من اختيارات بدر الشمال

الشاعر // خلف بن هذال



سوولي الكيف وارهو لي من الدله
.................... البن الأشقر يداوي الراس فنجالـه
كيف لنا نحرقـه بالنـار وانزلـه
.................... واليا انقطع لو ورى صنعاء عنيناله

 

 

 

 

شالح بن هدلان


أبا أنذر اللي من ربوعي يبا الطيب

=لا يأخذ ألا من بيـوت الشجاعـه

يجي ولدها مـذربٍ كنّـه الذيـب

=عزٍ لأبوه وكل مـا قـال طاعـه

وبنت الردي يأتي ولدها كما الهيب

=غبـنٍ لأبـوه وفاشلـه بالجماعـه

يا كبر زوله عند بيت المعازيـب

=متحـريٍ متـى يقـدم متـاعـه

 

 

 

 

راشد الخلاوي


لا تأخذ الهزلا على شأن مالها

=ولا تقتبس من نارهم بالوقايـد

لا تأخذ ألا بنت قومٍ حميـده

=لعل ولدٍ منها يجـي بالفوايـد

 

 

 

 

شقير الدويش


شبعنا وشبع الذّر مـن زاد سورنـا

=وللـذّر فـي زاد الكـرام معـاش

يعطي العطى من كان ضاريٍ للعطى

=ويمنّ العطى من كـان خالـه لاش

ومن لا يعرّب منسبه قبـل منشبـه

=تـروح عليـه عيـلانـه بــلاش

 

 

 

 

محمد الأحمد السديري


لعل قصرٍ ما يجـي لـه ظلالـي

-------------------------------------------ينهد مـن عالـي مبانيـه للسـاس

لا صار ما هو مدهـلٍ للرجالـي

------------------------------------------وملجأ لمن هو يشكي الضيم والباس



محمد الأحمد السديري


ليا خاب ظنك بالرفيق الوالي

=ما لك مشاريهٍ على نايد الناس

 

 

 

 

عبيد العلي الرشيد


الناس ما تسقيك لا صرت عطشـان

=ولا يشرب المضمي كود من ذراعه

أضرب على الكايد ليا صرت بحلان

=وعند الولي وصل الحبل وإنقطاعـه

عيبٍ على اللي يتقي عقب ما بـان

=وعيبٍ طمان النفس عقب إرتفاعـه

 

 

 

 

مريبد العدواني


ليا صار ما توفي عميلك من الصاع

=ما ينقعد لك عند حصـن النواهيـم

شبرٍ من البيداء يعوّضك بالافـزاع

=وسود الليالي يبعدنّك عـن الضيـم

 

 

 

 

سعدون العواجي



النوم رأس اللوم بان الردى بـه

=واللي يبي الطولات نومه شلافيح

الذيب ما يرقـد ورزقـه نهابـه

=يدوّر الغرات عنـد المصاليـح

واللي يبا الطولات يتعب ركابـه

=والعز بأكوار النضا ياهل الفيـح

 

 

 

 

صاحبه مجهول ؟



ياطير من شانك دفعت المخاسير // ولاني بحسب كثرها والقليله
ياما على شانك قطعت المشاوير// وانت تصيد الصيد وانا الدليله

 

 

 

 

العتيبي



الشيب ماهو عيب ياغَضّ الانهاد
كم شايبٍ يفري دم الجوف فَرْيا
بلاك ماحاربك "زايـد" و"شـدّاد"
ولا اسقوك فالفنجال مرٍ وشريا
ولا حاربوك سليم وآلاد"عبّـاد"
شِعوان الايدي موردين الشبريـا