تعالو للماضي شوي

يازين أيام زمااان والله حلوووووه الذكريات ..
تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .

‏تذكرون.. يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ‏ويعطيك الصور بعد أسبوع

‏تذكرون.. المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها

تذكرون.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت كاكاو ونتم ناكل مثله ويا البسكوت المالح.

تذكرون.. يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي >>>
وعالم حلو بهي يسكن في القلوب في قصص الشعوب .

‏تذكرون.. يوم كنا نحط بالفريزر العصير الطويل بو نصين اولبن اب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.

تذكرون.. يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.

تذكرون.. يوم كنا نشوف مسرحيات الأطفال مثل السندباد والزرزور وألف باء تاء اللي فيها عبدالرحمن العقل ويوم الحرامي يكون وراه.. نصرخ من قمة راسنا: ورااااااك وراااااااك وهو يقول وينه وينه يميييييين يميييييين....

‏ياعيني على الاستهبال.

تذكرون... عزايم قبل والسفرة المفروشة على كبر الصالة اللي على صورة ميوه (‏فواكه) ‏وريحتها لازم مثل ريحة المطبخ وجالسين على الزولية اللي يوم تقوم تلقى ريلك كلها شخوط من الزولية
<<<< اي والله

تذكرون.. يوم كانت جائزة البيبسي سيارة في غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .

‏تذكرون.. يوم يقول الأستاذ أو المعلمة ان هذي الصفحات ملغية
تعال شوف الشخابيط اللي على الصفحة من فوق لين تحت وإلاّ نطرها من الكتاب.....‏ليش هالحقد عاد؟

تذكرون.. يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرة ظهورهم.

خالد جليدان

مشكور ابو وليد على هالذكريات الجميله

والرائعه واللتي تحمل معها اصدق التعابير

والمعاني زمان اول يعطيك العافيه تقبل

مروووووووووري وودّي وتقديــــــــــــــــري

جميله تلك الذكريات ولها جمالها

كم هي رائعه تلك الذكريات

خالد

دمت بعافيه

امممم في سؤال انت اماراتي....؟؟؟؟

انا صراحه ماعشت معظم هالذكريات

يعني نص اللي مكتوب ماعشته بس وانا اقرا تمنيت اني عشت بعض هالذكريات
اللي عندك.. ذكريات جونان صراحه..

يعطيك العافيه اخوي عالموضوع الرائع,,

تقبل مروري اختك مجنونة سراب,,

اخت مجنوونة سراب

مشكووره ,,,, اقول لاتخلين شي بنفسك

الشميلاني ,,,,,,

مشكوووور على مروورك اكيييد عشت من الذكريات الجميله

خيال القضاه


شـكــ وبارك الله فيك ـــرا لك ... لك مني أجمل تحية .