من اختيارات بدر الشمال

[[[(أعتب عليك..!! )]]]

يا حبيبي لي على قلبك عتب .. من زمانٍ صار فرحه لي أماني

ما شكيت الحال ليه صاح الهدب .. وارتوت عيني وهمِّي قد حواني

كلَّي أجيك اليوم قلبي قد تعب .. ارحم اللي حب قلبك يا أناني

كنت أظن اليوم ما بأحكي تعب .. كنت أظن اليوم ما يبكي هدب

واليوم أنا جيتك وحيدة .. أبكي وأفكاري شريدة

ودي بلحظة سعيدة .. ولي طلب منك أريده

دامك انت نور عيني .. دامك الفرح بسنيني

دامك أحلامي وحنيني ..!!

لا تخليني وحيدة

********

أعتب عليك .. وجيتك اليوم أشتكيك .. وأرتجيك

دمعتي غطَّت سحب .. من الحبيب اللي تحب

وارتسم حزني على قلبي .. وبالفرقى كتب

****

أكتب الفرحة حروف .. وانسج احزاني قصايد

أشتكي ظلم الظروف .. والألم بالقلب كايد

يا قصيدة كم رسمتيني ألم .. وكم كتبت حروف اسمك من ضلوعي

أشتكي هذا الزمان اللي ظلم .. وأشتكي فرحة نوت تهجر بعد طول الرجوعي

********

كلٍ بها الليلة سعيدٍ مع حبيبه .. كلٍ لبس ثوبٍ جديدٍ يهتني به

وانت وينك .. يا حبيبي !!

وين عيدي

وينك

أبي ألبس مثل غيري

الثوب الجديد

 

 

 

 

[[[(الله أقوى )]]]

أشتكي ربِّي بعد طول العذاب..بعد ما صارت الفرحة سراب

انتشى نور الفجر بين السَّحاب.. الرمل ما صار أصله من تراب

أشتكي له

عن أمل بالليل غاب .. عن صديقٍ صار يآمن للذياب

عن عدو يبكي علي بلا عتاب .. وعن سؤالٍ ما له بقلبي جواب

*****

خمسين عامٍ قد مضت .. ما وقف نزف الوريد

أدعي أفراحٍ سرت .. تبتعد عنِّي بعيد

من لنا يرفع علمنا .. وله علينا ما يريد

من لنا يحقِّق أملنا .. ويآخذ بحقِّ الشَّهيد

*****

الله أقوى .. هو ترى وحده عليم

كم ترى طفلٍ تألَّم .. كم صبي أصبح يتيم

كم ترى بيتٍ تهدَّم .. وانتهك عرض الحريم

*****

العرب في كل ديره يمرحون ..والألم فينا وهم ما يشعرون

دايمٍ ويَّا العدوا لأجل المصالح .. ما دروا إنَّ العدوا دايم يخون

*****

دوم أنام الليل وعيني ما تنام .. أنتظر غزو العدوا ويَّا الظلام

وش يقول .. اللي فقد أخته وأمَّه..؟!!

وش يقول .. اللي الحزن يسري بدمَّه؟!!

واللي دفن بايده شهيد .. .. وكان أبوه !!

واللي خذوه أربع شهورٍ عذَّبوه

وش يقول..؟؟!!

*****

ليه متى..؟

ليه متى ودِّي أستريح ..؟!

ليه متى أصرخ وأنادي .. يا عرب قلبي جريح؟

ليه متى تبكي العيون .. ليه متى ما تعرفون؟

ليه متى نشكي الوجيع .. للعدوا دايم نطيع؟

ليه متى هذا الصمود؟

ليه متى يكفي جمود؟

ديننا .. قـــول وفـــعل

ما يكفي المؤمن سجود

 

 

 

 

[[[(خفي حنين )]]]
شدني صوت سمعته يداعب مسمعي

من هنا كنه يجيني وهم مابه حلا

ياليالي ذكريني هواهم وارجـعي

من رمى ذيك الشراره عليه الله علا

جيت له فايض مشاعر هقيته مرتعي

وارتحل مركب هواهم تركني وانجلا

قلتله ماني روبنسون حسبت انه يعي

ولابقالك في غيابك سوى حفنة غلا

طشها كفي بلاها غلاتك يادعي

ياتجي كلك مشاعر صدوقه او فلا

الشجر لولاجذوره طرحته بصبعي

كنت لك جذر ومهابه رفعتك للعٌلا

تحسبني في غيابك اساير مدمعي

مابكت عيني رمادن تطاير بالخلا

ما جذع انفه قصير لجل قلة وعي

ولاترك سالم حبيبه لجل قلبه سلا

مارجعت الا بخفي حنين اللي معي

من جرح كفه بكفه لقم نفسه بلا

 

 

 

 

[[[(خفي حنين )]]]
ابدا قصيدي بتحايا وسلوم جمّه

عد تعداد سيوف الفرس والروم

وانا اللي سَم الهم جرحه ودمّه

انا اللي هواجيس بالي ماتنوم

شاعرن تعب الين شكى منه همّه

ليلي طال...يوم طالت به الهموم

سالني التعب..الهم كيفه وكمّه؟!

و عذابن..والعواذل حوله تحوم

لمّيته وقالوا..هالعنا احدن يلمّه!!

في لمته شفت به غم وشافتني نجوم

همومي لو جمعتها طالت الرمّه

اهون علي..لو ذقت سم(ن) ورا سموم

غثاي ياالعنا...محدن يجي لمّه

وش حيلتي..كسير والهم علي محتوم

وان همني الهم..همي من يهمّه؟!

صار الهم قاضي..وصرت بقضاه محكوم

وصرت مريض ماقوى عذابن يسمّه

دنيتي ذي...بقايا من كوابيس وحلوم

معاد فيني اصبر على الهم وغمّه

مكتوب علي الشقى في دنيتي دوم

عناي من بالقوم...يقدر يتمّه

تعبت الشقى..تعبت الشكى واللوم

ان ماكنت الهم..انا ولد عمّه

وان ماكنت سم..كلتني كثير سموم

 

 

 

 

[[[(روعة احساسي )]]]
اضحك مع همي وشوقي واحساسي

وألعب مع ضنوني وأسمع حيرتي

ولا سمعت الصوت تذكرت عمري القاسي

ولا بغيت أغيب هلت عبرتي

كل المعاني عشتها وروعة احساسي

كل الليالي الحزينة صرختي

وكل الكلام يذكرك لا صرت ناسي

انك بهالدنياحياتي وفرحتي

وينها روحي قريبة بضجة أنفاسي

اشرح أعذاري واسامربها غربتي

اشتكي غربتي بين أهلي وناسي

جسد حاضر والروح عافت ديرتي

احتضن حلمي وأسلى بهوجاسي

وأهيم واحترق في نار غيرتي

اشكي ولا شيء في راسي

شكواي قلبي وخوفي وحيرتي

 

 

 

 

[[[(غاية ما تولت )]]]
أقول لها وقد بانت وولت

يا كيف تنسين أياما تولت

يا من تملين الحياة وأنت

تنفس الصعداء بالجوف حلت

لعمري عيون قد تفانت وقلبٍ

عاش يوما بعدها يوم ملت

لعمري سنون قد تهاوت وليل

فيه قد سارت وللغد ظلت

أقول لها وقدنامت وحنت

كما شمس يومي هيام تمنت

يا من تصرين على النجاة وانت

سقطتي غروبامع الشمس والشمس جنت

وعادت شمس الحياة بعقل

وضعتي كما في الموج دموع تبلت

أقول لها لعمري دموعا

جرت في رمل الصحاري وولت

أقول لها لعمري حياة

باتت غيابا وأضحت كما يوم أمست

لعمري رياحك يا مهجتي

ذكريات الجوف صاحت وونت

يا من ملكتي الشوق ونلتي

من الأرواح أشواق تعدت

يا من عشقتي الفراق تنحي

قليلا قليلا فلأرض ها قد تنحت

أقول لها لعمري فقيد

أرى نسيانه غاية ما تولت

لعمري فراغ أوجدته وقلبي

يهوى المساحات التي عليه تجنت

أقول لها لعمري عشقك يا سيدتي

منه أرتوي إذا ما البحار ضنت..أسماء..

 

 

 

 

[[[( لامطر .. لانور )]]]

تخيّلت الزهر ضامي .. فاقد للمطر والنور

تخيلت السحاب أقفى وذيك الشمس مقهوره

تخيلته على الذكرى عايش .. خاطره مكسور

على باقي ضيا من نور .. وقطره داخل جذوره

كذا عايش أنا مثله .. بدونك سيدي مجبور

أعيد إلي مضى وأذكر .. زمن وأيام مهجوره

بدونك يالغلا كنّي غريب ولا لقاله دور

وحيدٍ يصبح ويمسي .. على ذكرى على صوره

خيالك لا طرا جاني حبيبي منتشي مسرور

ولامنه بدا يبعد .. زهمت وشاقني حضوره

ولمّي لارجع خذته على صدري بدون شعور

طفلٍ ضمّــله عصفور .. وخاف يطير عصفوره

حبيبي لا تخليني .. وتدري هالزمان يدور

وأنا مدري أبحيا لين أشوفك للنظر نوره؟

حبيبي ردلي شوفك .. ومن مثلي ترى معذور

تخيّــل هالزهر ذابل .. تعب ماعاد مقدوره

وتخيلني أنا مثله عايش .. لا مطر .. لا نور

وبذبل لا بطا شوفك علي .. والنفس مقهوره!!

 

 

 

 

[[[( يمــّـــــه )]]]

أحـاول أجـمع حروفي وصور بالغلا بيتين

تـعبّر عـن مـدى حـبي وقدرك داخلي يمّه

لقيت الحرف بك ناقص ولا يملى خفوق وعين

وهو صادق أنا وشلون أبوصف من وصل قمّه

تـعلاّ بـالسما قدرك وشعري عاجز بحرفين

يـصوّر شـيِ في صدري مـشاعر فيه ملتمّه

عَجـز لا يوصلك حرفي وبينه ضايع وما بين

غـلاك أللي حـظن قلبي ولمّه حيل وآظمّه

يايـمّه هـذي حـروفي خـجوله ودّها تدرين

تـحاول تـنصفك تعبير يوصل مستوى القمّه

 

 

 

 

[[[( ذاك الشعــــور )]]] ذاك الشعور إلّي تعدّى مجالـــــــــه في داخلي شلته ولاني بـ مخفيـــــــه صغته حروف ولا بغيت الجمالـــــــــه يفداه حرفي .. وإن بغى الروح لفديـه ذاك الرفيق إليا طلب قلت جالــــــه مافي يديني .. والخفوق ومحانيـــــه يفداه عمري .. العمر له حلالـــــــه لو يطلب أكثر والله إني للبـّيـــــــه هو تاج راسي والغلا له لحالــــــــه يستاهل أكثر .. والغلا مقدر أحكيـــه لو المدح (يتكي) ويرمي عقالـــــــه يبطي عظم يوفي رفيقي ويكفيــــــــه له وسط صدري وردةٍ من وصالـــــــــه تنعش وتحيا .. ويابس العرق ترويـــه ولقفى أنا أفقد في شموسي ظلالــــــه وحن له لا جابت الناس طاريـــــــــه يا زين حالي .. لا غدا زين حالـــــه لامن تبسم .. ما سألته أنا ليــــــه يرتاح بالي حيل .. لرتاح بالــــــه لامن تضايق .. عفت أنا الكون مابيــه يا عزتيله .. رافق الهم شالـــــــه إيه أشهد إنه شايل الهم بيديــــــه صابر وصبره يشتكي وشتكالــــــــــه يفزع .. وعمره ما إنتظر من يجازيــه وين النصيفه .. والوفا .. والعداله؟ وينه نصيف إلي غدا الهم طاويـــــه ياما سمح للناس وأرخى حبالـــــــه ياما وفا .. وماشاف منهو يراضيـــه يقطعك دنيا .. منك الهم نالــــــه يقطعك كانك جبتي أوله تاليـــــــه خلـّـيه روحي وإتركي ما بقالــــــه ولا تعالي طيبه .. لا تعنـّّيــــــــه مانيب أدافع عنه .. وأمدح خصالـــه قدره رفيع ويجبر النالس تغليـــــه هذا رفيقي .. وأفتخر في وصالـــــه هو يجبر إلي يعرفه.. يفتخر فيــــه (إهــداء خـــــاص)

 

 

 

 

[[[( ضيقه .. وضيقات )]]] مهموم .. ذاك إلي غدا فيه ضيقــــــــــــــه!! وش عاد من قلبه غدا فيه ضيقــــــــــــــات؟ همٍ يروح .. ولا انتهى في طريقــــــــــــه غيره يجيني يدخل القلب بسكـــــــــــــــات عزّاه .. يا ذيك الأماني غريقــــــــــــــــه عزّاه .. يا عمرٍ قضى في متاهــــــــــــــات مانيب أنا أول من همومه تعيقـــــــــــــه أدري .. ولا أول من سهرها ولا بـــــــــــات بس هي كذا .. تشعل بصدرك حريقــــــــه من زود همّـك .. تكتب حروف وأبيــــــــــات في وسط جوفك خافيٍ ما تطيقـــــــــــه مافات حيٍّ كنّـه اليوم ما مــــــــــــــــــــات تـِــذَكر زمانٍ به مشاعر رقيقـــــــــــــه تـِــذَكر فراقٍ ساقه الوقت دمعـــــــــــــــات تـِــذَكر رفيقٍ ما وفا مع رفيقــــــــــــه شخصٍ يبيعك لا ترجيت فزعـــــــــــــــــــات تـِــذَكر مشاعر للمحاجر عشيقــــــــــه تعشق عذابك لا غدا فيك لوعــــــــــــــــات تـِــذَكر غريبٍ مبتعد نشف ريقــــــــــه يشتاق لا هبـّـت بذكراه نسمـــــــــــــــــات كلٍ وهمـّـه ,, واختصرت الحقيقــــــــه ولاّ ترى فيني على الوقت شرهـــــــــــات ضيقه تروح .. وتدخل القلب ضيقـــــــه وياعزّتي للي قضى العمر .. ضيقـــــــــات غير مسجل