ابسيّتـه




قله تـرى فـي مطلعـه علقتلـك
قطرة ندى بجدار رمش امنيّتـه




ينهد على حـد الشفـق لا فقتلـك
لا من جبرت الفجر يدفـع ديّتـه!!

 

 

 

 

وحيد . . ولا معك غيرك

بعيد الوصل و الملقى

!

غموضك | عبرتك | ليلك
دموعك ، سكّتك ، ويلك
وآهاتك و زفراتك ،
ويأسك في متاهاتك !
سفر دنياك . . ما هدّك
معاك الحيل ما سافر
ولا هذا الزمن : ردّك
عن الأحلام . . والطيبة
أيا طيّب بإحساسك ،
قليل بهالوطن مثلك !
أيا مجنون بأحلامك . .
تخاف الناس . . ما تنسى
هَجَرْك الحظ من بدري ،
وغنّى الضّيم

موالك !

ترى هالحزن ما يدري . .
عن اللي فيك وشـْ جالك !
و ياما الحب غنّى لكْ . .
وجاك بْ صدره يضحّي ،
يدوّر فيك . . عنذكرى
ولا يحرث سوى : همّك
وصوتٍ بحّته . . ترجف
تغنّي من غلاك : إحساس
تبي يوصلّك ، المعنى
و يصرخ خافقك : لاباس
عسى لا باس . . يا وجهٍ
طواري غيبته : ملّت
تهزّ أقصى قبايلها . .
وترجي طيوفه يْجيها ،

 

 

 

 

[.......................]

حالة هدووووووء غريبه بداخلي


يارب ,,

يارب مايكون الهدوء اللي يسبق العاصفه

 

 

 

 

لا صرت صح ووقتك كله اغلاط في اغلاط ليه تتعذب به و تتعب و تشقا ؟!
رح القمر و أفرش على سطحه بساط
........................... وخل الحثاله لو بها خير ترقا !!

 

 

 

 

..{ بَنآمْ يآتنهيده الصَدرْ ..[ تَكفين ] .. فكّيْ أزآرّيرْ / التعّ ـب /


وإرحميني

 

 

 

 

ثلاث أيام عنواني "الهجير "
جيتني : رايق ... وانا روّقت لك ..
جيت تسأل .. في | غيابك |
وش يصير ... ؟
جاوبك [ كلّي ] و صحت و قلت لك :
في ‘غيابك’
صار لي الشي الكثير ...
إختصاره بـ .. كلمتين :
ಏ اشتقت لك ಏ

 

 

 

 

[ .. عندما تبكي أمي ، أحترقُ مثل الأغصان الجافة ، لا أفكر
في أسبابٍ منطقية ، فقط أكتشفُ أننا شخصٌ واحد ، يبكي بعيونٍ أربع ..! ]

- محمد حسن علوان -

 

 

 

 

وكنت أنت والليل والمزاج و[ المطر ] !

لكِ أرق (الكافيين) ،
و صحوة الرائحة يا (انتِ)

صباحك (أنا) !

 

 

 

 

لو هي علىآ ضيقة الخلق
هونتهآ ,,

.................................................. ......... وأقول : ضيقة دقآيق!
.................................................. .... ( المسألـه )

عبـرة
.................. سجينـه بهالحلق
..................................... ترقىآ دمـوع ,,


................. وترجع لـ ( صدر ضآيق )