فدعان من ويلان

فدعان من ويلان والصيت معلوم.
في صفحت التاريخ حنا نذكرنا.

تاريخنا معروف مايقبل السوم.
طيب وحميا وجاه هذا قدرنا.

واليا نتخينا للفزع ندحر القوم.
حزنا وسام المرجلة من ضفرنا.

ندحم عليها مانعرف الدنى يوم.
تعرف شقاميم الوغى في سطرنا.

صغيرنا ممرور يا قالو الروم.
نصفق صفيق الزمل يامن هدرنا.

حريبنا تلفاه كوابيس وحلوم.
ماشاف لذ النوم سبة خطرنا.

منا الزعيم دهام ودهام زيزوم.
مسواط بقعة باالمراجل فخرنا.

ومنا الامير يالفت ساعة الشوم.
راعي الحيزاا عزنا يافتخرنا.

وياروحت لطيب تاريخ وعلوم.
لضيف والمحتاج مدت اسفرنا.

كلمة شهيره فخرنا دايم الدوم.
العشاا ياجيعان فيها اشتهرنا.

اهل العطية والعطايا لنا اسلوم.
بعطية ابن غبين امثال صرنا.

حمر النواضر مجدنا فوق القيوم.
في قمة الامجاد ساطع قمرنا.


ابو خالد الفدعاني