مـډٷنـتۓـ ٱپــٽ ٱلـ ھ ـيلم

{نفسي ابوح ~نفسي اصرخ باعلي صوووووووووووووووووووتي


أتألم
واتالم
واالاااام


لماذا ؟؟

 

 

 

 

موضوع جميل
جزيل الشكر لك ولقلمك المبهر.!

 

 

 

 

الحب ماهو دق رقمي وانا اجيك
ولا رسايل شعر من قول شعار






والا اتصالٍ تالي الليل يلفيك
تقعد عليه اتجيب لي حد الاسحار





الحب يابنت الحسب شي يعليك
حارم اقوله عاش من بيننا وصار




الحب شيٍ داخل القلب يرميك
في تهلكت عاشقك لو كان جوار




الحب حس تالي الليل يطريك
يسهر عيونك عاشق حيل محتار




الحب هو صوره جميله تخليك
تعشق عدوٍ لك يجرك على النار




الحب هو قمة مشاعر تحليك
هو تضحية نفس بحلاها بالامرار




امانتك لاتقول انا احب وارجيك
وابغي وصالك يابعد كل من سار




لان الحكي مافاد ثعلب على ديك
ولافاد قطو راح عمره وراى الفار




ياكثر ماقلتي حكي لك يبريك
كله لجل تطري بحلوات الاخبار




ياخي انا مليت من كثر مرجيك
اتصير وافي في زمانٍ لنا دار



تعشق وتعطي بالهوى قلب مغليك
روحك ولو هو طالب كل الاعمار




لكن حسافه ما انفعت قولة ارجيك
ومافادة اشعاري وهي تنزف احبار




ياخوي كافي تبت من حب يبغيك
واقطع مكالمتك ترى الدم بي فار




ضيعت عمري جعل ربي يسريك
بظلمه ليال الهم ضايع بالافكار




استغفر الله ماتعودت ادعيك
بالشين ياصاحب بعد حلو الاذكار




واسف عسى ربي يصونك وينجيك
من سود ايامك ومن مر الاقدار




خلاص كافي ولاتجيني ولا جيك
واقصر اخطاك وخلني اليوم تذكار

 

 

 

 

صـــدى منــــورهـ المدونــهـ خيتـــوووو وأنــتظر مشــاركاتج فيهـا

 

 

 

 

دقيت باب الوصل والوفا ياخلي وجيت
جيتك بلهفة المشتاق والقلب حراق

ويوم جيتك قفلت بوجهي بابك وصديت
وقلت لي مشغول أعذرني وخليتني مشتاق

علقتني بين شوقي وبين حبي وأبطيت
أنتظرت رجوعك لانك أصبحت للقلب سراق

سرقت قلبي وملكته وأنا ياحظي ونيت
ونيت لآآخر الليل وقلبي من شوقه خفاق

تدري ياضنيني أنت تحملت البعد وجفيت
لكن أنا وش أسوي بقلبي ماأحتمل الفراق

آآه ياصبري متى يرجع لي حبيبي أنا له حنيت
حنيت لكلامه وضحكته وعلى المرح سباق

حنيت لمرساله وعتابه وانا بدونه مليت
مليت يارفيقي من فراقك وبعدك ماينطاق

كيف انت قدرت دنياك تبعدك عني وتسليت
لانويت البعدقلي لاجل ماأزهق روحي إزهاق

ولأجل أخبر قلبي الوفي أنك عنه سهيت
وأصبره على ذكريات الحب والوفا وذاك العناق

أقله أعذره غصب عنك وسامحه لو مارضيت
مارضيت ياقلبي بفراقهاللي قدره ربي الخلاق

حبيبي رح بطريقك وأنا عاذرك لو أنك أخطيت
أطرب لشوقي لاشميت العشب وسمعت صوت النياق

أطرب لشوقي وأدري لحبي ياخلي أنا تعديت
أببعد ياخلي رغم حبي لك ورغم كل الاشتياق

لكن ياليت يارفيقي لامت أتمنى أنك دريت
ولا تحسب أني زعلت لا وربي اللي منزل الارزاق

 

 

 

 

’’



سبع ساعات اسولف واتكلم واستخف دمي
وهي تسمعني وتضحك ومبسوطه على الأخر
♥
سبع ساعات اعلمها عن احزاني وعن همي
واسولف عن حكايا الطفل كان وصار هالشاعر



سبع ساعات تتساقط حروف الصدق من فمّي
على صحرا مسامعها سحاب العشق متناثر
♥
سبع ساعات وتحلف لي براس العشق وتسمي
تقول انت الوحيد اللي ملكني حبك الساحر


سبع ساعات ونادتني بأسمه ما هو بأسمي
تناديني فهد واسمي انا ياللاسف جابر
♥
تشنج كل شيٍ كان حولي ومسمعي يدمي
ركز خنجر فهد في مسمعي من صوتها الخادر


تخدّر فكري وجسمي وذاب بداخلي عظمي
وصرت اسمع صدى صوتٍ يردد غلطة الشاطر
♥
يردد غلطة الشاطر بعشرة واقعي وحلمي
وترددها زوايا غرفتي والواقع الغادر


كثير اصوات شقت جلدي اللي يحتضن عظمي
وصراخ الباب والدولاب والشباك والساتر
♥
وونات القلم والدفتر اللي يلتفت يمي
وخايف وش ابي اكتب بوسطه من هنا لـ باكر


وكانت ساكته وصوت النفس من خشمها و خشمي
ربع ساعه وبحة صوت قالت: خير وش صاير!!
♥
وطرا في بالي عبدالله وخالد واحمد ونشمي
ولآخرهم فهد تسعه وانا مدموغه العاشر


وقلت ابداً مغير الخير ولكن امسحي رقمي
اكيد انه فهد جالس سبع ساعات وهو ناطر
♥
وقالت لي: رجاءً او اقولك.. طير ياعمي
مسوي حضرتك في هالزمان العاشق الطاهر


وقالت لي: اقول! وقلت: انا بقول وذا علمي
[ عجب هالناس وش هالناس تخطي وبالخطى تكابر ]
♥
انا يابنت بنثر لك حياتي واجمعي لمّي
بعضه بنثره في مسمعك هالحين ومن خاطر


ترا عمري انا تسعه وعشرين وكذا رسمي
ولكن عشت ايامي دبلها مقبل وعابر
♥
اصيل وكل اصيلٍ مايبي مدحي ولا ذمي
وسبع انعام في هالناس اخص الحامد الشاكر


انا من نجد وربعي هم عتيبه وخالي الدحمي
وبرقا لحمي ودمي وانا من روق ومع ناصر
♥
انا جابر ولد هايف وسلم الطيب هو سلمي
ابو الي مربيني على الجزلات واتفاخر


انا راعي مجاهيمٍ يشع بفخذها وسمي
وراعي خيل وراعي بير وبيتٍ مبغضه كافر
♥
على الرمضى ابت رجلي بأرضٍ عاشقه ضمي
وشمسٍ تشرق وتوقف على راسي وانا صابر


عرق وجهي يصب وامسحه بشماغي وكمي
وألد عيوني عن ناسٍ سرقني يمها الناظر
♥
وانا شاعر ولو اكتب عجز كل فكر في نظمي
ولاني بالغرور احكي ولكن واثق وقادر


وانا رجال هاوي للقمم ويقودني عزمي
وابي ارقى على راس الجبل وانتي مع الحادر
♥
عرفتي ليه انا طاهر؟ لانك همي وغمي
ولان الدنيا في عيني جبل نرقاه ونغامر


يابنت الناس شفتي كيف بليّا سلاح مانرمي
ولانوقف بوجه البندق المليان ونخاطر
♥
خلقنا الله بشر بعقول وذا واقع وذا وهمي
وكلٍ يتبع مراده وفينا رابح وخاسر


وقالت لي فمان الله شعلت النار في جسمي
فمان الله يالطاهر ومثلك قله ونادر

♥
ورحت آخذ كتاب الله واحلف بالكتاب:" امي
لو ان اسمي فهد بالله ماكان احلى من جابر !

 

 

 

 

ماكذبت أمي عليّ .. يوم قالت ..


لاتنام إلا متوضي
وصل .. لله ركعتين
واقرالك لو آيتين
وارفع يديك وتضرع .. بالدعاء
يشرق النور بجبينك
ماتجيك أحلام توحش
وماتقوم الصبح
مهموم .. وحزين



ماكذبت أمي عليّ .. يوم قالت ..


لاتفرط في صلاتك ولايغرك حب ذاتك
ولايبل الريق مسكر
حتى لو يبست لهاتك
إحرص .. تصلى جماعه
وكل ساعه
راقب الله في حياتك





ماكذبت أمي عليّ .. يوم قالت ..


لاتصير إنسان جارح إضحك بوجه الجميع
عامل الناس بتسامح
لاتفرط في حقوقك
لاتجامل في النصائح
ولاتثور .. تصير فاضح
وإن لمست عيب صاحب
لاتنافق .. ولاتصارح
وإنتبه من هالنصيحه
لاتصير إنسان غامض
ولاتصير إنسان واضح



ماكذبت أمي عليّ .. يوم قالت ..


إحذر .. أولادك ومال لاتجافيهم وتقسى
ولاتبالغ في دلالك
ربهم بالخير .. تربح
وعلم النفس القناعه
وعلم القلب الشجاعه
ولاتغطي العين وتحلم
وتخدع الرآي بخيالك

ماكذبت أمي عليّ .. يوم قالت ..


إنتبه .. لاتبني دارك
قبل ماتختار جارك
وفكر بحق المجوره!!!
لايحس إنك ظلمته ..
وإلا إنك يوم خنّته ..
وإلا توذيه بصغارك ..


ماكذبت أمي عليّ .. يوم قالت .

إن وعدتَ وعد .. فاصدق
إحذر تزل بلسانك
أو تقلل يوم شانك
عش عزيز النفس تسلم
حاجتك للناس .. علقم
لاتبين ضعف حالك
أو يغرك زود مالك
ولاتهين إنسان .. تندم

الله يخلي لنا امهاتنا ولا يحرمنا منهم أبد ..

 

 

 

 

 

 

 

 

البر وأنسامه **** ينعش القلب ويجلي هوجاسه
ويا ما حلا منظر ربيعه وأزهاره**** تبهج مناظرها وتذهب أوجاعه

يا ما حلا البر وأنسامه *** ينعش القلب ويجلي هوجاسه
ويا ما حلا منظر ربيعه وأزهاره *** تبهج مناظرها وتذهب أوجاعه
ويا زين جلسته ويا زين مجلاسه ***على ناعمات الرمل ولا على أعشابه
بهامات الشقيقه ولا سهول اليمامه *** بروضة التنهات أو الثمامه
حول ضواً من أطيب أحطابه *** رمث وأرطا وكسرة غضاته
وصفر الدلال مركدات على جنابه *** مبهراتً كلن على مزاجه
والتعاون مبدأ كل واحد وعنوانه *** مالهلب يور سلف عندنا مكانه
هذا ينزل وذا يحطب الاغصان اليباسه *** وهذا يطبخ وذا يفرش فراشه
وإذا سمرنا تسمر معنا الذيابه *** مزح خفيف وقصص وقصاده
مودعين الزعل من ركبة السياره *** ومتعوذين من إبليس وأعوانه
متجنبين الغيبه مالنا بفلان وفلانه *** و نكره كذب الكذاب وبهتانه
بوقت الجد نجيب الجد وأجداده *** ونصلي الفرض بأول أوقاته
وإذا مشينا كلن جمع قشاشه *** وتوكلنا على المولى جل شأنه
وختامها صلاة ربي وسلامه *** على نبينا محمد و الصحابه

 

 

 

 

ابن لهيلم
شاكر لك جهودك المفيد والمتواصله
وما هذه المدونه الا قيض من فيض ونتطلع الى
ابداع وتألق ونجوميه

لك تحيتي وتقديري