أتحدى لعابك مايسيل ؟ ادخل وشوف ؟

11-11-2008, 11:56 AM

بسم الله الرحمن الرحيم

تخيل نفسك انت مع اعز اصدقائك ويوم اربعاء بعد الظهر ومعاكم ددسن حوض او جيب شاص

ومحملين اغراضكم وطالعين الى روضة نوره او روضة خريم ومعاكم عدتكم كامله (( عزبتكم ))

ومنقية القهوه والشاهي. والخروف بظهر الموتر ومغير تسمعه يقول امباع امباع يستنجد

بالدفاع المدني يفكه من اصياخ الشوي

المهم وصلتم الي البر وشفتم الروضه كنها استاد رياضي من الاخضرار

شوي يصيح عليك خويك فلان ياولد هنا نخيم احسن يجيك الثاني يقول لا شوي قدام احسن

ثم تنصبون خيمتكم عمود واحد تدري ليش عمود واحد علشان تدفون بالليل لان الجو بارد والخيمه الكبيره ماتدفيكم

المهم شوي الا خويكم فلان الثاني يوم مسك الخروف وتم أعدامه بالطريقه الشماليه

شوي الا اللحم مقطع وجاهز ... وخويكم الثالث مجهز الفحم.. وحاطين الصاج على النار

ومغير تسمعون شطشطة الشحم واللحم وتقطعون البصيلات وتحطونها مع اللحم والفلفل المتوسط الحراره

ثم يجي واحد من العيال يقول تكفون نبي الكبده فطور بكره نص استواء مع الكلاوي

والقلب يم يم يم شي جونان ثم تصخنون الخبزات على الصاج ويصير معها شوي دهن

شوي الا الشاي جاهز والحليب بجنبه الكلام هذا عشاء الاربعاء ثم تعشيتم بالعافيه

ثم طقة بلوت لمدة ساعه شوي الا واحد من الشباب ياعيال نجرررررررررررررررربع

قالو الجميع (( قدااااااام )) يعني تم

ثم تعرفون عاد انواع الضحك بالجربعه وسوالف العيال ماتنمل

ثم امساكم الليل ويوم اصبحتم على زئزئة حط خط تحتها ههههه العصافير

الا وخويكم فلان من النجمه مزين القهوه وريحة هيلها والعويدي صحتكم من النوم

شوي تقهويتم كلكم الا خويكم فلان الدوب باقي نايم لانه دوب راعي نوم

ثم اشرقت الشمس والجمريه جاهزه وحطيتو بعض الحم الي مقطعينه من البارح

مع شوية دهن الا وريحة المقلقل يوم صحى منها الدوب الي ناااايم

الا يوم افطر الجميع ثم ركبتو الجيب وطلعتو تتمشون الين جاء وقت الغداء

الا والكبسه على الكاتم جاهزه على كيف كيفك

ثم تغديتو بالعافيه واخذتو قيلوله لمدة ساعه ثم امساكم الليل الثاني بعد التمشيه بالعصريات والهجوله ؟

وكملتو باقي اللحم الموجود مع شوية بصلات

ورز المضياف او باب الهند ؟ شي صح ثم تعشيتو وطقة بلوت مع بيالة شاهي

بياله دوسريه يعني ثقيله ثم هذيك السهره المميزه المليئه بالضحك والهستره الحميده ههههههههه

وانواع الاسرار القديمه والعلاقات (( ..... )) ويالله الين الساعه 3 فجرا

ثم اخذتو لكم غطه الين صلاة الفجر صليتو

ثم افطرتم وشديتم رحالكم وعزبتكم وصوب الرياااااااض دعستم .

(( تحياتي للجميع هذه القصه من بنات افكاري وحقوق النشر محفوظه لمنتدى الشميلات ))

نشوفكم على خير ودمتم بصحه وسلامه.

11-11-2008, 09:49 PM

ثم افطرتم وشديتم رحالكم وعزبتكم وصوب الرياااااااض دعستم

خربت الجوو .. انا وين أبي لرياض ههههههههههه

لو أنت قايل للخفجي .. كان زان جوي خخخخ

يعطيك العافيه

12-11-2008, 04:47 PM

باقي الملح ياشباب اخذوه معاكم

واسطوانة الغاز وانتبهو من حماية الحياه الفطريه

لايصيدونكم صيد الحمامه .

11-11-2008, 11:56 AM	#1
تاريخ التسجيل: Oct 2008 المشاركات: 238	أتحدى لعابك مايسيل ؟ ادخل وشوف ؟ بسم الله الرحمن الرحيم تخيل نفسك انت مع اعز اصدقائك ويوم اربعاء بعد الظهر ومعاكم ددسن حوض او جيب شاص ومحملين اغراضكم وطالعين الى روضة نوره او روضة خريم ومعاكم عدتكم كامله (( عزبتكم )) ومنقية القهوه والشاهي. والخروف بظهر الموتر ومغير تسمعه يقول امباع امباع يستنجد بالدفاع المدني يفكه من اصياخ الشوي المهم وصلتم الي البر وشفتم الروضه كنها استاد رياضي من الاخضرار شوي يصيح عليك خويك فلان ياولد هنا نخيم احسن يجيك الثاني يقول لا شوي قدام احسن ثم تنصبون خيمتكم عمود واحد تدري ليش عمود واحد علشان تدفون بالليل لان الجو بارد والخيمه الكبيره ماتدفيكم المهم شوي الا خويكم فلان الثاني يوم مسك الخروف وتم أعدامه بالطريقه الشماليه شوي الا اللحم مقطع وجاهز ... وخويكم الثالث مجهز الفحم.. وحاطين الصاج على النار ومغير تسمعون شطشطة الشحم واللحم وتقطعون البصيلات وتحطونها مع اللحم والفلفل المتوسط الحراره ثم يجي واحد من العيال يقول تكفون نبي الكبده فطور بكره نص استواء مع الكلاوي والقلب يم يم يم شي جونان ثم تصخنون الخبزات على الصاج ويصير معها شوي دهن شوي الا الشاي جاهز والحليب بجنبه الكلام هذا عشاء الاربعاء ثم تعشيتم بالعافيه ثم طقة بلوت لمدة ساعه شوي الا واحد من الشباب ياعيال نجرررررررررررررررربع قالو الجميع (( قدااااااام )) يعني تم ثم تعرفون عاد انواع الضحك بالجربعه وسوالف العيال ماتنمل ثم امساكم الليل ويوم اصبحتم على زئزئة حط خط تحتها ههههه العصافير الا وخويكم فلان من النجمه مزين القهوه وريحة هيلها والعويدي صحتكم من النوم شوي تقهويتم كلكم الا خويكم فلان الدوب باقي نايم لانه دوب راعي نوم ثم اشرقت الشمس والجمريه جاهزه وحطيتو بعض الحم الي مقطعينه من البارح مع شوية دهن الا وريحة المقلقل يوم صحى منها الدوب الي ناااايم الا يوم افطر الجميع ثم ركبتو الجيب وطلعتو تتمشون الين جاء وقت الغداء الا والكبسه على الكاتم جاهزه على كيف كيفك ثم تغديتو بالعافيه واخذتو قيلوله لمدة ساعه ثم امساكم الليل الثاني بعد التمشيه بالعصريات والهجوله ؟ وكملتو باقي اللحم الموجود مع شوية بصلات ورز المضياف او باب الهند ؟ شي صح ثم تعشيتو وطقة بلوت مع بيالة شاهي بياله دوسريه يعني ثقيله ثم هذيك السهره المميزه المليئه بالضحك والهستره الحميده ههههههههه وانواع الاسرار القديمه والعلاقات (( ..... )) ويالله الين الساعه 3 فجرا ثم اخذتو لكم غطه الين صلاة الفجر صليتو ثم افطرتم وشديتم رحالكم وعزبتكم وصوب الرياااااااض دعستم . (( تحياتي للجميع هذه القصه من بنات افكاري وحقوق النشر محفوظه لمنتدى الشميلات )) نشوفكم على خير ودمتم بصحه وسلامه.

11-11-2008, 09:49 PM	#2
تاريخ التسجيل: Aug 2008 الدولة: الخفجي المشاركات: 1,382	رد: أتحدى لعابك مايسيل ؟ ادخل وشوف ؟ ثم افطرتم وشديتم رحالكم وعزبتكم وصوب الرياااااااض دعستم خربت الجوو .. انا وين أبي لرياض ههههههههههه لو أنت قايل للخفجي .. كان زان جوي خخخخ يعطيك العافيه __________________

12-11-2008, 04:47 PM	#3
تاريخ التسجيل: Nov 2008 المشاركات: 32	رد: أتحدى لعابك مايسيل ؟ ادخل وشوف ؟ باقي الملح ياشباب اخذوه معاكم واسطوانة الغاز وانتبهو من حماية الحياه الفطريه لايصيدونكم صيد الحمامه .

الإهداءات