ياعيد ليتك تشوف

26-08-2008, 05:59 PM

ياعيد ليتك تشوف الحـال وتروفـه=حيثك بخيصٍ وتعرف سلم الاجوادي
وش هقوتك في عشيرٍ قص معروفه=من الجبل قطني في حومة الـوادي
من اول اراسله واجيـه واشوفـه=الحظ قايـم ودرب الحـب منقـادي
واليوم عنا تغيـر ناقـش اكفوفـه=يمرنـا مايسلـم غـض الانهـادي
ياعنز ريم تقود الصيـد وخشوفـه=ترعى نبانيب وبل عقـب الارثـادي
او عود موز يهز الريـح بطروفـه=تسقيه الانهار حدر اقصور بغـدادي
كان الجفاء منك بين مابه حسوفـه=انا ليـا عفتنـي مانيـب نشـادي
لو كان نفسي وروحي منك متلوفه=من قال مابيك جازيتـه بالابعـادي
بعناية اللي يغيث ويرزق اضعوفـه=عليك ستر الولي في بـر وابـلادي
يازين هذي سوات الوقت واصدوفه=يازين دنيـاك واخرهـا للانفـاديً

30-08-2008, 05:02 PM

بدر الشمال

الف شكر لك يالغلا على الطرح الرائع والجميل
دائمآ تبهرنا بمواضيع بشتى الأقسام
لك تحيتي وتقديري

09-09-2008, 05:52 AM

ياعنز ريم تقود الصيـد وخشوفـه88888ترعى نبانيب وبل عقـب الارثـادي
او عود موز يهز الريـح بطروفـه88888تسقيه الانهار حدر اقصور بغـدادي
كان الجفاء منك بين مابه حسوفـه88888انا ليـا عفتنـي مانيـب نشـادي
قصيدة جميلة ورائعة تحاكي المسامع بعد القلوب
ننتظر ابداعك