من اختيارات بدر الشمال

أحيان ودي أطيح من التعب .. وأزري

وتشيلني عــزتي .. وســلوم جــــداني ..
...............

صدك عن اللي ملتفت لك ردى حظ 00

وركضك ورى اللي مهو يمك مذله !!!
.............

(( القلب مع بعض العرب ميّت احساس=و ليا سمع بعض الاوادم رقص له ))

 

 

 

 

من غبت عني وخاطري دوم مكسور

في غربتي أحياك ذكرى وتذكار

أحيان اقول انك على حق معذور

واحيان احس الجفا ماله أعذار

وكانك تحسب الجفا ذنب مغفور

غلطان ما تعرف للأشواق مقدار

 

 

 

 

ماعزنــــي ثروة دراهم ولا جـــاه ..

العز يكمن في غنى النفس فيني ,,
............

جمر الهوى لو ما طفيته حرقني

وجمر الغلا لو ما أشعلته تألمت

اشتاقلك ما دام ربي خلقني

أبيك تفهمني لو تكرمت

اقسم بعزة من خلقك وخلقني

لو ما انت غالي ما تعنيت وكتبت

 

 

 

 

غلاك الأول ما تغير لهالحين


ما زلت غالي يا بعد كل غالي


مهما نغيب أيام وشهور وسنين


يبقى رصيدك بالحشا دوم عالي


لا ما تغيرنا على العهد باقين


باقين مهما تطول أيامنا والليالي

 

 

 

 

أمــــــــــــانه

لا تجي منك مواقف تجرح الإحســـاس
أنا من لي غيرك اذا صار الزمن قاسي !!

وأمـــــــــــانه

لا تجاملني إذا نفسك تبي فرقـــــــاي
أنا مابي يجي لي يوم أكون لعزتي جارح,,

 

 

 

 

ماهقيت إن الغلآ يمحاه ماحي = لكن الأيام ورتني العجايب
يومي الأسود يبين من صباحي = والجفا مفهوم من طبع الحبايب

 

 

 

 

أنا بعدك
مثل وردة نمت في اخر البستان 000
تناسوها ولا اسقوها وحر الصيف موتــــها

أنا بعدك
مثل قرية خالية مابها سكــان 000
هجرها الماء ولاجاها وسوء الحظ حالفهــا

أنا بعدك
مثل قصة غريبه مالها عنــــوان 000
أضاعوها وكاتبها قضى عمره يألفهـــــــا

 

 

 

 

يااااقلب ليــــه من توده يجااافيك؟؟
ومن جفاااك كيف ودك تجيبـــه؟؟

خل المحبه!والمشاااعر تجازيك..
دااام الحقيقه منك صارت قريبه

هل هو يحبك؟؟أو هي هقاااويك
اللي لقى من قلبك؟؟ كــــــــــل طيبه..

لاعااااد تحلـــم ماتفيدك أمانيـــــكـ
يمكن...حبيبك!بس*..ماأنت حبيــــــبه!..

 

 

 

 

بعد المحبه , علامك مانت طايقني ؟
وانا على خبرك أشواقي هي أشواقي

اسلوبك اليـوم يقتلنـي ويحرقنـي
سؤال ؟ ابسألك وين اسلوبك الراقي !

حتى كلامك معـي بلحيـل مقلقنـي
والشك في داخلـي ماعـاد ينطاقـي

ان كان قصدك تقول إرحل وفارقني !
برحل ولكن مصيـر الحـي متلاقـي

وان كان قصدك تغلا وانت عاشقني ؟
ابشـرك ماتغيـر شـي بعمـاقـي

وان كنت تمزح ؟ أمانه معك روقنـي
تراي مكسور خاطر وانكسر ساقـي

بس بصراحه , من الآخر وصدقنـي
صدمتني واستراحت . هقوة الهاقـي

ياليتك تحس بحسـاس ٍ مضايقنـي
وياليت تقرى كلام ٍ داخـل احداقـي

حلمك منول ! في هالدنيـا تحققنـي
واليوم في بحر غدرك ناوي اغراقي !

والحظ الاقشر يوم إنه فيـك علقنـي
خلاني دايم على شوفتـك مشتاقـي

علمتني كيف ( أحبـك ) لاتوهقنـي
علمني ( أنسى ) ولا تستكثر الباقـي

كنت احسب إنك اذا جيتـك تعانقنـي
أثريك لا طايق ٍ شوفي ولا إعناقـي

 

 

 

 

عشقهم غصب(ن) علينا حبهم هم يفرضونه
كل ماجيت اتريـح يذبـح الخافـق رعدهـا
ابتداء ليل القصائد وانسكب صـادق مزونـه
وانهمل في ليل شاحب يروي الضامي بردهـا
وانطفى نور الصباح وضاع في الليل وسكونه
ابتدينا رحلة(ن) ياطولهـا ماقـوى جهدهـا
حبنا نشوة غرام العشـق ماتثمـر غصونـه
العنا مكتوب والرحلة صفت لي مـن مهدهـا