سجل حضورك اليومي ببيت شعر ..,

وجع حب وجع خوف وجع شوق وجع ضيقه
على كيفك وهاك اختار، هذي سـلة اوجاعي


غلا، واسمع نزيف الجرح،كلام الصمت مااطيقه
انا محتاج اسولف لك عن اول واخر اوضاعي


وابد لا يجرحك صوتي، حياة الــطير تحلـيـقه
عليك الله تــصـير الكون ، والمسباق والداعـــي


انا اصدق طير في الدنيا ، عشق حتى مسابيقه
لكن بديت اذكر مـــــــعك ايام مـــــربــاعي


تعال افتح كــفوفك حلم ، امـــوت بيوم تحـقيـقه
تعال ارسم بحور العشق واكسر لوتبي شراعي


ابغي غيم سرق ربعي، وذلّلـهـمم بتشويقه
اكون اول بشر مجنون تزوره بالعطش قاعي


حتى لو وهم ، تكفى ، ابي أتوهم بـتصـديـقه
ابي ذات ابي مولد يوازي صرخة الناعي


احس بداخلي عالم، حرام اقـــتل مـــخاليقـــه
حرام اسكت وانا صوتي نثرته وجه الاتباعي


يا اول قلب يبكيني ، وتبكيني مواثـــيــقه
انا اطباعي ماهي زينه ، بس هذي اطــــباعــي


تغربي قوافي الموت، اقول العمر تشريقه
اعيش بشبه غيبوبه، واعرف ان الزمن واعـــــي


اكمل لك، وجع خوف وجع شوق وجع ضيقه
على كيفك ترتبني ،، حلالك كـــل اوجــــاعي

* * * * *

 

 

 

 

سلام يادار بك الزين مسيت ___ دار عسى ورد السعد من قطوفه

لاجبت وصفك حرت فيك وتعنيت ___ وشلون يادار أوصفك ياحسوفه

سكنك شخص فيه بالحيل غنيت ___ أبيات شعرفيه مادمت أشوفه

قمت أتغزل فيه لكني أزريت ___ أعطيه حقه بالوصف والنصوفه

يازين حبك داخل القلب سويت ___ أخلصت لك مادام نفسي عطوفه

أذكرك يوم إنك علينا تغليت ___ يا للأسف مابه بقلبك مروفه

وش هالجفاء وشلون عني تخليت ___ جار الزمن وأظهرعليه أصروفه

لياذكرتك تالي الليل فزيت ___ عجزت أميز مقعدي من وقوفه

أسهرطوال الليل والقلب سريت ___ محتار في نور القمر من خسوفه

وأختامهاما غيرك أحدن تمنيت ___ أما تود الحال وإلا تعوفه





تقبلوا/_____---/خآآآآآآلص/---_____/تقديري

 

 

 

 

صحــيح وقتي من الأحباب يسرقني
.................عسى الأحبه تقدر سبـــة غيابي
من كثر مالوقت ضايقني ومرهقني
..............ماودي آجيب همي وازعج اقرابي
لاصاروضعي حزين وحيل خانقني
..............أحسن لي آغيـب واحبابي هم أحـــــبابي

 

 

 

 

آه ياسود الليالـي ويـن اداوي هالجـروح
علميني كيف اداوي هالجـروح الموجعـه
وين ياسود الليالي طال مشـوار النـزوح
مغترب في وسط دنيا صوت ماحد يسمعـه
ضاعت احلام الشباب ولا بقى فيني طموح
والامل ضاع وتبعثر كيف واشلون اجمعـه
غامض دربي وانا اللي واضح كل الوضوح
دنيتي كف بـلا ابهـام واصابعهـا اربعـه
كم كتمت الهم لكـن قلبـي بهمـي يبـوح
لين طفى دمـع عينـي شمعتيـن مولعـه
بعض اصحابي سئلوني وينه الوجه المزوح
وبعضهم راح وتركنـي مالحقـت اودعـه
آه ياكبر الالم لاصار لـك قلـب سمـوح
بين نـاس قلوبهـا بالغـدر يمـك مشبعـه
ياليالي وين اسافر من عذابـك ويـن اروح
والتذاكر همـي وجرحـي بقايـا الامتعـه
ايه ياذاتي ابشكي لك بعض همـي وابـوح
واستميحك عذر من قلب همومـه مرتعـه
اكبر همومي 00000 راح بيدينـه يلـوح
من رحل وافراح قلبي كلها راحـت معـه
واصغر همومي صديق كنت احسبنه نصوح
لين ضاق بي البخت وانزاح زيف الاقنعـه
واكبر احلامي فراق الهم والحظ الشحـوح
لو يروح الهم عنـي كـل حزنـي يتبعـه
واخر احلامي بلم الشمل من بعد النـزوح
وشوف من لاضاق بالي نظرته لي منفعـه
ياليالـي اعذرينـي مابقـى بالجسـم روح
وضربك القلب الجريح يزود ضربك بوجعه

 

 

 

 

ألا يا صبري الي رآح .. صبرني عشآن أرتآح
أبيك ليآ نفذ صبـري .. تصبرنـي وتجبرنـي
مدآم أن الأمل بآقي .. يقولون الصبر مفتـآح
لبيبان الفرج .. يالله عسى حظـي يصبرنـي

 

 

 

 

هي طالبه والحق مطلوبه الناس .. وكم الف ديان يطالب وتوفيه

هي مدرسة بالذوق والفن كراس .. تقراه وقت وكـل وقتا تقريه

دقت شفايفها مزامير الأنفاس .. والجو يرقص والعطر ينتشر فيه

عيون غازلها الصحو تنفض انعاس .. الصبح صحاها يبيها تصحيه

المعطف الجلدي تتله على الراس .. تبي يدفيها وهي صدق تدفيه

والله لو في قلب الشتا ذرة أحساس .. لازم يذوب الثلج لا قـالت آحيـه

 

 

 

 

هذا الزمن يحكم علينا بحرمــــــــان ....... وهذي المشاعر تحترق في مـــــــداها

وهذي المحبه تحترق كنها أنســـان ...... يصرخ وراء القضبان ظلم وكــــــلاها

دمه نزف دمعه ذرف بين جــــدران ..... يبكـــــي قـــهر ويــهز أرض وطــــــاها

 

 

 

 

لا تأسفن على غدر الزمان لطالما
رقصت على جثث الأسود كلابُ
لا تحسبن برقصها تعلو على اسيادها
فالأسد أسدُ و الكلاب كلابُ
تبقى الأسـود مخيفة في أسرها
حتى و إن نبحت عليها كلابُ

 

 

 

 

أنا جرح السنين اللي صدق مااخلف مواعيده
................أنا وردة تموت من العطش م ــالقيت الساقي!
أدور للوفاء يوم الوفاء جفت مواريده
..............حسبت أخلاق بعض الناس ماتفرق عن أخلاقي
غريبه ليه من تغليه دايم يفجعك كيده
.............عذاريبه تفوق وصعب فيه الزينه تلاقي!

 

 

 

 

على حد العطش أرسم فمي غيمة وخمس أطفال
على حد الظلام أشعل يدي عصفورتين وشمـس
مكاني مو مكانـي والزمـان يشوفنـي أشكـال
أجي مرة صراخ أقوى من الحكمة ومرة همـس
أنا كرهي خبال ولا عشقت أعشق بعـد بخبـال
ولا أعرف الوسط بين الحلول وذي طبيعة نفس
وأنا عشقي لباكر ولاجل ذا باركض رفيق ظلال
وفي زوادتي تمر النخيل اللـي زرعنـي أمـس
معي في الذاكرة بنتٍ توصينـي بمشـط وشـال
وصوت أمي يوصي لا تجي ربعك بخاطر عمس
وأنا أمـك لاتنـام بليلـةٍ وأنـت خلـي البـال
وخل أدنى طموحك لانظـرت لنجمتيـن اللمـس
وأنا أمك لاصعدت إصعد مثل دعوة فقير الحـال
ولامنك نزلت إنزل مثل غيـثٍ بيحيـي غـرس
وعلى حد العطش إرسم فمك غيمة وخمس أطفال
وعلى حد الظلام إشعل يدك عصفورتين وشمس



فهد عافت