ياصباح الخير

ياصباح الخير ياوجه الرضا الزعلاني = صح نخطي صح نزعل مير مانطولها
والرضاء والغيض مخلوقه مع الانساني = والثرياء بالسماء مايختلف منزلها
انت تدري انك اغلاء من اعز اخواني = ونطفي الفتنه وشيطان البشر يشعلها
تعرف ان اكبرعدوللمسلم الشيطاني = لاتقول طنش تعيش وربك يسهلها
طالبك طلبه من احساسي ومن وجداني = ان بيبان الزعل من بيننا تقفلها
لوحمد دايم يبي ياخذ على حمداني = كان على الدنيا السلام ومابها بأكملها
والقلوب الياتعافت صحت الابداني = والرياء والكذب كان احتلها يقتلها
والقلوب البيض لو تنباع بالدكاني = اكثر قلوب الخلايق ودك تبدلها
ثم تصير صدورهم ا وسع من الصماني = والنوايا طيبه الله يامجملها
مير هاذي خلقة (ن)للواحد الرحمني = الله اقدر بالهدا للناس او يضللها
ليش تزعل والعمر والكون كله فاني = اخر الدنياء الرواسي ربك يزلزلها
ويخرج المجني عليه وثم يجي الجاني = وكل نفس وماعملته ربك يعاملها
وعند ربك مايفيدك قول وش دراني = الرساله عندك من محمد من اولها
جتك مع هالصبح وردة فل من بستاني = وهقوتي ماترجع الورده تبي تقبلها
وانت قلبك واحت اليشموم والريحاني =وشجرة الغرقد عسى وجيه الغضب تاكلها
جاك عذري مع مناديبي بنطق لساني = هرجتن من قلبي لقلب الرضا مرسلها
وشوفني حطيتها بالمنتدى الفناني = في قسم همس القوافي توي منزلها
بمنتداي اللي جمع بيني وبين اخواني = من حدى بنوك الدرر اللي الله مجملها
ولاتكدر خاطرك ترني معك زعلاني = وان نويت تصدعني صدتك كنسلها

 

 

 

 

معيض بن عريفج..

شاكره لك كل الشكر على القصيده الراائعه
صح الساااانك اخوي كلمااات رااائع
ننتظر المززززززيد
يعطيك الف عاافيه
لك ودي واحترامي..

 

 

 

 

معيض بن عريفج

صح الله لسانك على القصيده الجزله
والتي تعبر كلماتها عن مضمونها ومعناها
ابدعت وتميزت وتألقت ونثرت درر
لك تحيتي وتقديري

 

 

 

 

معيض بن عرفج يعطيك العافيه على القصيده

فااالك الطيب ""

 

 

 

 

اخوي معيض

يعطيك العافيه


وصح لسانك ومبدع في شعرك

وتقبلي مني اجمل التحيه