الحرالاشقر لاكفخ تسمع لجنحانه صفيق

حرفٍ شعايله المضيئه اذهبت نو البريق=منور سنا خيل الخيال اليا خذا الليل سروي
له شاعرٍ سجه هجوس وخاطر احساسه رقيق=يأرد على العد القراح ويرتوي منه روي
الصبر من صبره نفذ والصدر ماصدق يضيق=والحظ الاقشر التوى حتى زوا حاله زوي
لولا ميوله يعلم الله لاختصرطول الطريق= واصعد بحالي وارتقي للذات واشرف بعلوي
واقلط على دارٍ تعشق الغوص وتقدر العميق= البحر موجه يصطفق وبفوجه لعنة الثوي
كم واحدٍ يوم انحدر حدر تحدر للغميق=انما جلب من نوها ولا على وجهه دوي
والحر الاشقر لا كفخ تسمع لجنحانه صفيق=خم الفريده بالسماء ثم اللتوى فيها لوي
الكل على المعنى سنين القاف اذبح او اعيق=هلي تشوفون النجوم بساع تطلع وتهوي
ومالن بديعات المثول ورجحن كف الصديق=ياسعد عين الي صفاله بالزمن هذا خوي
ياصاحبي يوم الرفيق يخون في حال الرفيق=البيض مثلك بلحرام ان كانهن جابن سوي
ياعقد منضومك درر فيك المعاني من عقيق= بفصوصهن شفت القمر بالليل والذيب يعوي
رفقة صداقه من صغر سمر سفر سكة طريق=تخفت انوار النجوم وكوكب النجمه ضوي
لنك تصاعد للسماء نسلٍ تسلسلسل عريق= للطيب صيت وللعهد ميثاق والاصل بدوي
غير الوفاء جود الكرم والسر في بيرٍ عميق= كلما دنا دلوٍ تدلدل بير واحباله طوي

 

 

 

 

غير الوفاء جود الكرم والسر في بيرٍ عميـق

كلما دنا دلوٍ تدلـدل بيـر واحبالـه طـوي

سدد الله قلمك

وبارك الله فيك تقبل مروري

 

 

 

 

مشكور وماقصرت الشميلاني موسى

ولاخلا ولاعدم

 

 

 

 

مشكور وماقصرت الشميلاني موسى

ولاخلا ولاعدم

 

 

 

 

مشكور وماقصرت

وصح لسانكـ

 

 

 

 

واقلط على دارٍ تعشق الغوص وتقدر العميـق
البحر موجه يصطفق وبفوجه لعنـة الثـوي
كم واحدٍ يوم انحـدر حـدر تحـدر للغميـق
انما جلب من نوهـا ولا علـى وجهـه دوي


الشميلاني موسى

شاعر متألق ومبدع

طوعت الكلمات لتكون دوواين من الأبداع الراقي

لك تحيتي وتقديري

 

 

 

 

غير الوفاء جود الكرم والسر في بيرٍ عميـق

كلما دنا دلوٍ تدلـدل بيـر واحبالـه طـوي

الله ياموسى ابداع وربي

بس ليتك منت معيد القوافي

عميق وغميق حنا يمكن يشفع لنا حداثه عهدنا بالقصيد بس انت وش يشفع لك ههههههه

تقبل مروري وتقديري

يسعدك ربي دنيا واخره

 

 

 

 

اشكركم اخواني على مروركم الجميل


كل الشكر اخوي رعد 0 العميق هو العميق ذات العمق

اما الغميق اقصد ذات العمق المؤدي للظلام




شكرا