دية محمدالكفش الفدعاني العنزي

انكان يالفدعان باقي لكم حوم
اردوعلى هداج ورد الضوامي

اسقو بها لضامي لايلحقك لاوم
ترى وراه السيف وحكم قامي

ون ما وردت الجم عليك مثلوم
تنقص مقام مثورين العسامي

من عقب ماهم مزبن لكل مضيوم
صارنا على حفه لجرفن هدامي

تكفون يالفدعان تكفون يالروم
لا تد فنون امجاد كم بالعدامي

هذا قدرنا وقسمنا اليوم مقسوم
شكواي لله والشتكيله واقومي
:
ابو نوف عسكر الكفش

 

 

 

 

نبي نشوف اسماء وارقام وكشوف
ونبي فعايل يالحرار العريبه

والا الثناء والمدح مبطي ومعروف
شيبانكم حازوه من دون ريبه

الكفش بلحاكم عن الهون والخوف
فكو محمد يا خزام المصيبه

ترى الزمن دوار والجهد مخلوف
الطيب يبقى والرديه معيبه

مشعل الجدعان

 

 

 

 

اربع شهور نتخي بعالي الصوت
تسمع نخاوينا ولامن فوايد

ياهل ترى قلوبنا دبها الموت
والا على ماقيل صارت حدايد
ناصرالدبيس

 

 

 

 

قوافل الويلان جتكم تتالاء .
يسوقها الويلان لمحمد الكفش ..

بظهورها بس الجؤاهر تلالاء .
ماحملوها اقراش واهدوم مع عفش ..

يسوقها الي يرخصون الحلالاء .
ماساقها قبيض اولاساقها دفش ..

لافي مسند الضحيان السلمي .

 

 

 

 

شاكره لك كل الشكر لجهودك الله بفك اسره ويعوده لاهله
يعطيك ربي الف عافيه
لك ودي واحترامي

 

 

 

 

ينخاكم اللي من ورى القيد مسجون
فورة غضب و ابليس ملعون جدّه ...

مكتوب و مقدّر على الخلق تدرون ..
و قدر البنادم لا حضر من يردّه ....

و اهل ولي الدم عشرين مليون .....
و الشرع يالأجواد أعطاه مدّه ......

و يالابتي للعسر ننخى و تكفووون
كل ذيب لا يبخل بـ طيبه و مَدّه ...

ياللي بميادين الوغى ما تراخون
و انتم هلَ الوقفات و أهلَ الأشِدّه

وترى العفو يافريج عن ما تمدّون
في حقّ ابن عمك ثواب و مودّه ..

تغنمْ بها ناموس فيما يقولون ....
و اللي حصل يافريج صعبن تردّه



حمدان بن ربيّع المطرفي العنزي

 

 

 

 

يا محمد راشد يا ابونيان
شيخن على الطيب مزهافي

انشهد انك صقر حوران
طلعك سما منت متها في

الطيب وهبه من الرحمان
وفيت يالو ايلي وافي

شا كتة في حملة الفدعان
عتق الرقبه واجرها ضعافي

نرفع لك الشكر والعرفان
والطيب لطيب ينضا في

يا محمد راشد يا بونيان
شيخن على اليب مز هافي
بو نوف عسكر الكفش

 

 

 

 

وشلون لو حنا بعيدين واجناب
هذا وحنا يالرفاقه بني عم

وين التلاحم والتكاتف والانساب
وين العروق الي بها جاري الدم

اليا تفككنا على غير ما طاب
من يستر الخملات باليوم الاعتم

من يسند المعثور يا عز الاصحاب
ومن يرفع الادنين عن موقع الذم

الوقت هذا الوقت شيب ولا شاب
اليا دحرنا هم يزمي لنا هم

واليوم ذودو عن بعضكم يالاقراب
لا يفرح الشمات فيكم ويغنم


#فهد حربي