من اختيارات بدر الشمال

كـل مافـي الأرض يـنـذر بالمـفـارق والغـيـاب اللقا .. والشمس .. وحـروف الرسايـل .. والقبـور وش بقى يوم أكتشفت أن آخـر الـدرب السـراب ؟! والبحـر دمـع لسواحـل هاجـرت عنهـا الطيـور ! مالحزني صوت ؟ .. مدري هو خطـأ والا صـواب ! بس أعـرف أنـي حزيـن وصوتـي الليلـه جهـور مـن يدّثـر صوتـي الليلـه ويكسـب لـه ثـواب ؟! مالهـا يالشعـر غيـرك أنـت .. ياجبـر الكـسـور يكفـي أنـي .. لابكيـت بدونـك أشعـر بإرتـيـاب وكل ماأبكي فيك .. أشوفك لي .. عن اللي فيّ .. سور أدري بيوتـك عرايـا .. لـكـن أوزانــك ثـيـاب لبّـس جروحـي مـن أحزانـك وألبّسـك الصـدور كـان يـامـا كــان والنسـيـان للعـشّـاق بــاب عاشق ٍ لاشـدّ درفـة بـاب .. صـاح بـلا شعـور : يقـدر النسيـان ينـزع غصـن مـن فـوق التـراب بــس مايـقـدر يـقـرّب للـتـراب ولـلـجـذور كيـف أبنسـى ذكريـات الطيـش الأول .. والشبـاب ورفقـة الليـل العتيقـه .. وأول الفجـر الطـهـور والمواعيـد وشغبهـا .. والـولـه قـبـل العـتـاب وساعـة ٍ كـم كنـت أحـاول فـي عقاربهـا تـدور والمكـان اللـي وهـن سقفـه مـن الفرقـا وشـاب مـن بعـد ماكـان يحضّنـا مثـل طـفـل ٍ غـيـور والمطـر لا لـوّن الشـارع .. وقلـنـا للسـحـاب : بلـلّ أيدينـا .. تـرى العشّـاق أياديـهـم زهــور كيـف أبنسـى والريـاض لسيرتـي مثـل الكتـاب ! حافظتني بيت بيـت .. و حـي حـي .. و دوُر دوُر مـن كثـر ماكنـت أدوّر فـي شوارعهـا جـواب : هو صحيح الحب أعمى ! أو عيـون النـاس عـور ؟! كنت أشوف الحب عذب .. وهـم يشوفونـه عـذاب ! كان هـذا الحـب سـر ! .. وقلتـه وكلـي سـرور علمّونـي فـي المدينـه كـيـف لاحبـيـت أهــاب لكـن القريـه قمرهـا قـال : كُـن للـحـب نــور في بلادي كنت عاشـق .. بـس شاعـر بإغتـراب ! ليـن صـرت الشاعـر اللـي تعشقـه كـل البحـور علمّينـي يالقصايـد هـو خـطـأ والا صــواب ؟! لارفضـت أنسـى عيـون ٍ عشتهـا شعـر وشعـور هذا أنا لحالي .. هزيـل الحـال .. وأشعـر بإكتئـاب كـن قلبـي جـال بحـر ٍ هاجـرت عنـه الطـيـور أجرع الفرقا وأقـول الحـب عـذب .. وللعـذاب .. كـل قلـب ٍ لاحرمـه الوقـت مـن خلّـه .. يبـور ولين هـذا اليـوم أدوّر فـي المدينـه عـن جـواب : ليه في شرعك .. يكـون الحـب معنـى للفجـور ؟!!

 

 

 

 

وين هالغيبــه عسى ماهي إفراق ليـــه تبخــل بالمجــي خلّك كريم خابر ان الجــرح لا صابه حراق ما يفيــــــــــده طبّ والله العظيم ينشــدوني وين من رمشـه دقاق قلت مدري ذاك خبــري به قديم الغـــلا رآعيـــــــه له قلبن رقاق لو جفيته صارت ضلوعه هشيم لو زعل لوشال غيضه وأستضاق ما يخـــرّبها وجــرحه بالصميـــم أدمـــح الـــزلاّت زلاّت الرفـــاق خصّ لا من صــار راعيها حشيم عند اهلها غاليــــه وضــح النيـاق وانت عنـــدي يمكن اغلا يا وسيم إن بغيـت افــراقنا هـــاك الفراق وش نبـي بالحب دآم الحب ضيـم

 

 

 

 

وين المدينــه ..؟؟






تغيب شمس وتدخل الظلماء مدينه
متهالكــة بين الامانــــي والوعــود




ينبت بها صبر الفراشــات الحزينــــه
يذبـــل بهــا كل المشاعر والــــورود




الوقت طاف والامل طافت سنينـــه
والحــظ يامبــخل يدينه مايجــــــود




طفلا تعب يهدي تعبه لوالدينـــــــــه
وصدرا تعب يرسم لتنهيده حــــــدود




من يزرع الضحكة قهر يقطف يدينه
مدامـها للحبــــر تمثــال ولحــــــــــود




خذني سجن ياشعر وعيوني رهينه
خذني وطن ماعاش بــه غير اليهـود




لو صدق باقي للامل (يـاقلب وينـــــه!!)
لو كذب ماباقي امــل (متى يعــــود!!)




مليت وانــا انتظــر عمري بعينـــــــه
مامل جفنــه صمت ورموشــه ركود




المـــوت مازاد الحيـاه الا غبيـنــــــه
والا الحيــاه تزيد في موتي صمــود




يعني كفــاية غيبتــه غيبة حنينــــــه
يعني حضورة غيــر وعيونه وجـــود




ياصبر ياصبر الفراشات الحزينــــــه
على كساد الدمع بعمــاق الخـدود




وين المدينه قلت لك وين المدينـــه
يادنيتي مليت من كثـــــر الـــوعود

 

 

 

 

عبدالله الشطي

هلا ومرحبا بك في هذا المتصفح

الذي يفتخر بك وبالجميع

فلا تحرمنا من ابداعك وجمال حضورك


لك تحيتي وتقديري

 

 

 

 

أقسى شعور يعيش بك ، لاصرت عاشق لك | غريب |
وانته تعرفأنّه يحبّك ، بسّ | جَمعتكمْ | مُحاال !
:/

 

 

 

 

شايل الظيم كني شايلٍ لي سنام
وخابر الصمت زين وخابر البوح زين
ياصباح النوارس ياهديل الحمام
ياصباحٍ على الشاطيء ولكن حزين
بلغ الدار والاحباب مني سلام
وعايد ابوي وامي واهلي والحنين
خابر الشمس هالحزة مثل كل عام
تشرق بفرح ونعيّد مع المسلمين
جيت اصبحك يالبحر قم لاتنام
ريحة الدار والطاري وبوح الكنين
كل مرة اجي ساكت ماهو بأحترام
اسمعك واحشم اللي في ضلوعي دفين
لكن اليوم جيتك بالبكاء والكلام
وانت توقفت مع دمعي لانه سجين
دمعتي قبل تنزل لك سرت بالعظام
وصلتك وقوتني وانت خابرك امين
ترمي النآس في صدرك همومن جسام
وتاخذ اخف واندر سر بك من سنين
خل سرك في صدرك لو يهب الغرام
من مثلي همومك بالهواء غصن تين

 

 

 

 

تعال شف غيبتك كيف اثرت فيني تعال شفني وانا اغرق عقب مجدافي تعال خذني ورح بي من عناويني تعبت اعدي علىجمرك وانا حافي تعال واقطف بصوتك زهرة سنيني كل المواعيدعقبك شمعها طافي

 

 

 

 

يسعد مساك اخوي بدر عزالله ارتوينا شعر لك ودي وتقديري ودائمن تقوص في جمة القراح تقبل مروري وردي المتواضع

 

 

 

 

ينجرح قلب.. لكن ترتفـع هامـه =والله اني لاموت ولاانحني راسـي
لو رماني زمانـي وسط..دوامـه =العواصف شديده .. والجبل راسي
أنقل الحزن وامشي منتصب قامـه=قاسي الوقت .. لكني بعـد قاسـي
واسمع الحلم يصرخ لحظه اعدامه=رابط الجاش ... ماهز الخبر باسي
عزتي غاليه ..والنـاس سوامـه =قلت ماابيع حتى تقطـع انفاسـي
زانت ايام عمري .. شانت ايامـه=مارجيت العزى من رحمة الناسـي
من عجز لايدوس الهـم باقدامـه=لازم انـه مـع الايـام ينداسـي
يندمل جرح قلبٍ ..ماتت احلامـه=بس ما اظن يبرى جرح الاحساسي
يوم صارت مابين القلب والهامـه=وش ابي بالحياة الياانحنى راسـي

 

 

 

 

دع ألــفــاظ الــمــوده ثـــم دعــنـــي =وثــوب الـــود خــلــه فـــي مــجــرّه
لـبـسـتـه حـيـلــةٍ والـقـصد طـعـنــي= بـخـنـجــر وقــع بـظــهــري مــقــرّه
خـطــاي إنــي لـخـوتــكــم دفـعــنــي=نـفــوري مـــن وجــيــهٍ مـكـفــهــرّه
نـعــم خــوة شـديــدالـبأس تـعــنــي = لــي أشـيــاءٍ كـثــر نـجــم لـمــجــرّه
ولـكن شـفــت منـك ما وجـعـني=وكــن الـشــب فـــي عـيــنــي تـــذرّه
صـديـقٍ فـي الـرخــاء لـكــن قـطـعـنــي = بـوقــتٍ ضــاق بـــي بــحــره وبـــرّه
صـديـقٍ فـي الـرخــاء لـكــن فـجـعـنــي= بـيــوم الـضـيــق مـابــيــن مــســرّه
صـديـقـي لـو يـبـي نـفـعـي ؟؟ نـفـعـنـي!!=ولـو يـلـحـقــه مــن نـفـعــي مـضــرّه
ولامــن ضـامـنــي وقــتــي رفـعــنــي= وضـحــكــة نــاجــذي دايـــم تــســرّه
وزمـانـي لــو يـبـعـثـرنــي جـمـعـنــي=خـشـيـري فــي الـزمــن خـيــره وشــرّه
نـويــت أهـيـنــك ولـكــن مـنـعــنــي=شــعـــورٍ بــالــوفــاء !!! لــلـــه درّه
وهـــذي كـلــمــةٍ خــذهــا ودعــنــي= وثــوب الـــود خــلــه فـــي مــجــرّه