من اختيارات بدر الشمال

___(سيرة حب)____

ابي اعرف نهاية حبنا والشوق والغِربال

ابي ارتاح بين ايديك من خوفي وغربالي

ليالي شاب ساريها وما هون من الترحال

اذا جادت بمطلوبي نسيت أوجاع ترحالي

ابعطيك الغلا والعين لجلك سيلها همال

غرقنا في بحور العشق يوم الشِعر همالي

ابي اعيش لك، يمك كفاني أرقب المرسال

كفاني من جنون البعد أحاتي رد مرسالي

وراك تصد لا قلنا نجيك وتغير المنوال

وانا والله ما خنتك ولا غيرت منوالي

معك ماهمني والله كثر وقلة الأحمال

عشان أرضيك هديت المتن من زايد أحمالي

غريبه قمت تتغلى وتقفل سكة الجوال

وقول ياهو حليل العيب من موديل جوالي

كفاني عشت سيرة حب مخطوطه من الأمال

أبي أعرف نهايتها عسى ما تقتل أمالي

ألأ يالعنبو حب (ن) يذلل عزة الرجال

وذالابد قررت الرحيل و(ن)مت رجالي

 

 

 

 

___(سألني الناس)____

سألني الناس قالوا فين خلك

واداري دمعتي لاحد(ن)سألني

طوال الوقت أنظر في محلك

تذكرت الحبيب الي جهلني

احاكي الروح ويش الي حصلك

اخاف يكون وقت مل مني

زمن غدار بخويطه نسجلك

ثياب الغدر وبيدينك قتلني

ترى ما ينفعك وقت(ن) رسم لك

دروب الكبر وقلبي بك عذلني

سألني الناس قالو فين خلك

اقول مرسال خلي ما وصلني

 

 

 

 

___(خاطرة انت عشقي )____

نعم انت عشقي

نعم انتي عمري

نعم انت بداياتي ونهاياتي

مصدر خوفي واماني

مصدر احزاني وافراحي

مصدر احلامي وأمالي

انت عالمي فلمن اذهب وانت صمتي فلمن ابوح

لن اقول اشتقت فالاشتياق اضعف من اهاتي وزفراتي

لن اقول احبك فكلمة احبك اقل مما اكنه لك بين اضلعي

هاهو قلبي ينبض باسمك ويعشق ملامحك ويموت على ضفافك

لاتدعني وترحل فترحل أشواقي وتذبل اشجاني

انت من اجرى دموعي ورسم البسمة على شفاتي

لك حبي لك وجدي كيف لا؟ وانت تسكن اركاني

لاتكن حلم ناقص لاتكن طيف مر ما اروى عيوني

لاتلمني في هواك

لا ولن أوصف غلاك

لاتلمني في هواك ياعسى عمري فداك

اي نعم انت عشقي ياملاك

 

 

 

 

___(اعــــتـــرف لك )____

والله احبك واعترف بالحقيقه

واحب من حبك من اهلي والاحباب

حبٌ(ن) يفوق الوصف واعرف طريقه

يا مشغلٌ قلبي بعلات واسباب

حبٌ على قلبي كتب له وثيقه

نسيتني نفسي بحبك والاصحاب

فرقاك ياشمس الضيا ما نطيقه

والشمس لاغابت بك النور ماغاب

افداك ياعمري بنفس عتيقه

وانصاب في روحي ولاانت تنصاب

اعيش في حبك ترى دون ضيقه

سلبت روحي وكل شئ فيك سلاب

اهديك من نبضات قلبي قصيده

واكتب لك اشعاري بشوقٍ والاطراب

انظر عيوني من دموعي غريقه

وانظر لحالي شوفه الدوم منصاب

الله يخلي لكل غالي رفيقه

خصوص لاجاء مثلك اليوم جذاب

 

 

 

 

___(فـتـنـة الجيـــــــل )____


خيال طيفك يباريني وانا رده

مره يميني وكثر الوقت قدامي

مره يشد الخفوق ومره اشده

يأمر وينهى ويتحكم بهندامي

يافتنة الجيل هذاالحُسن من قده

اخاف بعُدك يبدد صفوة احلامي

ماهومن الشمس اصل الشمس من خده

لو كنت رويان من شوقه انا ضامي

ابني قصيدي وضم الحرف وامده

حتى يصير الشعر طوعي وخدامي

وشلون عروق الغلا تجفاه وتصده

تعبت اصارع غلاه وجرحي الدامي

أخاف حرصي يذيب الشوق واهده

ويصبح القوس عله في يد الرامي

 

 

 

 

___(ســـــــهل الــود )____

ياطيب قلبي يوم تغلط ونغفر

وياقسي قلبك لاغلطنا تجنيت

ياكم عطينا ونت تأمر وتبشر

ومن عثرة الزلات عني تخليت

مايستوي بالعشق نكبر وتصغر

وشريك ونت تبيع وتقول مليت

لابد ماقاسي عنا الوقت وصبر

وكبر خساره لاخسرناك وقفيت

صورتك بعيوني سوالف ومنظر

أجمع شتات العمر والشارد أفنيت

ياعل ذاك الغيم يدرج ويمطر

ويهـل حابسها على ماتمنيت

واشوف سهل الود ينبت ويزهر

لو سرت في درب الزلل ماتوديت

البس لباس الطيب يمكن لك أغفر

زلتك...دامك ف الخطأ ماتمادييت

ون جيت يمي نحمد الله ونشكر

يا كم حضر طيفك وشوف انت ماجيت

 

 

 

 

___(جمر الفراق)____

عـلــى جـمــر الـفــراق وظـلـمـة الـتـابـوت والتـشـتـيـت

وصــكـــات الـــزمـــان وروعــــــة الــيــاقــوت والــمــاســه

ولــوعـــات الـــــوداع وكـتــمــت الأنــفـــاس والـتـنـهـيــت

وخـلـجــات الـخـفــوق وطــــود عــلــى ثــابــت ســاســه

تلاقـيـنـا عــلــى االـمـوعــد وولــــع بـالـحـشـاء كـبـريــت

وحــاصــرنـــي بـنــيــشــان الـــدهــــر وســـتــــل تــربــاســـه

تـــرفـــق قـلـتــهــا لـــــــه لاتــعــجـــل يـاعــظــيــم الــصــيـــت

عـسـى الملـهـوف يـزبـن فــي مـكـان يـلـقـط أنـفـاسـه

بــديــت أجــمــع أوراقــــي وكــــم خــذنـــا وكـــــم خـلــيــت

وقّــــربــــت الــقـــلـــم والــمــحــبــره وخــــرجــــت قــرطـــاســـه

تملكني ملاك الخوف ومن خوفي عسـاه وليـت

وهـــــــو يــالــيـــت تـنـفــعــنــي عــــــــدوي قــــاســــي بــــاســــه

نظر لي نظرة سوداء وقال الوقت لك واعطيت

وقـــلــــت أرجـــــــوك مــايــرجـــوه مــســجـــون بــحــبــاســه

أبــــــي ربـــعـــي وحـــلانــــي وارجـــــــع ســـاعــــة لـلــبــيــت

ولا مـــنـــك مـــفـــر مـــــــادم عـــمــــري دقـــــــت اجـــراســــه

ولـــوهـــي بــالأمــانـــي كـــــــم تـمـنـيــنــا يـــعــــود الــمــيـــت

ولا دار الـــزمــــان وكــــــــل ونّــــعــــم مــانـــدفـــن راســــــــه

كــــــــذا ولا كــــــــذا يــــــــارب تــســـتـــر كـــــــــل مـــاســـويـــت

ولا يــــاكـــــم جـــلـــيـــس مــاتــهـــنـــى وســــــــــط جـــــلاســـــه

اذا جـفـت شـفـاه العـمـر وحـانــت لـحـظـة التـوقـيـت

عـرفــت انـــه نـوانــي يـــوم شـفــت الـمــوت بالـكـاسـه

 

 

 

 

___( اســـــــأليني؟)____

علميني . منهو غيري يناديك

عمري. قلبي. روحي وحياتي

انادي على هالخلق واغلط واسميك

محدن في هذا الكون سوّا سواتي

اسـرح بفكري..واهوجس..واحاكيك

واعانق خيالك .. وينطـق سكاتي

والله انسى الوقت.. يومـن اخاويك

مااتذكره . الاا ســاعة صلاتي

والله مقدر ابتعد عن اراضيك

وانتي سما ارضك ..لأرضي سماتي

وان غبتي عني بنتظر في حراويك

لوانتظر حتى تجيني وفاتي

وليا زعلتي مهتني لين أراضيك

وبحرم البسمة معانق شفاتي

اســاليني.. ليش عمري انا اغليك

عشان صدرك ضمني يا غناتي

سبحان ربي.. يوم ربي يسويك

حسن ٍو زين ٍ فـيك.. زوّد عناتي

 

 

 

 

[[[( جور الزمن )]]]

ابرســـــمك ضحكة حياتي الدفينه

وابرسمك ورده يعل روحي تفداك

غـلاك فـي داخـلي كـنه مـدينـه

دستورها موتي ولا شوف فرقاك

شفت البحـر شطـه وبـره وميـنه

انتيلي اكبر بالحشا منهو يسواك

الله عطـاك الـزين جـودي علـينه

كل الصبايا تحترق عند طريـاك

في الزين ما مثله تجيبه سنينه

سبحــان ربـي كـانه اليـوم سـواك

حتـى البـدر مسكين الله يعينه

وده يكـون امنورن فـي حناياك

لـو ضـاقت الـدنيا حـبيبي علـينه

سود الليالي تنجـلي عـند ذكـراك

الـروح عنـدك يـا حيـاتي رهـينه

وانته الوحيد اللي له روح تفـداك

اهديك من روحي بطاقه حزينه

عنوانها جور الزمن يوم فرقاك

 

 

 

 

[[[( قالت وداع )]]]

قالت وداع ......

وقلت ليش الرحيل ؟؟؟

قالت حياتي معك غدت في المستحيل

أنسى الوعود

أنسى الكلام

أنسى يا ابن الحلال كل اللي صار....

.. .. .. .. ..

صعب ومحال

شرح الحروف ويا الكلام

كنتي أنتي أحلا كلمه

كنتي أنتي أغلا نسمه

وانتي اللي كل ما في الدنيا أنتي

يابسه ويا بحرها

شمسها ويا قمرها

والسحايب مع مطرها

والثريا مع عمدها

والقصايد مع قصصها

ليش الوداع ؟؟

.. .. .. .. ..

آسف حبيبي

شاوروني هلي

قصدهم عمري

وأنا منك خلي

أنت عندك بس كلمه

كلمه وحده لي تضمه

ليتها بأحساس كانت

آآه ليتها والله كانت

خذها مني يا الحبيب

كلمه وحده لك تطيب

آسف حبيبي عمري ضاع

آسف حبيبي أعلنت الوداع