من اختيارات بدر الشمال

اخوي بدر الشمال
هنا وبرياض واحة الغناء استمتع
وانا على شواطىء اختياركم الرائع
استمر اخي على هذا الطرح
تقبل مروري وردي

 

 

 

 

حزينـه كـل نغماتـي إذا مـا نالنـي قربـك

وش الدنيا بلا شوفه تطفّـي نـار هجرانـي؟!!

//

تهج منّـي وتنكرنـي كأنـي يالغـلا ذنبـك!

مع اني حافظ ن عهدك ولا أطلب أحـد ثانـي

//

يذوب القلب في عشقك ويسري الشعر في دربك

يلاحق خطوة اشواقك وينثـر عطـر ألحانـي

///

أنا احبّك ولو تجفا ويفنـى العمـر فـي حبّـك

وطيفك ما ترك بالي وزولـه ساكـن اجفانـي

//

متى تصفى ليالينـا ويسهـل عندنـا صعبـك؟

واودّع ظلمة الفرقى ويطوي الوصل أحزانـي؟

//

حروف الشوق من قلبي ينـادي خفقهـا قلبـك

تدلّت بين إضلوعي وذابـت وسـط شريانـي

//

مليك الحب بايعتك وقلبي لـو تحـب: شعبـك

يطيعك ما عصى أمرك وعشقك تاج سلطانـي
د/جاسم سليمان الفهيد

 

 

 

 

انشدي دقات قلبي عن غرامـك=وانشدي رجف المحاني عن شجوني
لا تودّعْ من عشق رقة كلامـك=خلّي همسك يشعل بقلبي جنونـي
ما أبي من شوفتك الا سلامـك=واروي من برد الحلا ظامي عيوني
نظرة ن منّك تنسّيني خصامـك=وارتعاشة هدبها تدفـن ظنونـي!
يا ملاكي ليه تجفى وش علامك ؟=ما دريت اني اشيلك في جفونـي؟
ساهرن والنجم يسقيني مدامـك=كلّ شيّ ن من أجل حبّك يهوني!
خايف ن قلبي تمادى في ملامـك=و تعجز عن شيلة الجفوه متونـي
ليت عقب البعد يغمرني غمامك=وتغفي اورودك على رشّة مزوني !

 

 

 

 

يالله وانا طالبك تغفـر لـي ذنوبـي يـا غفـور

ارجيك والجا لك وانـا سالـك واعيـد المسألـه

لوما تطهرنـي بعفـوك مـا تطهرنـي البحـور

جيتـك وذنبـي قـد تعـلاّ غاربـي يـا مثقلـه

أنا من الطين انخلقت , أخطي ولانيـب معـذور

قامت علـي الحجّـه بدعـوة رسلـك المرسلـه

مؤمن بتوراتـك و إنجيلـك و مؤمـن بال**ـور

و بسنّـة محمـد وآيـات الكـتـاب المنـزلـه

لكن خُدعت بزخـرف الدنيـا وزادتنـي غـرور

أبدت مفاتنهـا و ورتنـي مـن العمـر اجملـه

طبعاً بما إني بنـي آدم حصـل منّـي قصـور

واذنبت يـا مـولاي ذنـبٍ بالخفـا مـا تجهلـه

أسألك تغفر لي و تستـر موقفـي يـوم النشـور

اليا القفـت خلقـك صحايفهـا وهـي مستذهلـه

من يستلمها بالشمال افلـس وهـو يدعـو ثبـور

ومـن يستلمهـا باليميـن افلـح لخيـر المنزلـه

واسألك يا ربـي تعاونّـي علـى نيـل الأجـور

أحيا حيـاةٍ مكسبـي فيهـا مـن البـر افضلـه

واسألك جاهٍ مع هـل الدنيـا وحـظٍ مـا يبـور

أيضاً وعرفٍ مـع هـل الحكمـه ورزقٍ تكفلـه

من لا تهيّـا لـه مقـامٍ مـع طويليـن الشبـور

يبكي على ما ضاع من عمـره وخيبـات عملـه

وان شاب راسه لا ترجّى فيـه تجبيـر الكسـور

لا خير فـي تالـي زمـانٍ مـا تغانمـت اوّلـه

ومانيب ناسي قصةٍ صـارت وانـا ازورالقبـور

لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور

في جوف قبرٍ عن هـل الدنيـا طـواه ويعزلـه

سلّم وجا صوبي يقول : ابنشـدك يللـي تـزور

عن حالة الدنيا وعن وضع الزمـان وعـن هلـه

أنا مضى وقتي ومرّت بـي طويـلات الدهـور

والباقـي بعمـري بعيشـه بينكـم واستكمـلـه

قلت : الزمان اللي يبارينا علـى خبـرك يـدور

الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حـد الجـذور

صار انتقـالٍ مـن يميـن الـى يسـار المنقلـه

استغرب الشايب من اللـي قلـت وبليّـا شعـور

حط اليمين اعلى الشمـال وخاطـره فيـه اسئلـه

قال : افتني عن حالة الشيبـان والشيـخ الوقـور

أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور

اللـي يفضّـون النـزاع ويحكمـون المشكـلـه

قلت : البعض منهم على ما قلت في وصفك وقور

قدوه ولكـن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور

اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور

لا زهّـده شيبـه مـن الدنيـا ولا هـو جمّـلـه

بهيمةٍ يرجـع علـى منحـاه الاوّل ومحصـور

فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور

ينقـل جـوازه للسفـر مـن م**لـه لا م**لـه

أشيمطٍ زانـي قضـا عمـره بحانـات الخمـور

والعايلـه ورعٍ يغـرّر بـه وبـنـت مهمّـلـه

قال : افتني عن حالة الخفرات ربّـات الخـدور

اللـي تصـان ببيـت عايلهـا و بابـه تقفـلـه

شيهانةٍ تشمخ عفاف وتصقـل فـروخ الصقـور

بين الفريـق ببشتهـا الضافـي وتـوبٍ تسبلـه

قلت : العـذارى فـي زمنّـا ببغـاوات الطيـور

تقليد هرج و عـرض ريـشٍ خلفهـا تستخملـه

تلبس عباةٍ ضيّقت حـول الردايـف والخصـور

فضيحةٍ تكشـف جسدهـا مـن علـوّه لاسفلـه

وموضة شيالٍ تكشف الوجنات والـوان الشعـور

والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور

تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور

والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسـفـور

الاّ خنـازيـرٍ دمـاهـا بـــارده ومغـفّـلـه

قال : افتني بحال الشباب الصلب صيّاد النمـور

الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعـرض الجـار سـور

البار عنـد امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور

والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور

والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )

صـار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )

والبل راعيها غـدا يشـرب حليـب ( النستلـه )

مامنهم اللي قام دون اعـراض جيرانـه غيـور

من قام قالو , , وشملقّـف حضرتـه ؟ وشدخّلـه

والوالدين حقوقهم ضاعـت وعنهـم فـي نفـور

ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور

لو تعزله عنهـم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور

حتى ابن عمّه يعرفـه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور

وان شاف ضيف يخش حتى انّه يفـارق منزلـه

ناظر لي الشايب بعيـنٍ تجمـع السبـع البحـور

يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور

ما يقعد الجمّال به ساعـه ولـو ضـاع جملـه

 

 

 

 

قصيدة معبرة عن اليأس وندب الحظ الردي
باخراج جميل وسبك محكم وكلمات رنانة
كم من جبيناً كل وقته تباشير
حظه يغنّي له على طرق وَرقا
وكم من وجيهاً حظها قاعة البير
لوهي وجيهاً في المواقيف عَـرقا
ارقى دَرَج والحظّ ينزل اصنصير!!
ينزل وانا من عادتي لازم ارقا
حظاً يعاكس خَطوتي وين ما اسير
لامن بغيت الغرب! ينحاز شرقا
حظي بوقتي صار مثل الأعاصير
بينه وبين الزين مليون فرقا!
قصة عتيبياً جرى له تعاسير
قلبه مع الروقـه,وعينه لبرقا
انا وحظي! سالفة راعي الطير
ياطير إبن برمان فرقا وفررررقا
طيراً من إكبار الطيور المشاهير
اللي لها بين المناعير طرقا
غذاه إبن برمان وإبـ كل تبذير
طرحَة يـِده ماجاه نهباً وسرقا
تعَب عليه ودبّره خير تدبير
وسرَح بطيره يدرق الصيد درقا
وهَـدّه بغاه إيصيد ويجيب له خير
وعَـوَّد عليه إبـ حيَّة الغار زرقا
حيَّه وصار إلـ نابها فيه تغزير
تدفق بسمّ ازرق بلغ كل عِرقا
وداخل وريده! صار للسمّ تأثير
سمّ ٍ زرَق في داخل القلب زرقا
طيراً ذبح راعيه قصه وتصوير!
إعروق ابن برمان بالسم غرقا
روَّح يصيد! وراح فيها! مقادير
مات وعليه إقلوب اهاليِـه حرقا
وياحظ ياللي نازل ٍ بالأصنصير
متى تزين, وتلتفتـلي, وترقا؟
" مما راق لي "

 

 

 

 

{{ اخاف لا قلت الو تخنقني العبرة }}

العبره اللـي لهـا يوميـن تخنقنـي
خذيت منها على مر الزمـن عبره

افرح ليا بان واحزن لاسلا عنـي
إلين ماصرت في دور الهوى خبـره

تامرني انساك بنسى ويش يمنعنـي!
لكن ليا جيت في بالي وش الدبـره؟

خذيتنـي سالـي ودالـه ومتهـني
ورميتني شاعر(ن) ساهر على حبره

الله حسيبك على الضيقـه معودنـي
ياكاسر الخاطر اللي شوفتك جبـره

تطلب وانفذ وابي قربـك وتجهلنـي
كني طلبتك تحفـر البيـر بالأبـره!

تقول : ياامكرم القيفـاان تخدعنـي
واقول : بعدك كفنه وغيرتـه قبـره

طيفك على صدك وبعدك مصبرنـي
لو كان طيفك يشيل القلب من صبره

امهلتني للزمـن والوقـت مهملنـي
يااحر كبدي على حاجات منثبـره

واللي سرق بالي وحيـره واشغلنـي
طاريك لامـر وش دخلـه بالنبـره

موج الغلا يم سيف الشوق يدفعنـي
ياقرد حظي معى شفـه وياغبـره

اليا طلبته يقـول اسـف وفارقنـي
اللي معى مايعـل النفـس يااكبـره

ولاانت ياحزبة الضامـي معذبنـي
متى نصادف طريق(ن) نلتقي عبره؟

ابتصل فيك لاا ! مانيب متعنـي !
اخااف لاقلت ( ألوو ) تخنقني العبره

 

 

 

 

تخلينــي كــذآآ وحــدي حزيــن وخــآآطــرري مكســوور .!
أنــآآديلــكـ .. وأنــآآديلــكـ ،، ولآآ فكّــررت تسمعنــي .!


أبــد مــآآ جــآآ علــى بــآآلــي تعــآآملنــي بــدوون شعــوور
تحســب انــي علــى كييفــكـ تبعثــررنــي وتجمعنــي .!


إذآآ انــكـ كنــت مــآآتقــدرر بهــالجفــآآ مجبــوور
أمــآآنــه .. لآآتعوّدنــي وصــآآلــكـ ثــم تقطعنــي .!


صحيــح انّــي معــي جملــه تلــفّ بخــآآطــرري وتــدوور ..
وربّــي ودّي أنطقهــآ وقلبــي مــآآيطــآوعنــي .!


وعشــآآن أرتــآآح .. بتكلّــم بــلآآ احــم .. بــلآآ دستــوور
تجــي سمحــه .! تجــي عــووجــه .! علــى اللــه يــآآمعذبنــي ..


إذآآ هلــت لــكـ لغيــرري وصــررت بدنيتــكـ محشــوور .!
تبــي الفــرقــآآ .. ولآآ ودّكـ تــوآآجهنــي وتــووجعنــي .!


دخيييل اللــه .. دخيييل اللــه .. تبيّــن لــي وش المستــوور .!
وقــوول : ابعــد عــن درووبــي .. ولآآ هــوو شــررط تقنعنــي



وأنــآآ بــووعــدكـ مــآآيبقــى لظــلآآمــكـ مــن شعــآآعــي نــوور
أبــررحــل عــن سمــآآكـ ولآ أبــي حتّــى تـوآآدعنــي


وابكتــب فــووق قلبــي .. مــآآت هــالطيّــب وهــوو مغــدوور
وســآآعتهـآآ .. كنــووز الأررض واللــه مــآآتررجعنــي


أنــآآ مــآآبــي حيــآآتــي ذلّ .. ولآآ أبــي عيشتــي مقهــوور
ولآآ أبــي غيير عــزّة نفســي بــوقــت الجــدّ تنفعنــي


ويكفــي رضــآآ ربّــي علــيّ مــن الخطــآآ والــزوور
ويكفــي لــي نــآآس بـ رمـش العيين ترفعنــي

 

 

 

 

غيمومطروالخير في الجو بارق
ماهو بوقت فراق سنع ظروفك

خل المفارق صح وقت المفارق
لاجا عجاج تروح ماأقدر اشوفك

 

 

 

 

كسرت بخاطري
يومي أجيك بلهفتي محتاج..
عن العالم تمنيتك بأحزاني
معي توقف!!
تحريتك و ناديتك و حس القلب
بالاحراج
رجعت و خاطري مكسور و حزني
فوق مايوصف!!
خلاص أقول من قلبي"أنا آســــــف"
عالازعاج
و آسف منــك "ياقلبي"
حطيتــــك بهالموقف
((مما راق لي))

 

 

 

 

اشووف الهم يسرقني

واثاري همنا مقدور

مدام الليل مايدري
علام الويل يشقيني . . ؟!