من اختيارات بدر الشمال

مبسم هيا قالوا كذا مبسم هيا .. قلت لا لا بين البروق وبين مبسم هيا .. فرق ويالله .. بنوٍ مدلهم الخيالا طافح ربابه .. مثل شرد المها الزرق لا جا على البكرين بنا الحلالا ولاعاد لا يفصل .. رعدها عن البرق يسقي غروسٍ .. عقب ماهي همالا وحط الحريق ديار الاجواد .. له طرق يسقي نعامٍ .. ثم يملا الهيالا ويصبح حمامه ساجعٍ .. يلعب الورق جريت انا صوت الهوى .. باحتمالا في وسط بستانٍ .. سقاه اربعٍ فرق طبّيت مع فرعٍ .. جديد الحبالا وظهرت مع فرعٍ .. تناوح به الورق روشن هيا .. له فرجتينٍ شمالا وبابٍ على القبله .. وبابٍ على الشرق مبسم هيا .. له بالظلام اشتعالا بين البروق .. وبين مبسم هيا فرق برقٍ تلالا .. بأمر عز الجلالا واثره جبين صويحبي .. واحسبه برق يا شبه صفرا .. طار عنها الجلالا طويلة السمحوق .. تنزح عن الدرق له ريق .. احلى من حليب الجزالا واحلى من السكر .. الى جاء من الشرق حنيت انا .. حنة هزيل الجمالا ينقض ردي الخيل .. قد حسة الفرق ويا قلتةٍ .. في عاليات الجبالا ماها قراح .. مير من دونها غرق ماعاد للصبيان .. فيها احتمالا من كود مرقاها يديهم .. غدن طرق قالوا تتوب من الهوى .. قلت لا لا الا ان تتوب .. ارماح علوى عن الزرق قالوا تتوب من الهوى .. قلت لا لا الا ان يتوبون .. الحناشل عن السرق قالوا تتوب من الهوى .. قلت لا لا الا ان تتوب الشمس .. عن مطلع الشرق

 

 

 

 

	*·~-.¸¸,.-~*محمد بن عثمان الهزاني*·~-.¸¸,.-~* . هذه القصيده هي استغاثة الشاعر في وقت جدبت فيه الارض وجف نبع الماء , دع لذيذ الكرى وانتبه ثم صل === واستقم في الدجا وابتهل ثم قل يا مجيب الدعا ياعظيم الجلال === يا لطيف بنا دايم لو يزل واحد ماجد قابض باسط === حاكم عادل كل ما شا فعل ظاهر باطن حافظ رافع === سامع عالم ما بحكمه ميل ثم بعد لطفك بنا افعل بنا === ما انت يا إلآهي له أهل يا مجيب الدعا يا متم الرجا === واسألك بالذى يا إلآهي نزل به على المصطفى مع شديد القوى === أسألك بالذى دك صوب الجبل الغنا والرضا والهدى والتقى === والعفو العفو ثم حسن العمل واسألك غاديا ماديا كلما === لج فيه الرعد حل فينا الوجل وادق صادق غادق ضاحكا === باكيا كلما ضحك مزنه هطل المحث ألمرث المحن ألمرن === هاميا ساميا آنيا متصل به يحط الحصا بالوطا من علا === منحو بالرفا والغنا بالشلل أسألك بعد ذا عارض رايح === كن طق متني سحابه طبل كن مننه إلى ما ارتدم وارتكم === فى مثانى السدا دامرات الحلل ناشيا غاشيا سداه فوق السها === كن مقدم سحابه يجرجر عجل مدهش مرهش مرعش منعش === كن لمع برقه سيوف هند تسل داير حاير عارض رايح === كل من شاف برقه تخاطف جفل أدهم مظلم موجف مركم === جور مائه يعم الوعر والسهل كلما اختفق واصطفق واندفق === إستهل وانتهل وانهمل الهلل حينما استوى وارتوى واقتوى === واستقل وانتقل إضمحل المحل والفياظ اخصبت والرياض اعشبت === والركايا ارعجت والمقل اسفهل والحزوم اربعت والجوازى سعت === والطيور أسجعت فوق زهر النفل كن وصف اختلاف الزهر في الرياض === تخالف فرش زوالى تفل بعد ذا علها مرهش قالط === ربو شهر سقى راسيات النخل راسيات المثانى اطوال الحظور === مستطيل مقاديم الجريد المظل حيثهن الذخاير إلى ما بقا === بالدهر ما يدير الهدير الجمل تغتنى به ارجال بوادى الحريق === هم اقروم كرام إلى جا المحل هم جزال العطايا غزار الجفان === هم الباب الضيف بليل هشل يا مجيب الدعاء يا متم الرجا === إستجب دعوتى إننى مبتهل إمح سيأتى واعف عن زلتى === فاننى ياإلاهى محل الزلل فنا الذى بك أمد الرجا === فلا خاب من مد فيك الامل وانت الذى تهدى إلنن قال === دع لذيذ الكرى وانتبه ثم صل ثم ختمه صلاتى على المصطفى === عد ما انحا سحاب صدوق وهل

 

 

 

 

نفسي عزيزه وافهم العلم لاهنـت الـذل مايـوم ٍ بعمـري تبعـتـه رفضت غيرك وانت بالحب مالنت ياقرد حظي يوم غيرك رفضتـه واذا الغلا يرجع على معرفة نت انسى الذي بينـي وبينـك كتبتـه ^.^.^.^.^.^.^.^.^

 

 

 

 

يـنـدمل جرح قلب ماتت احلامـة بس ماضن يبرا جرح الاحـساسي يـوم صارت مابيـن القـلب والهامة ويش ابـي بالحـياة اليا انـحـنى راسي ^.^.^.^.^.^.^.^.^ شفت المقفي وربي ما أتبعه لو خطوتين وأصبعي وهواصبعي لامن غدرني أبقطعه بأسألك سؤال واحد والجواب بكلمتين لاصار قدرك والهوي خصمين من تاقف معه ياخي عز الكرامه وانت دايم مستهين ياخي ضرسك لو يعورك بذمتك ما تشلعه ^.^.^.^.^.^.^.^.^

 

 

 

 

سلامتك معاد لي رغبة فيك لاصد قلبي صد من دون رجعه .. ^.^.^.^.^.^.^.^.^ انا لاجتني الزله من الجاهل وهو كذاب تركت القافله تمشي وراها تنبح كلابه ترى بدري على مثلك تعيب وساسها معياب ياليت اللي يعيبني يحاول يستر ثيابه ^.^.^.^.^.^.^.^.^ اعتلي يانفس واعقل ياخفوق .وارقدي ياعين وارحل ياهوى بنصحك ياقلب لايطويك شوق روحته مع جيته عندي سوى من يحطك تحت لاتعليه فوق ومن يحطك فوق يبشر لانوى الكرامة مايوطيها امخلوق والنجم لاطاح قالوله هوى ^.^.^.^.^.^.^.^.^ أبشرك ما عاد يوجعني فراق000 وأقسى وجع يزول بثواني00 عودت قلبي لا حمل هم أو ضاق00 ارمي ولا أسال عن اللي رماني00 وعودت نفسي للمتاهات ما انساق00 ولا أسيل دمع عيني واعاني00 وخل الحياة تروح والعمر ارزاق00 يمكن مع الأيام يضحك زماني ^.^.^.^.^.^.^.^.^

 

 

 

 

بســــــــــــم الله الرحمن الرحيم
السلام عليكم ورحمة الله وبركاته
اخواني اخواتي اعضاء منتدى الشميلات هذه
القصيدة لها معاني كثيرة من النصح والإرشاد وأنا من محبي هذه القصيدة
وأحببت أن أدرجها هنا ليراها الجميع - أرجو أن تنال رضاكم

يالله ياللـي كـل الأمـات ترجيـك
يا واحـدٍ مـا خـاب حـيٍ ترجـاك

يا مرقبٍ بالصبـح ظلّيـت اباديـك
مـا واحـدٍ قبلـي خبرتـه تعـلاك

وليت يا ذا الدهر ما اكثـر بلاويـك
الله يزودنـا السلامـة مـن أتـلاك

ياللي على العربان عمـت شكاويـك
وليت يا دهـر الخطـا ول مقـواك

واليـوم هالكانـون غـادٍ شبابيـك
تلعب به الأرياح مـن كـل شبـاك

يا مالك اسمع جابتي يـوم أوصيـك
واعرف ترى يا بوك بامرك وانهاك

وصيـةٍ مـن والـدٍ طامـعٍ فـيـك
تسبق على الساقـه لسانـه لعليـاك

أوصيك بالتقوى عسى الله يهديـك
لهـا وتدركهـا بتوفيـق مــولاك

الله بحـق أجـدادك الغـر يعطيـك
رضاه مع كل ما تمنى مـن امنـاك

احفظ دبشك اللي عن الناس مغنيـك
اللي إلى بان الخلـل فيـك يرفـاك

واعرف ترى مكة ولاها ابن اخيـك
لو تطلبه خمسـة دواويـن معطـاك

اجعل دروب المرجلة مـن معاليـك
وادراج سيّسها على العـز مرقـاك

لا تنسدح عنهـا وتبغينـي أعطيـك
جميع مـا يكفيـك مـا حاصـل ذاك

احذر امـر ليعـات أبيهـا لتاليـك
ايضا ويرخص عندها قـدر مـأواك

أدّب ولدك إن كـان تبغيـه يشفيـك
واستسعفه من بعـد مربـاه بـالآك

أما سمج واستسمجك عنـد شانيـك
ويفر من فعله صديقـك وشـرواك

وإلاّ بعد جهله تـرى هـو بياذيـك
لو زعلـت أمـه لا تخليـه يـالاك

واحذر تضيع كل من هو ذخر فيـك
معروفه لا تنسـاه واوفـه العرفـاك

ترى الصنايع بين الاجواد تشريـك
إلـى طمعـت بركزهـا لا تـعـداك

واحذر سرور بغبة البحـر يرميـك
ولا عنده افلس من تجزعك وابكـاك

واوف الرجال حقوقها قبـل تعنيـك
لا تعتمـد بالعفـو فالحـق يقفـاك

وهرج النميمة و القفا لا يجي فيـك
واياك وعرض الغافل ايـاي وايـاك

تبدي حديث للنـاس فيـه تشكيـك
وتهيم عند الناس بالكذب واشـراك

واذا نويـت احـذر تعلـم بطاريـك
كم واحد تبغي به العـرف واغـواك

واحذر شماتة صاحب لك مصافيـك
والى جرا لك جـاريٍ قـال لـولاك

ولا تحسب إن الله قطـوعٍ يخليـك
ولا تفرح إن الله على الخلق بـداك

إن اشتهى حط الطمع فـي تواليـك
لو ما لقيته يا فتـى الجـود يلقـاك

والضيـف قـوم لـه حيـن يلفيـك
مما تنوشه يا فتـى الجـود يمنـاك

اكرم قبالـه فانهـا مـن شواديـك
وابذل له المجهـود مـا دام يعنـاك

واحذر تلاقي الضيف مقرن علابيـك
خله محـب لـك صديـق إذا جـاك

وأوصيك زلات الصديق إن عثا فيك
ما زال يغطاها الشعـر فاحتمـل ذاك

راعه ولو ما شفـت انـه يراعيـك
عساك تكسـر نيّتـه عـن معـاداك

واحذر عدوك لو بقا بـي يصافيـك
عود الجنـا واطعنـه حينمـا جـاك

لا تامنه فاطلـب مـن الله ينجيـك
ويكفيـك ربـك شـر ذولا وذولاك

شفني أنا يابـوك بآمـرك وانهيـك
عن التعرض بين الاثنيـن حـذراك

وإذا حضرت طلايبٍ مـع شرابيـك
اسع لهم بالصلـح والـلاش يفـداك

ابذل لهـم بالطيـب ربـك ينجيـك
لا تجضع الميـزان مـع ذا ولا ذاك

أما الشهادة أدّهـا إن دعـوا فيـك
بيّن عمود الدين لا عميـت اريـاك

بالك تماشـي واحـد لـك يرديـك
طالع بني جنسـك وفكـر بممشـاك

رابع أصيل فـي زمانـك يشاكيـك
وإلى شاف خملاتك عن الناس غطاك

واحذر عن طرد المجفـي حذاريـك
عليك بالمقبـل وخـل مـن تعـداك

ثم العـن الشيطـان ليـاه يغويـك
تـرى إن تبعتـه للشّرابيـك وداك

واوصيك لا تشكي علينـا بلاويـك
أنت السبب اخذك عيونـك بيمنـاك

واعرف ترى اللي وطا الفهر واطيك
ولا أنت أعز من الجماعة هـذولاك

المسك يا راسي عن الذل واخطيـك
واحذر تكلـم يـا لسانـي حـذاراك

والطف بجارك ثم قـم دون عانيـك
وافطن إلْما يعنيك عن ربعة أخـواك

يا ذيب وان جتك الغنم فـي مفاليـك
فاكمن إلى حيـن الرعايـا اتّعـداك

من أولٍ يا ذيـب تفـرس بياديـك
واليوم جا ذيبٍ عن الفـرس عـداك

يا ذيب عاهدني وأعاهدك ما رميـك
مرميك أنا يا ذيب لـو زان مرمـاك

والنفس خالف رايها قبـل ترميـك
ترى لها الشيطان يرمـي بـالادراك

ومن بعد ذا لا تصحب النذل يعديـك
وعن صحبة الأنذال حاشاك حاشـاك

ترى العشير النذل يخلـف طواريـك
وأنا أرجي إنك ما تجـي دون آبـاك

والهقوة انك ما تجـي دون أهاليـك
ولا ذكر عود الورد يثمـر بتنبـاك

والحر مثلك يستحي يصحب الديـك
وان صاحبه عاعا معاعات الاديـاك

لا تستمع قول الطرف يـوم يلفيـك
بالكذب يقضي حاجته كل مـا جـاك

من نم لك نم بك ولا فيـه تشكيـك
والاَّه قــد أزرا رفيـقـك وأزراك

عندك حكا فينا وعنـدي حكـا فيـك
وأصبحت كارهنـا وحنـا كرهنـاك

ما اخطاك ما اصابك ولو كان راميك
واللي يصيبك لو تتقيت ما اخطـاك

مير استمع مني عسـى الله يهديـك
النصح يـا مالـك لـك الله مـولاك

عنـدي مظنـة مـا تمثلتهـا فيـك
واطلب لك التوفيق من عند مـولاك

 

 

 

 

لا تلتفت كل من حولك رماد = تنعرف هالنار من شبابها
الوفا مبداي والعلم الوكاد = إن لي نفس ٍتعز أحبابها
شوقها يآصل على جفو البعاد = من عطاها تزهد بجلبابها
ساقها صدق الرضا حتى العناد = كذبةٍ تشفق على كذابها
الحزن جرح كسا لب الفؤاد = والأمل ضي ٍ بزغ من نابها
والدفا قلبٍ نسا حضن الوداد = كم تجرعت الأسى بغيابها
من يحسب الهم يشويه الرقاد = لو غفت عينك بلتك أطيابها
طيبتي غلطه زمن عثرة جواد = طيبتي شفت العما بأسبابها
البشر يا كثرهم مثل الجراد = ما تفرق حرها من وغرابها
الجماد الحي والحي الجماد = والمراجل نوخت بركابها
والبياض أصبح على دروبك سواد = النعم للي ينوش أترابها
من يسوم أغلا المشاعر بالمزاد = والأماني من ترقس بابها
ياصبر ما للصبر غير الحداد = وش بلا الدنيا وش اللي صابها
نم ولو عينك يغطيها السهاد = لكن أصحى لا تخون إلا بها
الحياة آمال وآفاق وجهاد = من عرف قدر الشقا ما هابها

محمد بن خلف العجيمي

 

 

 

 

ليه أراضي دمعتك وأزعل فؤادي = ومن عرفتك بالمحبه وأنت ضدي
ليه أحس بدرب ما حس بمرادي = وشاطئ أفراحه ألم جزري ومدي
للمطر وادي وضيقاتي بوادي = مشكلة ثوب الونس ماهوب قدي
كنت أقول إن الغصن له كف شادي = وأطلق حجاجي وأبيحله بسدي
وأصدق النيه وعمر الحب غادي = والوفا ظلي وأخاف إنه يهدي
يالوفا إن مت بأعلن بك حدادي = لو توفت دمعتي من عقب جدي
رح سحابة طيف يا غفوة سهادي = لو أخذك المركب اللي ما يودي
تحسب إن ذبح الكرامه شي عادي = والغرور أعماك عن شيءٍ بودي
شف عطر ممساك خيم في ودادي = يا جروح الأمس من هالراس عدي
غلطتي كذبك وهو ملحي وزادي = أيه أحبك لكن أرفضك بتحدي
دمعتك ضحكة تمناها فؤادي = ودي أسعدها ولكن ما بيدي

محمد بن خلف العجيمي

 

 

 

 

يا مشتكي محدٍ من الناس معطيك = خذ بالنصيحه وأعتبرها وصيه
عليك بإحساس ٍ تحبه ويرضيك = وتلقى هناك برشفتين هنيه
لا تصير ضو ٍ تحرق اللي يدفيك = ولا زمهرير ٍ يكره الخو خيه
صبرك وجع مشراق وأدري يعنيك = ريح توجد للغصون الطريه
والذكريات اللي بزعمك تصحيك = تموت لوهي بأرض الأشواق حيه
إن جاد فرقا أو حدنه لياليك = خلك على ما قيل شمس إضحويه
حبيت وإن حبيت ما ودي أخفيك = ياكم تغنت بي طعون ٍ خفيه
مرت وشفت الخير بعيونها ذيك = خطٍٍ عرفت أقراه ونه وكيه
إن جيتها بالود لذة مشاهيك = وإن جيتها بالزين قمرًا شهيه
تعطيك ضي الدرب لو كان معميك = وإلا المشاعر لو تشوف معميه
يا حظ لو جيتك على شان أوريك = لوحة غلاي اللي بغلاي محميه
أرضيتها من قلب وأزعلت مرضيك = يا حظ ما ترحم وأقول أنت ليه
الله بلاني فيك يا فرحتي فيك = واللي بلاني فيك يبلاك فيه

محمد بن خلف العجيمي

 

 

 

 

أحبك ليت معانيها تصلك وياليت فؤادك ينبض
أحبك يا درة نفسى وطمئنينة قلبـــــى
أحبك يا وجعى وألمى وعشقــــــــــى
أحبك يا شمس نهارى ونور صباحــى
وشعاع بصرى وضياء عمــــــــــــــرى
أحبك يا من اليها كلماتــــــــــــــــــــى
أحبك يا قرة عينى وملاكــــــــــــــــى
أحبك يا أملى وأمنياتـــــــــــــــــــــى
أحبك يا زهرة البستان بكل الألوانـــى
أحبك ولا أعلم شاطئى ومرساتــــــــى
أحبك بالشتاء والصيف وفى كل الأوقاتى
أحبك يا رمز الحب وها هى صرخاتـــــى

نزار قباني