ياغيث لاتشكي من الغيث ليه

ياغيث لاتشكي من الوقت ليه
قبلك جرالي من زماني بهاذيل

هذا الزمن ياغيث لارحم حيه
سوى بنا ياغيث كل الغرابيل

احدن على راسه غمامه وفيه
واحدن على راسه هموم ومواويل

نشكي على إللي عالمن بالخفيه
الواحد إللي مال غيره محاصيل

الواحد المعبود رب البريه
اللي حمى بيته بطير الابابيل

واشوف وضعي ماش والحال سيه
جرى عليه من المصايب تهاويل

ولا الزمن مابين هذي وذيه
هذا زمانك يالعقول المهابيل

والا انت توك دون ذنب وخطيه
يانسل روس الطيبين المشاكيل

ولاحدن ندبكم بأمكم والسميه
يوم العفون يكثرون الطهابيل

يوم أننا عند الشفى و ابرقية
سيقت فناجيلن وقصرت فناجيل

وراع الردى ماحاش غير الرديه
ماهو كفو للمدح والبن والهيل

الناس ماتنسى الاسى والاذيه
لو كان تنسى ابرهه راعي الفيل

منور العزاب