من لبس عيونه_سليمان المانع

مـن لبّس عيـونه ظـلام المـدينه؟
وهـو الفضـول بنظرته مالها أبعاد



يغــوص بأوراق السنين الحــزينه
وميعاد يولـد كـل مامـات ميعاد



بعثـر على درب الامــاني سـنينه
تضحـك عليه بـلاد ويلوذ ببلاد



ليــا ظمت ذكراه ..يمطــر حنينه
وتغـرق ملامحهم ولاينقص عنـاد



وين الامــل..وين السعـادة ووينه؟
يقـوده الوقت الرمـادي وينقـاد



تــلطخت في دم شعــره يـدينه
وصـار الزمن شاهد وقاضي وجلاّد



قابـل بشين العمــر من دون زينه
وهو الذي في مـاضي الوقت زهّـاد



اعشـوشب ظــلال المـدينه بعينه
علمه بشمسه (تسـع) والباقي مهاد



يـلمس علـى الخـلوه بقايـا سنينه
ويــدلي على بير الهـواجيس ورّاد



تنسـل من ضـلوعـه أغـاني دفينه
تقـرا بعيونه..شايبٍ يندب أمجـاد



يحــق النظـر يرفـع بعـزّه جبينه
ويشــوف بكـره مثقلاله بميـلاد



ترجـع لــوجهه ..طـلته ياسمينـه
وترقـص على صدره مشاهير وأجياد



يفتــح عيـونه ماتحــدّه مـدينه
يرســم من الاول لنظراته..أبعـاد

 

 

 

 

محمد عبد رمثان

شاكر لك جميل النقل وصح لسان الشاعر الكبير

سليمان المانع ....قصيده رائعه


لك تحيتي وتقديري

 

 

 

 

محمد عبد رمثان..
شاكره لك كل الشكر لطرحك اخوي
يعطيك العافيه
لك ودي واحترامي..

 

 

 

 

بدر الشمال


كل الشكر على المرور الجميل دمت بخير

 

 

 

 

سحر الغرام


كل الشكر على المرور الجميل دمت بخير