⚡⚡ الطيب دربه لهل الطيب جذاب ⚡⚡

الطيب دربه لهل الطيب جذاب
لوكان في مرقاه كود وصعابه

إنصارع الدنياءلو الوقت غلاب
والوقت ما يرجع بشيء غدابه

ناخذ ونعطي مع طويلين الاشناب
والحر يرقاء الكايده ما يهابه

ياما وقفنا في نحاء ظروف وصعاب
ويا ما قسانا الوقت وادماء بنابه

واللي يحد الناب بغياب الاصحاب
يمسي ويصبح مسترنه ثيابه

غرد على تويتر وسنبها سناب
المال حنا من يدينا ذهابه

نرقاء سنود الطيب مع كل من طاب
وخوينا نرفا خطاه وجنابه

خوينا نفتح لزلاته البابه
ولوهو من الأجناب يصبح قرابه

ومدام رزقي كافله رب الأرباب
علام ما بالكون منشئ سحابه

لا ضايق صدري ولا نيب مرتاب
والفقر والله ما حسبنا حسابه
#
شفاقه بن عقيل الغضوري