(مجاره )

الخوه الي دون حشمة وتقدير
أبعد وخلك سالٍم من غثاها

هذا هوايا دون شرحٍ وتبرير
بابيات يفهمها لبيبٍ قراها

ياما تكبدت العناء والمخاسير
من شان ناس ماعرفنا هواها

سعود بن معزي العواجي

⭕⭕⭕⭕⭕⭕⭕

(ياسعود) ياراع الدلال المباهير
يابن الرجال اللي عزيزاً نباها

صدقت فيما قلت واوجزت تقرير
بالخوة اللي ماش في محتواها

الخوة اللي بس شراً بلا خير
ماهي بخوة يالسنافي بلاها

بدلهم بخوة رجالاً مناعير
خوة رجالاً تنعرف في وفاها

الحر يكفخ والحباري مخامير
ونار المعزة تنعرف من سناها

عبدالله سعود الفياض

⭕⭕⭕⭕⭕⭕⭕⭕

(ياسعود) يانسل الرجال المشاهير
الي على العدوان تضفي خطاها

يالحر يالوافي طويل الاشابير
الي مثل شرواك فيه انتباها

يامزبن العاني وريف المسايير
عداتك الجزله وتتعب وراها

والخوه الي من دلاخه بتقصير
مالك بها يعل يظلم سماها

عليك بمخاوا النشاما المغاوير
رجال المعالي لاتخاوي سواها

الي لهم بالمعضله وقفت" غير
مثل الجبال الي يذري ذراها

خليل مسفر الطلوحي

⭕⭕⭕⭕⭕⭕

عجبت في قافن بدوه الشواعير
وجاريت مع مضمونها ومعناها

ياهل المعرفه ماتخون التعابير
مدامت الطبخه على قد ماها

افطن ترا الخوة لها ميزتن غير
عند الرجال اللي اينومس وفاها

والبعض طشه طشة الدلو بالبير
في غبتن هفت امقيط اورشاها

نصيحتن ﻻهل الوجيه المسافير
يسعد لباليها ويسعد مساها

سلطان المفضي الضوي

⭕⭕⭕⭕⭕⭕⭕

(ياسعود) دنيا فانيه مابها خير
من عاش فيها ذاق مر وحلاها

وخوة قليل الفود للعمر تقصير
والطيبه نتعب ونشفق علاها

والا انت رجلن لك معزه وتوقير
عند الرجال الي بعيدا مداها

محمد بن لافي العواجي

⭕⭕⭕⭕⭕⭕⭕

(ياسعود) قافك عطر السمع تعطير
ابيوت حكمة عالين مستواها

من تجربه ماهي دعايه وتزوير
حقايقن مافيه عارف نفاها

متضجرٍ من معفنين الدناقير
على الردى شبت وشابت ألحاها

والوباردي توجد علامة له تشير
محدٍ توهم بالعفون وغثاها

عطالله صالح الضوي

⭕⭕⭕⭕⭕⭕

الخوة اللي غير في دهنت السير
خوة مصالح خيب الله جداها

عباد مال و حبهم للدنانير
نمونة(ن) لابد تكشف مداها


وللفعل مجد وللحقايق جماهير
والمرجله سندى على اللي رقاها


(ياسعود) للدعوى ورود مصادير
يتعب على الطولات شبلا"هواها


والاانت وافي يازبون المخاسير
هقوتك فوق اللي بشخصك هقاها

الله يجيرك من صدوف المقادير
ركايبك للطيب عجله خطاها

من روس ربعا"ينطحون الطوابير
لاهاجة الهيجاء ودارت رحاها

(جعافره )لازغردن الغنادير
كم ديرة (ن)شرهوا على حلو ماها

كاتب ابن عريفج اليمني

⭕⭕⭕⭕⭕⭕

حي الله اللي صور القاف تصوير
في شاعرن جزل المعاني بناها

(يا سعود) يانسل الرجال المشاهير
من روس قومن بالمواقف وفاها

نسل (العواجي )محتمين المظاهير
روس الرجال اللي يشرف نباها

جتني بيوته مثل وبل الشخاتير
سحابتن بالشعر يرعد سماها

بعض البشر يحتاج نبذه وتقرير
عن واقعن بالناس يعرف خفاها

اللي على الفزعه يسوق التباشير
خويك اللي وقفته لا احتماها

واللي على الشده حباله مقاصير
اسحب على شرواه لامن بداها

(ياسعود) يامشكاي من كل تعبير
الناس نتعب مالحقنا هواها

عبدالله رجاء السهلي الجعفري

⭕⭕⭕⭕⭕⭕⭕⭕

الفيضه اللي المثقله بالنواوير
كل ن يخايلها وكل ن بغاها

لكنها تعشق رجال ن مناعير
اللي عن اسيوف الهبوب اتحماها

كم واحدن ميل على جالها عصير
واهرش منها المرتكي ماعطاها

وشرواك مثل (اكليب) و(عقاب) و(الزير)
اللي حموها طويرها مع قطاها

علي بن شحاذه الضوي

⭕⭕⭕⭕⭕⭕⭕

(ياسعود) ياريف الخوي والمسايير ..
من لابتن بالسيف ترهب اعداها

حمايتن بالكون تال المظاهير ..
وان صيح الصياح يسمع نداها

خاوا الرجال الطيبين المناعير ..
اشخوص الرجال اللي ينومس لقاها

العاقلين الصاملين الصقاقير .
العارفين بطيبها من رداها .

زمل التخوت اللي تشيل المخاسير ..
النار تجبس من لهايب لظاها .

ببيوتهم تلقى النشاما دواوير ...
مجالسن ما ملها من وتاها .

سوالفن يذكر بها طاري الخير .
وعلوم بدو (ن) ما تغير لغاها

وابعد عن الانذال روس الخواوير
اللي عن الطولات تقصر لحاها

اللى مع الخفرات دايم حواضير ..
عفون الرجال الهافين مستواها .

'- بقلم . مفضي الطلوحي .----'''''''''
⭕⭕⭕⭕⭕⭕⭕

(يااااسعود) ياااامخاويا لسالم الزير
وهي خوة اااالطيب سعيدا لقاهاااا

ياااابن (معزي) يااااعزيز المشااااهير
خل اااالردي مع خوته ماااااتباهااا.

انت (اااالعواجي) و(العواجي) ابتقدير
نفسك عزيزه واااااالمحبه معاااهااا

(ياااااسعود) هو ربك ولي المقااااادير
الله خلق هاااالناس مع مستواااهااا

نهير بن محمد ااااالدهمشي

⭕⭕⭕⭕⭕⭕

يالله يامنش السحايب مزابير
وتروي بها قاعن تبين ضماها

ويالله طلبتك ياولي المقادير
ترحم بروحن زاد فيها عناها


(ياسعود) ياشبل الرجال المساطير
ويبن (العواجي) لاتبيح خفاها

انتم زحول المجد وروس المشاهير
اترك عفون الخلق في مستواها

(((حمدان الذرب )))
⭕⭕⭕⭕⭕⭕⭕

الخوة اللي ترفع الراس يامير
تشرى لو انه غاليٍ مشتراها

شرواك ياراس الرجال المشاهير
من روس ناسٍ عاليٍ مستواها

يطلع على العليا كما يطلع الطير
حرٍّ طويلات المعالي رقاها

الطيب عندك يابعيد التفاكير
ماهو غريبٍ فيك ناسٍ تباها

على طريق أهل العلا واصل السير
ترى النجوم العالية في سماها

راضي جفين الضوي
⭕⭕⭕⭕⭕⭕

(ياسعود) قافك صور الوضع تصوير
في مبتدى القصه وفي منتهاها

الرفقه الي مابها خير للغير
ارفع مقامك لا يساير احماها

جلسة شفا يلفك البرد بعصير
اخير من جلسه بلاها غثاها

وفي راس مرقابن تنافس به الطير
ومدة نظرك وديرته ماحلاها

ومدة نظرك بصحصحن به نواوير
متعانقن فيه النفل وقحواها

وبعد عن الي به تناشه وتزمير
هذا هوا نفسي وهذا امناها

منزل مطيران الطلوحي
⭕⭕⭕⭕⭕⭕

(ياسعود) ماضل للحنايا معاذير
والنار يكفي نورها عن سناها

يانسل حرن مايهاب المخاسير
يمناه في جزل العطا ماثناها

(ياسعود)هذي خوتن مابها خير
اللي تعبت لشوفها وامعناها

تجارب الدنيا ظروف ومقادير
والفايز اللي عشرته مافناها

(ياسعود) جينا والقصايد طوابير
ياللي حروفك مابنا ما ثناها

ياللي نظمت القافية والتعابير
يتعب لروس الطايله ويعناها

مرقاه روس الطايلات المزابير
اللي يشوم بهقوته ما حناها

خالد الركعان
⭕⭕⭕⭕⭕⭕
ياتاج راس المرجله والمناعير
الناس ما تنقاس في مستواها

ي الشيخ بعض الناس مايملك المير
واطيب من اللي بالدراهم تباها

والخوه اللي لا تقدر ولا تشير
ما أنته بملزوم ن تتبّع إخطاها

سفير قبيلة الشرارات
جاسر غضيان الشراري
⭕⭕⭕⭕⭕⭕⭕
(ياسعود) قولك صح يابن المناعير
يابن الرجال اللي يذري ذراها

ياجعل خوة بعض الأصناف ماتصير
يالله عسها ماتجي ياعساها
ابن دبلان

 

 

 

 

سعود معزي
شاكره لك كل الشكر لروعة موضوعك وجماله
يعطيك ربي الف عافيه
لك ودي واحترامي