حنا عنزه يفرح بنا كل شغموم

حنا(عنزه)من ماضي الوقت واليوم
ماغيرت بفعالنا طول الايام

حنا(عنزه)يفرح بنا كل شغموم
وعدونا من فعلنا شاف الاسقام

كذا خلقنا الله على دايم الدوم
فينا السطر فينا الحميا لها اعلام

رد الخبر للجاهل اللي غزى القوم
والله تجيه من السماء تقل مرزام

واللي حشمنا عندنا صار محشوم
عاداتنا نثني على الطيب بحكام

يوم انها بالشعر يذكر لها اعزوم
شهادةٍ من حاكم ٍ قالها وقام

شعر(عنزه) نحتٍ على الصخر مرسوم
شهادةٍ تدعي هل الشعر صوام

(عبدالله)اللي قالها واثبت علوم
(ابن الرشيد)اللي تحاشاه الاخصام

وشعّارنا ماترتجل كل مثلوم
وحيدهم يكفي عن العشر مقدام

واليوم صار الشعب بالعز محكوم
والله يديم الامن في ظل حكام

(ال السعود)معدلة كل منجوم
في ضل (سلمان)الفخر عزنا دام


سعود معزي العواجي