سجل حضورك اليومي ببيت شعر ..,

رى الزعل موجود مابين الأحباب
وترى العتب بين المواليف عادي

في نظرتك رغم الزعل حب وأعتاب
وأنا بعد رغم الزّعل معك عادي

أهم شي في قلوبنا شوق وأعجاب
ما أقوى بعادك و أنت تكره بعادي

 

 

 

 

للوقت قدره..وكـل مخلـوق لـه قـدره
وتسيـر بالكـون كلـه حكمـة البـاري
احيان..ماتنفـع الحنكـه ولا الخـبـره
بعض المواجع تجي واصوابهـا ضـاري
الصمـت دبره..اليامـن قلـت الدبـره
لاصار حزن السنيـن ايكبـل اشعـاري

 

 

 

 

|| آتركيني يآهمومي .. وآرحمي قلبي آلحزين ||
كفكفي دمعي رجِيتك .. وآدفني نآر آلشجون

رآحت آيآم آلسعآدة .. وآنطوت عِشْرة سنين
وآغرقت ذكرى آلليآلي .. بين آموآج آلحنين

 

 

 

 

احدن يهين اصله على كل زلات
واحدن ترومه شيمته ماتذلّه

 

 

 

 

كنت أعلّم حنيني كيف صوت الغرام !
............................ كنت اواسي سنيني يوم شحّت يدين!

كان صوتك سراب وكان صوتي هيام ...
............................ كان جرحك كبير وكان قلبي متين ... !

مُحزن : اني أوفّي عام عن ألف عام !
............................ ومؤلم : يكون ردك طعنة ٍ من أنين !

 

 

 

 

أحيان .. نندم .. من گلامٍ .. نقولهـ .. !
وأحيان .. نندم .. ( ليهـ .. نسگت .. عن القول ) !
اللهـ يعين الحرف .. لحظة .. هطولهـ .. !
أنا .. أشهد .. أنهـ .. يگشف .. عقول .. وعقول !!!
البارحهـ .. والليل يرخي .. سدولهـ .. !
من ضيقتي .. ناديت :
.. يارب .... لآ .. حول !!

 

 

 

 

سمعت باليتيم اللي قدام عينة تموت امة
يناظر ولا يقدر يبرر دمعت الشفقان
يصرخ خذي روحي بس خليك يايمة
وتموت ويعاني مع الذكري الم واحزان
كان احساسي احساسة وما همني همة
هو القدر اخذ امة وانا فاقد اعز انسان

 

 

 

 

وش اسوي وش اقول ×× وكيف اعيش بدنيا لحالي
والحزن فاعل فعول ×× وانا فاقد اليوم غالي
الناس يدقون الطبول ×× وانا اشاهق على حالي
حزني ماتستوعب عقول ×× ودموعي هي راس مالي
تمنيت اني من الخبول ×× ومافهمت الحب تالي
اصبر قلبي المقتول ×× على فرقاك ياغالي
واشكي همي الموصول ×× لقلب ماهو بخالي
حبيبي وين له منقول ×× من هالدنيا للعالي
رجيتك لاتخليني وتطول ×× غيبتك عني ليالي
وان كان مانيب بمقبول ×× انا للموت مابالي

 

 

 

 

كل الأماكن وطن وعيونك المنفى
وأنا غريب لقى في عيونك دياره
ياساكن القلب خذني للوجع تكفى ..
مدام ذنبي كبير أكبر من أعذاره
البرد موحش دخيلك بس كيف أدفى /
وأعصاب جرحي من التأنيب منهاره
أدري مقصر لأنك دايم الأوفى
لأنك انسان فعلاً صعب تكراره ..!!

صعب تكراره...

 

 

 

 

قالوا ترى مالك امل في قربها لو يوم
ابعد وجنب دربها ..هذا هو المقسوم

قلت اتركوني واسكتوا..خلو العتب واللوم
قدني غرقت في بحرها..ولاعاد يفيد العوم

قالوا ترى في حبها ويل .. واسى..واهموم
قلت ان قتلني حبها ..حسبي تقول مرحوم

قالوا انسى ذكرها..منتب بها ملزوم
قلت ابشروا ياعذلين..بنسى لذيذ النوم

قالوا بتلقى غيرها..واترك هواها اليوم
قلت العفو ياحسدين ..ما ابدل القمر بنجوم

قالوا لغيرك حبها..قلت الجواب مفهوم
دام انها متهنيه..وشلون اصير محروم

بقضي الليالي انتظر..صابر على المقسوم
متعلق بطرف الأمل .. يمكن يجيني نوم

قالوا ترى مالك امل ..في حبها لو يوم
ابعد وجنب دربها..وهذا هو المقسوم