مرثيــة الشاب فايزعبدالله العبيسي في اخوه فايز الراوي العبيسي رحمه الله تعالى...

يا شين بعض اصدوف الأيام شيناه= أكبر على الرجّال من هد بيته
من يوم قالوا شف رفيقك دفناه =شربت همّ الفاجعه وإرتويته
الموت حق ولكن الموت فرقاه =يا ليتني هاك الخبر ما قريته
ما مات ابن راوي وهاذي سجاياه =الحلم والمعروف عزه وصيته
مات الصخى والطيب والعز والجاه= مات الشرف والقمّه اللي بنيته
في ذمتي ما جابن البيض حلياه = يا طيب ميقاف الرجل لا نصيته
بعض العرب لا مات في يوم تنساه= وألا بعضهم تلحقه ما نسيته
يا رب خفف هم قلبي وبلواه = يوم إرتكم بين الضلوع وكنَيته
لا واعذاب القلب لا حل طرياه = وألا دخلت المنتدى ما لقيته
ما عاد للبيطار يازيد مشهاه = أنشهد إن البعد حل ونويته
من يوم عنه القرم قفّت مطاياه =حبلي عقب فرقاه شفني طويته
الحزن موجعني وهاذي سواياه= حزنٍ على غير الولي ما شكيته
أركى على قلبي وكبدي كواياه =لين إنتهى صبري وطحت وبكيته
واللي محابيل المنايا تعداه = تجيه وتكدّر حلاوة مبيته
يارب ياللي كلنا نطلب إرضاه = إلطف بفايز يوم عندك خذيته

 

 

 

 

فايز

صح الله لسانك على هذه القصيده المعبره

والتي اعتبر كل بيت منها قصيده

رحم الله فايز واسكنه فسيح جناته

رحم الله امواتنا واموات المسلمين

لك تحيتي وتقديري

 

 

 

 

مشكور اخوي بدر ويعطيك الف عافيه

 

 

 

 

صح لسانك اخوي فايز
قصيده معبره عما يجول بداخلك من حزن واسى لفراق انسان عزيز

تقبل ردي

 

 

 

 

الله يرررررررررررحمه ويغفره يااارب ويسسسسسكنه فسيح جناته

فااااااايز صح لسااانك وتسلم يمينك "

 

 

 

 

مشكور اخوي الساهر واختي شموخ