هذا القليل اللي وردناه ياحمود

هذاء القليب اللـي وردنـاه يـا حمـود
وهــذاك منزلـنـا ومـنـزل عـربـنـا

وهذا السماد و ماقـد النـار موجـود
وهـذاك مـنـزل بيتـنـا يــوم يبـنـى

قـدام بـيـض أيامـنـا تنقـلـب ســود
قـبـل خبـيـثـات السـنـيـن تحـربـنـا

يا مسندي ما ينفـع اللـوم يـا حمـود
علـى السنيـن الماضيـة لــو عتبـنـا

والله يـا لـولا هلـة الـدمـع منـقـود
لاشكـي زمـانٍ طيـب وقتـه عقبـنـا

وقت تخبره يوم أنا وأنـت يـا حمـود
يـا مـا ضحكنـا بـه ويـا مــا طربـنـا

يوم الغنم تسـرح بهـا نـوف وعنـود
مستانسيـن مــع طــوارف عربـنـا

مكيفيـن بونـسـة مــا لـهـا حــدود
لايــام تـالـي وقتـنـا مــا حسـبـنـا

كم جادل يـوم العـرب صـدر وورود
تـشـر لـنـا يــم الـوعـد و تهـزبـنـا

وياما وردنا صبح الأمطـار يـا حمـود
ويامـا ملينـا مــن الخـبـاري قربـنـا

بالصيف مع صفقات عمري ومحمود
نشره نجيب الكسـب لـو مـا كسبنـا

واليوم ما يسـرح لهـم ناعـم العـود
وش عاد لـو نرقـى الرجـوم وتعبنـا

رعيانهـم صـاروا بكسـتـان وهـنـود
قـلــب علـيـنـا وقـتـنــا وانقـلـبـنـا

الشيـب مـا يحتـاج تثبيـت وشـهـود
يـا حمـود عقـب شبـة العمـر شبنـا

(من كمل الستيـن لا يرجـي الـزود
غير السجود , وقـول يـا رب تبنـا )
الشاعر/عايد ضافي الضوي الجعفري العنزي رحمه الله

سر ياقلم وكتب لنا القاف ماكود
يوم (ابو ساجر )لطويله ندبنا

اللي يذكرنا على مرتع الذود
نعرف مضمون الهرج لو مانشدنا

هيهات هيهات الليالي لنا تعود
لا بد نلحق بالعجل من سبقنا

هذا كلامي عارفه مايبا شهود
لا بد مانرقد بداخل لحدنا

لاشك نرفع كفنا لخير معبود
الواحد اللي مال غيره سجدنا

المعذره. بختم انا القاف (ياسعود)
يارب يا معبود بالخير يارب زدنا
🖌
ضاحي ضيف الله العنزي