ديوان الشاعرة العمانية هجير ؟!!

الشاعرة هجير
قصيدة من لهفة أعيادك

( يا دار عبلةَ بالجواء ِ تكلمي =عمّي صباحا دار عبلةَ و أسلمي )
سلام يا كثيب الحشا من سلهمه ل السلهمه =من في ذراها يلوذ بك يوم الضلوع أوتادك
لأهل الطعون الوارفه إما المضارب معتمه =فيها تطاير من بصيص النور ظل سهادك
والزاجل اللي أطلق الجنحان ,, حّط بمجثمه =وسط الجوانح والمهاد اللي سكنها مهادك
و إلا عتاق أفكارهم من ( دار عبله ) مُلهمه =يا لهفْ دارن لا خبا هالنور \ طال بعادك
( عمّي صباحا ً) أو يعم الفجر والليل أهزمه =دام اللواعج في ظما ,, قد طوّحت بعنادك
شفت الهوى في ميسم ٍ يهذي بها عن ميسمه =يا طيب عبله كيف لو ماس الهوى بأعيادك
من عّلم الاطياب عن در الحكي عن معجمه =في ليلة ٍ ظلما ,, وعن بدر السما و سنادك
عن كل ذي عذل ٍ اذا هز العنا من معصمه =شخص ٍ جريح ٍ ليه ما هز الغياب أعوادك
في ذاكرة قمرا ,, بغيت .. ولا بغيت أتوّهمه =كالمزنه اللي جادها الهملول ,, لما جادك
سيلن من الأشواق يوم أني أجّر التمتمه: =شفت بعيوني وما دريت بمعمعة وراّدك ؟؟
رمضا طعوني والهجير عجاجها والحمحمه =ما عاد به إلا رماد الجمر صار رمادك !!
تسبي هجوس النايبه يا فتنة العاقل سْمه =لا طال بك دربن يتّل بوحشته حسّادك
أقرب من أنفاسي هواك ولا قويته علقمه =و أبعد من أنفاسي أبيك ان ما تهّيا مرادك
إما يدثرني الكثيب,, اللي همومي تلملمه =و إما تذرّيت بذراه ,, وإما شعلت هجادك
يا ذي الحمايم زاجلك ان قلت الله يرحمه =يا وجد بن شداد رف من الرفيف ودادك
من لهفة أعيادك يذوب الصبح قبل السلهمه =من (دار عبله) فل هذا الصبح ضي أنجادك

 

 

 

 

الشاعرة هجير

قصيدة يا ساري

يا ساري الداجي على طيْب تهليل =غارت عيون الليل بشمال وجنوب
ورجوم هذا السفح لو سّهد اهميل,, =أرخى مظاليله ,, على راس عرقوب
قلت : استطار النقع من فيض هالقيل =لا من تزاهم حس داعيه ,, و يلوب
من قاصي الدهنا على سرج حلحيل =لّد المسا يمّه ,, تمّسى ب يعبوب
أفرع من الكاهل ,, سحاب الهماليل =اللهذم اللي به لمس.. كف مشبوب
في ليلتن شهبا ,, تباها بها اشليل =أبرد من اللافح ,, ومن ريح دالوب
يا ذا الغدير اما تثنى السنا حيل =مرة تلالا بك ,,,, ومره بك ايذوب
ما ينثني حافر لجل وادي السيل =سلهب ولا يومن تتالع بعذروب
لا صار هذلولك ,, عتاق الهذاليل =لاح أدهمك يومن يقولون مهيوب
أبهم من الجهمة إذا تطرق الليل =وأدعج من عيون بها طيش رعبوب
ما هو من الابقع ,, كثير التشاكيل =الا على الصهوة تبختر به الثوب
من غرة جبينه لمع واهج سهيل =كن المسا منها متاهات ,, ودروب
وين الله سيّركم ,, بلا ضي قنديل =مسلوب والخافق غدا حيل مسلوب
خيّال ذاك اللي يدرهم به اصهيل =من جلجلة بيدا , قبل لجة غروب
قل : أبجلن كل ما يخازر ولا يميل =يتخايل بطرفن ,, ويأسر به اقلوب
قل : يا هل الأبجل و يا عذية الهيل =مثعوب هالدله ,, حلا كل مثعوب
اما طريت اللي يزيد المكاييل ,,, =واما عجزت ألقا بمكيال مصبوب
بكر السحاب اللي رثامه من احجيل =يا ساري الداجي و لك خط مكتوب
على مساويها ,, جرت هذي الخيل =غارت عيون الليل وانفاسه تجوب

 

 

 

 

الشاعرة هجير

قصيدة يا سيّد البال

وش يعني ان الوقت يخلق من أفعال =خصن عزيز ٍ ترتقي به الفضايل
لما تبين أفعال في صدق الأقوال =ا صارت أبسطها بعينك شمايل
يوم الصروف اثقال وتمرك ثقال =حّر من رمضا في عّز القوايل
وأتعب على قلبن إذا شال غربال = أقسى على ضلعن يّلم الهوايل
ما عاد به ضلع ٍ غدا هزاله هزال =ويا ما أتعبه قلبن به الهم شايل
ان لاح بوصال ٍ و يرحل بلا وصال =لما تحّس بطيف ظله يتمايل
أو هالسراب اللي يتّلوه به اللال =وسط الهبايب فيه صايل وجايل
من عّلم الشّده عن الحال يا حال؟ =وشلون من شّده تبين الخصايل؟؟
وشلون من شده تيقّنت الآمال؟؟ =أو إن هذا الحلم ما انته بنايل؟؟
تدري بإن السهل لو تخلق جبال =من قول ما منه سوى فكر زايل
كلمة وتملكها و لا قبل تنقال =إما فطنت إما بها الجهل طايل
وش يعني انك صرت يا سّيد البال =تسكن عيونه والعضايل عضايل
لو ينشدون الطيْب عن طّيب الفال =ردّت تجاوبهم ,, غزار المخايل
الطاري اللي من مرّوات رجّال =لا جّمل أطباعه ,, وزانت جمايل
حين الصروف اثقال ويا كثر عذال =في وقت به تاهت جزال المثايل
سألت وش أصدق من أمثال ٍ جزال =شعور يوم انك تخاله ,, يخايل
ذاك الهميل اللي على الروح همّال =و ذاك العزيز اللي سعى للفضايل

 

 

 

 

الشاعرة هجير

قصيدة قف في هاالدار

قفْ في هالدار من نوض السنا قبل الامزان =في غداة الفجر أو في لوى الرمل نايد
ومن سراة الضحى دّج لذعاذيع الاغصان =و ان دنا,, يزاهم هبوب الفلا والرفايد
ثلث من سدفةٍ به رحت بإطراقة أجفان =ناض من كلكلك يا ,,,, بارقك يا اللهايد
جيت من نثرة القيظ .. لمرابيع قيفان =من مناكيب جوزاء .... تنتثر كاللبايد
في محاني الحشا .. قل درهمي بي يا ذيدان =حيث ما يسّج بي طرف السهر للقصايد
قفْ في هالدار والله لو سرى طيبْ ريحان =أشهد انه سرى الطيبْ وانتشى بك يا قايد
لا سمى بناظر الشهم الابي بين الاوطان =غّرة المجد بحماه .. ما دعى إلا الندايد
ما دعى إلا الندايد ,, مثل مكنون الاكوان =الحجا ريق صنديد ,, اشهدت له الشهايد
من غزار الفكر صار ابن بجدة هالاذهان =النثير ان حكى ,,, و دّر النثير ,, القلايد
ما دعى إلا الندايد ,,كاالثريا اذا بان =أخضبْ الكف... من عقب الرهام البدايد
فيضها اسهابة الغيم لا طروا سيل غدران =أجودْ الديم لا جاد ,, جود هالوبل وايد
أرتْون من ينابيع الندى ... بيض الازمان =سلْ صواريم فرسان الوغى في الشدايد
سلْ مقاديمها اللي في صحاصيح شيهان =عن جلابي كحيلان,,,,عند أهل العوايد
شرقها رزّها أطناب الفخر,,, لين سمحان =مطرف الشمس باكتاف الوهج ,, لا تزايد
مثلك أبلجْ من الصبح ل بياضك يا سلطان =و أعلم أنك تعليت ,, حيث ما الصيت سايد
قّنة أسلاف واشراف,, يعتلي لجلهم شان =تنفض عجاج الايام ,, و ألتمع كل بايد
قلت قابوس و أفواج الضيا ,,,, دونها عنان =والمدى رجزها اللي ,,, هّز متن الرعايد

 

 

 

 

الشاعرة هجير

قصيدة لل أنا وّدي

في عجل والصبح خذني لل ( أنا ودّي) وترقا =وأندثر لأقصى التغلي في سما تيه المفارق
(ودّي) اللي تحرق الأنفاس في هالصمت حرقا =(ودّي) اللي تسحب ذيول الحكايا ل كف عارق
ومها الأشواق كانت مثل هالأشلاء غرقى =بأسألك منهو يلملم غفوة ٍ من عين سارق
أنزوي ل (كنّي خضارك) إن حكى الخافق ل ورقا =كني أرفل في غيابك ,, كل ظل ٍ فيك وارق
كني أتنفس أحبك من حديثي ل غيمة زرقا =يومها الغيمة تلاحق مدمعي ,, وتنده ل بارق
يالحنين اللي تكدس لجل ( ودّي) اخلقها فُرقا =يا العيون اللي حكت لي ,, لا مشارقها مشارق
في عجل والصبح خذني لل (أنا ودّي) و ترقا =لين ترقا , كنت أردد في الحشا: " طيفه اللي مارق"

 

 

 

 

	الشاعرة هجير قصيدة أحيانا من زمن , , أوقد من ( أحيانا ) غياب قلت : ابا اعرف وش مصيره ؟ الصمت ما يورق من أسرابه سوى الأسراب ... هالمسا ( أحيانا ) تهجى الصمت وفيك أغتاب .... خلسة ٍ ينساب ,, يمكن في ظما سنين ٍ مريره !!! قل : قناعه ما تجي لإنسان من دون البصيره يلوق لك إحساس خاين حين تهديه لأصحاب ؟ قال : انا شلت التعب , أنفاس وضلوع ٍ وحيره بي ظما سنين ٍ مريره , جرح وهموم و أهداب قل : تخيلت الوجع من هاجس أغرابك يا ديره والزمان اللي تقاطر به ,عنا, ليل الاغراب ودي افهم كيف غبت أشلاء في حكمة كبيره ليه ألملم دمعتين ٍ ,, بعثرن شوق الاحباب ؟؟ من هم اصحابك سنادك في ذرى عين قريرة يوم فز الخوف حتى يرتمي الليل ,, مرتاب شف ثواني ينكسر فيها الرجا ويموت غيره شف صواديف الليال , تشّتت أسباب و أسباب ما على المجهد عتاب لا توجس خيفة ٍ من عاتي الريح وصفيره .. والصحيح ,, ( أحيانا ) انه بك تنامى ,,ثم تنامى ,, في العذاب .. والعيون اللي سهيره ,, من زمن ,, كانت سهيره .. ذات سيره ,, أغبياء مروا على قلوب ٍ كسيره أغبيا مروا على هالصدق والوهن جلباب والنسيم هناك مدري ليه ما حسوا بعبيره ؟!!! كانت الكذبه مرار ,, وعقبها حرقة أعصاب أغبياء ,, محدن تذكر يومها عن ذات سيره صار ترتيل الدياجر من تفاصيل غِيّاااااااااب يعني هذا اللي تمادى في الضلوع ألعن شويره يوم شاورت الحشا في جرح للحين ما طاب

 

 

 

 

بدر الشمال..
كعادة نكك الأحمر الفاخر لا يجيء إلا بكل ما هو فاخر ..
تقطف من حديقة الورود أجمل الورود ..
و أرق الورود و أكثرها فوحا ً ..
أيها الفوح الإبداعي الذي تتوق له الأعين ..
قد تتساءل :
و ما علاقة الأعين بالفوح ؟؟!!
و أجيب :
معك تتبدل القواعد و الخرائط و العناوين ..
استاذي بدر الشمال ..
هل لبحر روعتك ساحل ؟؟!!
راق لي طرحك الرائعةيامنبع الابداع
رويتنا مما ننظر اليه
جزيل الشكر لك ولقلمك المبهر
وتاكد بأنني دائما بانتظار جديدك
باقات الشكر باقة ًباقة أطوقها عنق رقيك المخملي ..
فاقبلها استااذي
لك ودي واحترامي ..

 

 

 

 

سحر الغرام

شاكر لكِ هذا الرد وهذه الكلمات النديه والجميله

لكِ تحيتي وتقديري

 

 

 

 

الشاعرة هجير

قصيدة وينسحب بشويش

وينسحب بشويش صبحن في نهم سولف ل تينه =كل ما جاشت على جزل السحاب اكوام نور
غيمة ٍ ترفل جلابيب ال "هلا" طله وسكينه =في إياة الشمس طلت من غلالتها البدور
بالسلامه , والشفق ثغر ٍ تبسم من حنينه =تواترت انفاس لما قضقض فتوره فتور
يلتفت لليل , ويترقرق على الفينه ل فينه =حنت الورقا على جيد الدياجر والبرور
من يبيح بسر "جوزا" بالسما لاذت ل عينه =رحت أخبي أطرافه الولهى ويتغزل يا حور
لين يتهلل شغف يا موادعي لا قلت وينه =بس وأدري هناك يتغّضن على طرف امهجور
لا تهامس من لمى شفاهك مسا هاالياسمينه =والحكايا كانت أترفها صبا مسك ٍ يثور
حيلتك يالليل متناهي صخب يشعل أنينه =وحيلتك يالليل تتراكم وله بوح الثغور
إيه أنا اللي مهفهفة طيفك , تعذرت بسنينه =راعني بك من سنين العمر خفاق امغرور
الرحيب الغارق وصاله كذا في راحتينه =والعجول اللي تشّذر في رحى حلم ٍ وقور
إيه يا تلعة هجوس ٍ لملمت دمنة مدينه =في سراة الومض ياهي اتذللت جّوا الصدور
من خبيب أمتان عتمه يذوي هزاله وبينه =وبين خدر اهدابها اللدنه تراخى له شعور
وينسحب بشويش لما اتخايله منبت يقينه =من صحيت , وصفحة شياحه مرابيع النشور
النهار اللي ترّيث لي ونا اهمومي دفينه =والجروح امفازة سطورن , ضعاينها سطور
غرة ٍ , يومن تمّطى الليل وبانوا مدلجينه =صحت: يا ذاك النهار اللي ترّيث لي امعذور

 

 

 

 

الشاعرة هجير

قصيدة مدري

تدري إني كنت أدوّر للمواجع عن بقايا !! =زمجرة ريح انتحابك كلها تسكن بصدري
أمس لجّت في رفات الصبح لجّت للزوايا =هاالجروح اللي تهاوت في حزون الهم بدري
والثواني لا ترامت برد من أقصى الحنايا,, =ثرثرة تندس فيني \ وفي عروق الليل تجري
تدري إني كنت اترك في شبابيك الوصايا =طق طق ل بابك ياغربه .. وانكساراتي وعذري
حزمة أشواق ٍ قديمه , بعثرة بعض الشظايا =نايح ٍ مّل بغيابك لين مل الدرب صبري
المسا وان جاك حادي يسبر أغوار السجايا =وش خذا الترحال منه قلت هذا الشوق جمري
يشب في جرد السوالف ونة ٍ مثل الونايا =من يلوم الجرح لما يثمل غيابك يا عمري
حيثما الغيمة تخايل في عيونك من خفايا =يا عسى فداها عيون ٍ حيثما اسري وتسري
رحت أململ دمعي اللي يجثم بصدر النوايا =رحت أدوّر للمواجع عن بقايا , ليه؟ مدري !!