كـم واحـد قـد ذاق مـر التفاريـق

خذ من سعه لياك تاخذ مـن الضيـق = ماضاقـت الدنيـا الوسيعـه باهلهـا

يرضيك ما يرضي جميـع المخاليـق = اللـي يجـازي كـل نفـس بعملهـا

سـج القـدم والله عليـه التوافـيـق = واليـا جفتـك الــدار دور بدلـهـا

الصبـر مفتـاح الفـرج للمطالـيـق = ونفـس تعـدى حدهـا مـن جهلهـا

كـم واحـد قـد ذاق مـر التفاريـق = وعقب الرضا نفسـه تزايـد زعلهـا

عليه مالت غـرب عقـب التشاريـق = وحتى ايش لو مالت على الله عدلهـا

محد يلوم اهـل القلـوب المشافيـق = الرجل تركـض ليـن يوقـف اجلهـا

الحب هو سـاس الشقـا للعشاشيـق = والنـاس بالايـام يـاطـول املـهـا

من ذاق عشـرة لابسـات العشاريـق = ما طاعتـه نفسـه لـو انـه عذلهـا

الحب كايد والهـوى ييبـس الريـق = واهـل التغـزل لاهيـه فـي غزلهـا

تتل قلبـي مـن سخـاف المعاليـق = تلة دلـي اللـي حيـا مـن رسلهـا

والمـا بعيـد بقاعـة ام الزرانـيـق = والقلـب لحـم ودم كيـف احتملهـا

قمنا علـى علـم وعهـود ومواثيـق = مـا نختلـف وارزاقنـا الله كفلـهـا

راع الهـوى بالليـل نومـه تخافيـق = دارً رحــل منـهـا ودارً نـزلـهـا

ترى الهوى قتـّّال مـا فيـه تفريـق = ياكـم قتـل نفـسً ونفـسً عزلهـا

وأصل السبب من هرج بعض المطافيق = اللـي يديـه مـن المـروه غسلهـا

اهل الركاب اللـي تلـف الطواريـق = وتفتش اسـرار العـرب وتختلهـا

لاهـم بخيـالـه ولاهــم تفاقـيـق = اتــدّّّور الـغـرات والله فشـلـهـا

علمي بهـا غربي جبـالً شواهيـق = فـي روضـة تـوه يفـرخ حجلهـا

روضه تضاحـك بالزهـر والزماليـق = يجـذب مسافـة يـوم ريحـة نفلهـا

 

 

 

 

الشميلاني..

شاكره لك كل الشكر لروعة طرحك
الله عليييك وعلى ذوقك
تملك ذاائقه شعريه جميله
اشكرك من كل الاعماق على الاختيار الرائع
وصح السان الشاعر
يعطيك ربي العافيه
لك ودي واحترامي..

 

 

 

 

سحر الغرام
مشكوره اختي لمرورك
وردك الطيب

دمتي بعافيه

 

 

 

 

رووووووووعه ماشاءالله
ابداع مستمر يالغلآ
تقبل مروري وردي على متصفحك.

 

 

 

 

علمي بهـا غربي جبـالً شواهيـق = فـي روضـة تـوه يفـرخ حجلهـا

روضه تضاحـك بالزهـر والزماليـق = يجـذب مسافـة يـوم ريحـة نفلهـا
الأخ الشميلاني
رائع كروعة البيتين
سلمت على هذا الطرح الوافي
وتقبل مروري وتحياتي

 

 

 

 

مشكور اخوي
ع الطرح الاكثر
من روووعه
تسلم لنا
دوووم الانامل

 

 

 

 

اسعدني وسرني تواجدكم وردودكم الطيبه

بطيب ونقاء قلوبكم دمتم بعافيه