سريت صوب الشمال موجهٍ يمه
صوبه سرقني خيالي والعرب شرقاء
من سبة اللي سطا وسط الحشا همه
احرقني الوجد والوجدان له حرقاء
ومن لامني ياجعل ماصابني خمه
انا اشهد انه عفي الوجد والفرقاء
ماصابه الي دهاء حالي ولاسمه
عز الله انه غشيم ولاعشق طرقاء
الشاعر :-
سعود معزي العواجي
⭕⭕⭕⭕⭕⭕⭕⭕
((ابو ساجر)) خياله قام بمهمه
والله مالومه لو انه احترق حرقاء
مهمة غرامٍ تخصه وتجري بدمه
ينوح طول الليل ويجاوب الورقاء
يالله تلم الشمل يالله تلمه
جعل العدو ينعثر وحضكم يرقى
((ياسعود ))بعض الاوادم مالها ذمه
اللي على نيته تدرقه درقاء
الاديب والشاعر:-
عيد بن راشد ابن كليتا الصقري
⭕⭕⭕⭕⭕⭕⭕⭕
((ياسعود)) دام السنافي يصعد القمه
أنت السنافي مثل شرواك من يرقا
تسري حمياه بعروقه ومن دمه
يوم الردي نفسه عن الطايله غرقا
هداج بيرن تغرف الناس من جمه
يوم العطش جارينبه والسما زرقا
والحب دامه ماتعود على الذمه
ولايسهر الليل كود ملايع الورقا
((ياسعود))لاتنحرج سم الغضي سمه
أن كانها بروق والا أن قلت من برقا
اقنص ودونك ذرا الويلان ملتمه
في مخلبك صيدتك لا ماهي بسرقا
الشاعر :-
خالد بن علي الركعان الضوي
⭕⭕⭕⭕⭕
لولا طعون الغلاوالوجد والهمه
ماكان ناحت على غصن الشجر ورقا
روابع الوجد للعشاق ملتمه
دايم على سكة دروب الهوى ترقا
بحرالهوى كل عاشق هام في يمه
وياكثر ناس وسط بحرالهوى غرقا
مالوم جرح المشقى لونزف دمه
ياشين هم الوداع ومقشر الفرقا
الشاعر :-
كاتب خلف ابن عريفج اليمني
⭕⭕⭕⭕⭕⭕⭕⭕
((يا سعود ))يفداك راعي الهيف والنمه
تشكي من اللي على كبود العرب عرقا
قيس الملوح دهاه من الهوى مطمه
عزف عن الزاد ما ذاقه ولا ترقا
ياما تمنى صحيبه لو حصل ضمه
ياما وياما على ديار الغضي طرقا
ما ينفعه صاحبه ولا ولد عمه
يلزم مثل هاني اللي زبن الحرقا
الاديب والراوي والشاعر :-
عبدالله ابن دهيمش ابن عبار
⭕⭕⭕⭕⭕⭕⭕⭕
((ياسعود))منهو يلومك تفقده امه
والا بيمن امواجه تغرقه غرقاء
اليا وصلت الشمال اوصيك بالذمه
سلم عليها جنوب الدار والشرقاء
دارن غلاها بوسط القلب انا اضمه
يازين خط الشمال بحزة الطرقاء
فيها تربيت واعشقها الى القمه
لاشفتها ينشرح بالي من الغماء
الشاعر :-
ابو بشاير الصقري
⭕⭕⭕⭕⭕⭕⭕
((ياسعود)) ((ياسعود)) انا في ذمتي ذمه
أن المراجل تسم الحال بطرقاء
جتني ابيوتهن تهيض خاطر الهمه
وسقت القوافي على منظومها ترقاء
الي بغاها لازومن يكرب العمه
ويسوق نفسه لها باليل لوسرقاء
والي سعاء للغلاء والود من يمه
اماكسبها غلاء والإعلان الفرقاء
الشاعر :-
عبدالكريم بن خلف الجبوري العنزي
⭕⭕⭕⭕⭕⭕⭕
الإهداءات
25-07-2017, 05:14 PM
محاوره رائعه
العرض العادي
