من اختيارات بدر الشمال

(((((((((((زهيريات ))))))))) يه الشمس والكمر ربج بحسنج قرن وعيوني من شوفتج صدكيني والله قرن آهات بيه وشجن وعيونج الهن قرن وبيوم بعدج عمه صوب عيوني والم مبعثر آنه جنت حبج جمعني والم انساج كالو جدذب ماضن يحلوه ولم عسر فركاج الي يالجان حبج يسر ملجاج اليه فرح دلالي من يسر جسرج صعب معبره ما أضن مثله يسر لوغيري دش الجسرلاماأضنه وصل والروح من فكرتج صدكيني صارت وصل والكمر من بسمته كام وكتبلج وصل انساج لو فكرت ودج يعتني ورد دلالي من الضمه بسراب مايج ورد يكحيله يمورده ماضن بعطرج ورد لاهيل هذا العطر لاهو ورد لامسج رادو لعد غيرج اسج لا مسج واغتاض من الهوه جف الهوه لامسج مجنون هذا الهوه رايد لطولج يمس يالمعندنج من ذهب يا در صفاتج ياماس اليوم نوح وحزن رد ليه خايب يمس وشفيفج من عسل والبيهن اطيب لمه فاجئني حبج واجه ما ادري ليش ولمه انساج يمكن صدك تدرين يمته لما مثواي يصبح كبر والدهرلسمي نسه يمدوخه كل البشر يالماكو مثلج نسه والباري من صورج خلاج جن ونسه خميت كل البشر ماشفت مثلج انس ولزادي صرتي ملح لكليبي انتي انس منياي منج اهج بهدومي واشرد وانس طبع الهجر بالبشر ما ندري صاير سنه وناري من وجرت بالصين شافو سنه ساعات هجرج محن كل ساعه جنهه سنه وكل يوم في فركتج مشئوم جنه قرن

 

 

 

 

اخواني اعضاء
شبكة ومنتديات الشميلات الرسمية
السلام عليكم ورحمة الله وبركاته
إليكم هذه المجموعة من قصائد النبط القصيرة والمعبرة وآمل أن تنال على رضاكم :
(((القصيدة الأولى في الأم وقالها الأمير الشاعر سعود بن بندر)))
لا كنت أنا لاكان .. يوم زعلتيـه=وشلون أبا أرضي خالقي لا حزنتي
كله ولا تكدير خاطرك مـا أبيـه= كل يهون رضاه عندي سوى إنتي
يااللي وجودك فارغ العمر ماليـه=لا تهت في ليل الأحاسيس بنتـي
لولاك عمري ما تسـاوي لياليـه=عيشة خفوقٍ في صميمه سكنتـي
أنتِ فخر منشاي مرحـوم بانيـه=غير إنك اللي في الطفولة حضنتي
ولولاك ما دورت فالرجـم عاليـه =لامن ونى حيلي نصحتي وعنتـي
الله يدميـك لـي ويقسـم لياليـه=بيني وبينك قبل ما أقـول كنتـي
((والقصيدة الثانية للشاعر مساعد الرشيدي في عزة النفس))
ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي
((القصيدة الثالثة للشاعر سعيد الحمالي في وفائه وغدر الصديق))
دع ألــفــاظ الــمــوده ثـــم دعــنـــي =وثــوب الـــود خــلــه فـــي مــجــرّه
لـبـسـتـه حـيـلــةٍ والـقـصد طـعـنــي= بـخـنـجــر وقــع بـظــهــري مــقــرّه
خـطــاي إنــي لـخـوتــكــم دفـعــنــي=نـفــوري مـــن وجــيــهٍ مـكـفــهــرّه
نـعــم خــوة شـديــدالـبأس تـعــنــي = لــي أشـيــاءٍ كـثــر نـجــم لـمــجــرّه
ولـكن شـفــت منـك ما وجـعـني=وكــن الـشــب فـــي عـيــنــي تـــذرّه
صـديـقٍ فـي الـرخــاء لـكــن قـطـعـنــي = بـوقــتٍ ضــاق بـــي بــحــره وبـــرّه
صـديـقٍ فـي الـرخــاء لـكــن فـجـعـنــي= بـيــوم الـضـيــق مـابــيــن مــســرّه
صـديـقـي لـو يـبـي نـفـعـي ؟؟ نـفـعـنـي!!=ولـو يـلـحـقــه مــن نـفـعــي مـضــرّه
ولامــن ضـامـنــي وقــتــي رفـعــنــي= وضـحــكــة نــاجــذي دايـــم تــســرّه
وزمـانـي لــو يـبـعـثـرنــي جـمـعـنــي=خـشـيـري فــي الـزمــن خـيــره وشــرّه
نـويــت أهـيـنــك ولـكــن مـنـعــنــي=شــعـــورٍ بــالــوفــاء !!! لــلـــه درّه
وهـــذي كـلــمــةٍ خــذهــا ودعــنــي= وثــوب الـــود خــلــه فـــي مــجــرّه
(((((وسلامتكم)))))

 

 

 

 

خذاك الزمن مني وترك لي أشواقي
ليته خذا ذكراك من كل أوراقي
الصهد ولّع حياتي ليتها لمعة قمر
تذكر أيام القمر؟كيف السمر أصبح سهر؟
كيف الأماني.. أصبحت شكوى عمر؟
ليه انطفى فيك الزمان؟
ليه اختفى فيك الأمان؟
خذاك الزمن مني
يا روعة أيامي ولوعة حاظري
يا بهجة الخافق ومتعة ناظري
تذكر الحب الأمل ؟
قبل يصبح ذكريات
تذكر الفرحة.. ولهفاتي عليك؟
أسبق الموعد إليك
ولحظة الشوق الكبير
والخفوق اللّي من الفرحة يطير
ورقصات الدقائق عند الوعد
وهمسات الحقائق قبل وبعد
ليه انطفى فيك الزمان؟
ليه اختفى فيك الأمان؟
خذاك الزمن منّي

((الأمير خالد الفيصل))

 

 

 

 

أستطيع أمنع لساني لا يقول
******وأستطيع أمنع عيوني لاترى
وأستطيع أمنع يديني لا تنول
******وأمنع أذني عن سواليف الورى
لكن المشكل أنا وشلون احول
******دون فكري لو خيالي به سرى
شارد أفكاري على رغمي تجول
******كل ماعنّ الهوى وإلا طرى
كل نجمٍ للخيال أصبح ذلول
******بالفلك طوّاف لى ضاق الثرى
شاغلي يا راعي الطرف الخجول
******باع حبك في خفوقي واشترى
يا ربيع القلب في كل الفصول
******ورد حبك فاح عطره وأزهرا
مرّني طيفك على العادة عجول
******عز طيفك مثلما عز الكرى
ما نفع تحذيري القلب الجفول
******يرقد الخالي وعيني تسهرا
بسألك قلّي- ولو فيها فضول-
******كيف تذبح من يشوفك ما درى؟

((الأمير خالد الفيصل ))

 

 

 

 

تعال أسهر معك يا اسمر عشيّه
*****تعال أسلّي خاطرك يا عيوني
تهنّ وخلّ عيني بك هنيّه
*****أنا وإياك والدنيا تهونِ
ترى الدنيا لياليها شقيّه
*****حذاريِ تستبد بك الظنونِ
نويت وكل قلبٍ فيه نية
*****على إني لك وفي روحي تمونِ
هواك بخاطري سوى سوية
*****تركني بين أياديك معنون

********************************

يا وش بقى بأعطيك منّي ولا جاك
*****ما باقي إلا روحي أحيا بها لك
أوصف جمالك كل ما أنشدت وأهواك
*****وازيّن أيامي بجلسة خيالك
يا الغايب الحاضر بقلبي ولا ألقاك
*****أقرب من عروقي وصعبٍ منالك
شالك زماني عن عيوني ووداك
*****لا شك وثّق في ضلوعي حبالك
يا حاجبٍ شمسي ورى ليل جفواك
*****ما بالعهد بك قاسيٍ في دلالك
وش غيّرك يا منوة القلب و أطغاك
*****على حبيبٍ ما تخيّر بدالك
دنياي ما تصلح بلا شمس دنياك
*****والليل يوحش لو تغيّب هلالك
ما ينقطع ظما الهوى إلا على ماك
*****ولا يهوّن حره إلا ظلالك
ولا تشوف العين زينٍ بليّاك
*****ولا يطرّب سمعي إلا مجالك
ولا انتفض قلبي من الحب لولاك
*****ولولاك ما يبدي علي مابدالك

(( الأمير خالد الفيصل))

 

 

 

 

ما هو صحيح القلب للقلب شاهد
****لو هو صحيح أصبحت مفتون فيني
بيني وبينك حب من قلب واحد
****ليته يجيك من الهوى ما يجيني
وليتك تعرف الشوق لى صار واجد
****وليتك تعرف أوجاع كثر الحنينِ
ما قد شكيت الحر والجو بارد
****ولا سهرت بليل طول السنينِ
ولا مشيت العمر والحظ قاعد
****ولا تحديت الألم والونينِ
أضحك وأنا لجروح الأحباب جاحد
****أداري المكنون عن كل عينِ
ما ودي أفرّح على القلب حاسد
****وإلا عذابي في عيوني يبينِ
شيٍ يهون وشي بالحيل كايد
****يا كود تجريح الخفوق الحزينِ
من عانده وقته وقلبه يعاند
****مالت به الدنيا يسار ويمينِ
غرّتني أمثال العرب بالشواهد
****يبيك قلبي وأحسب إنك تبيني

****************************

يا قصيدة عمري الّلي تكتبيني
***** كل يومٍ حرف من نغمة هواك
ارحميني بالهوى وإلا اذبحيني
***** لا تخليني معلّق في سماك
كل ما خذتي عمر منّي عطيني
***** لحظةٍ من ساعةٍ داخل حماك
الحياة أشوفها والموت فيني
***** واعذاب الّلي بغاك ولا لقاك
يسهر الليل وقمر طيفك بعيني
***** والشّعاع الصبح يوقظ بي رجاك
إن حدا حادي تولاني حنيني
***** وإن عرض طيفك على طرفي بكاك
كيف هذا من هوى قلبي يجيني
***** يا أرقّ الناس قولي وش دهاك
لو تماديت بملامي سامحيني
***** كم تماديتي بذبحي من طغاك

*****************************

مرتاح أحبّك ولا علّمت
****** حتى انت عيّيت أبين لك
والبارحة يوم أنا سلّمت
****** شكّيت لو عيني تدلك
برقٍ لمع بالعيون وخفت
****** مواجع القلب توصل لك
عساك في ناظري ما شفت
****** كيف المعاليق يومن لك
من خوفتي لا احترق جنّبت
****** هربت من شمسك لظلك
أخشى عليك الهوى لو طحت
****** ما تلني يمّك يتلّك
أبي قليلك ولا حصّلت
****** بعضك تركني مع كلّك
ما ادري صواب أو خطا ما قلت
****** إنّك حبيبي وأنا خلّك


(( الأمير خالد الفيصل ))

 

 

 

 

يا مدور الهين ترى الكايد أحلى
***** أسأل مغنِّي كايدات الطروقِ
الزّين غالي لكن الأزين أغلى
***** ولكل شرّاي بضاعه وسوقِ
النّو عالي والسما فوقه اعلى
***** لى فاق علمٍ جاه علمٍ يفوقِ
الصّعب هلّى قلت يا صعب سهلا
***** دامك تبيني فانت يا صعب شوقي
أحب أعسف المهرة الّلي تغلّى
***** وأحب أروض كل طرفٍ يموقِ
وأحب أسافر مع سحابٍ تعلَّى
***** وأحب فوق الغيم لمع البروقِ
وأحب أساهر بدري الّلي تجلّى
***** وأرسم شعاع الشمس عند الشروقِ
يا من على ثاير فوادي تولّى
***** خلّك على قلب الكرامة شفوقِ
أكرم عزيزٍ بالعمر ما استذلاّ
***** يسوق عمره للمشاريف سوقِ
إخترتك من الناس للقلب خلاّ
***** يا حيثك مرادي وكيفي وذوقي
ما رحت أدوّر كل زولٍ تحلّى
***** لولاك تسوى ما عطيتك خفوقي

******************************

يا عيونه بس يكفيني عذاب
****** بالذي ودّك تقولينه دريت
كل ما قلتيه عندي له جواب
****** إقري عيوني مثل ماني قريت
يا ذهاب العمر عمري في ذ هاب
****** القوي الله فلكن ما قويت
ما بقى لي قلب منك القلب ذاب
****** بيّن حالي ولوني ما حكيت
كل ما قلت انفتح لي فيه باب
****** دار حظّي وانقلب عمّا نويت
دوك شيبي لاح في حل الشّباب
****** كلٍ بحظه وأنا بحظّي شقيت


(( الأمير خالد الفيصل ))

 

 

 

 

صح الله لسان الامير الشاعر خالد الفيصل
اطال الله في عمره وتقبل مروري على النقل الرائع بدر الشمال

 

 

 

 

رحيل جديع
اسعدني مرورك وردك الجميل

لك تحيتي وتقديري

 

 

 

 

عتاب وملام

مابرى الجرح في صدري عتاب وملام
وأنت جيت بعذر .. وأطو المعاذير طي
لا تتعّب لسانك بالعذر والكلام
ميّت إحساس دايم يجرح إحساس حي
(للشاعر محمد الزعبي)
=.....=.......=