لوحمت بالدنيا محاوره قوية

لو حمت بالدنيا وشفت البشر كيف
شفت البشر اربع انواعٍ لها اشكال

فيهم قوي الباس فعله كما السيف
يقطع وريد العرق للدم شلال

وفيهم وسط يحوف روس المشاريف
ياغابو الشجعان يستربه الحال

وفيهم ضعيف الباس قريب مهاديف
(ماجاب) فودٍ لو ملك كثرة المال

وفيهم نذل يتعب على كسبة الحيف
(مسعاه) دايم بين ناقل ونقال

هذي عناوين البشر يالعواريف
صورتها بالقافيه عبر الامثال

سعود بن معزي العواجي
⭕⭕⭕⭕⭕⭕⭕
(ياسعود)وضع الناس خربان ومخيف
يامسندي والوضع ماهو على العال

كثرت علوم البهرجه والتزاييف
لوهي سعه(ياسعود)مامن فضى بال

تمرنا بعض السوالف سحب صيف
تبين فيها رجال وتغّيب رجال

ياماحلاء(ياسعود)بعض الصواديف
اللي اتبين لك رفيقك إذا مال

ماودنا لاشك ماهي على الكيف
الوقت كشّاف البلاوي إذا طال

والوقت حده سيف واشطر من السيف
وتطلع به ارجالٍ وتدفن به رجال

كم من رفيقن غاب عنّا ولاشيف
ماصار يسوى في لزومه ولاريال

اللي يلطف ساحت الحكي تلطيف
وسط المجالس دايمآ تقل دلاّل

يشين وجهه لا نصيته ولاضيف
ولاهو من اللي للثقيلات شيال

نايف بن نمران العواجي
⭕⭕⭕⭕⭕⭕⭕
(ياسعود)ياعذب النبا والسواليف
يالنادر اللي ماكره راس ماطال

يعالي الهمه بكل المواقيف
(يالوايلي) يمعرب الجدوالخال

شيخ" طويل ذراع لاصار تعنيف
حلحيل نقاض" وصنديد فتال

قولك صحيح ولايبي زود تعريف
تجارب" صارت ولابصدقها جدال

بين الرجال فروق بالكم الكيف
من خلقت الدنيا بها ابطال وانذال

يجي عليهم بالمثل دون تزييف
والفرق بالافعال ماهو بالازوال

شوف (الصقور) اوكارها بالمشاريف
عن الطمانه تعتلي عالي الجال

صعفوقة" فيها تهاوى الخطاطيف
في قمت" في حد شمس" من ظلال

كذا (الحرار) تحوم فوق الشفاشيف
والبوم يسكن بالخرايب والادغال

لاصار موقف فيه شده وتخويف
لاكبرت القالات تطلع لها رجال

ويقصر عن الطوله قريب المحاريف
الي بدل ميعول مفروض ينعال

عفن المهاجي مايتدرى من الحيف
ودك على وجهه يدوسون بنعال

ورجل" علومه بالمجالس تخاريف
ورجل" يشيلونه على حروت المال

ورجل" ردي عزوم مافيه تصريف
عند الحليله بالمواعين شغال

وعاشت رجال" للمعالي مواليف
كسابت الناموس في كل اللاحوال

بمجالس يصنع بها غالي الكيف
دايم مجالسهم بها بن ودلال

البن فوحه بالدلال المهاديف
والعود الازرق نفحته تطرب البال

مجالسن مالوثوها الملاقيف
جيابت النمه خبيثين الاعمال

وبعض المجالس ماعليهاتحاسيف
مجلس لجاجه مابه الا غثى بال
#
خليل مسفر الطلوحي
⭕⭕⭕⭕⭕⭕⭕⭕
من واقع( الدنيا) وعرف العواريف
ميزت انا فالبشر بعض الازوال

بعض العرب (ياسعود) كله سواليف
لا طايلٍ كلمه ولا طايل افعال

راع الحكاوي والهروج المصافيف
متصدر النشره على بث وارسال

وبعض (العرب) مطواع حلو النفانيف
ما يوفي الكيله ولا هو بمثقال

(ناس ٍ) تضحّك كنها لك مواليف
سود القلوب اللي بها حسد قتال

(وناسٍ) لاجاك من زمانك صواديف
حماية القاله وللحمل تشتال
#
عبدالمحسن الغضوري
⭕⭕⭕⭕⭕⭕⭕