مرثية الشيخ / ثامر المهيد للشاعر خلف المشعان

ضلعين من صدر عنزه مابينهم وقت ٍ زهيد >> جديد خلف المشعان

الشاعر خلف المشعان يرثي الشيخ / ثامر بن النوري المهيد
البارحه ياطولها / عندي من / الحزن الاكيد
................................... واليوم مثل البارحه .. عند القبايل كلها
عقب الفجيعه / بالعضيد اليوم .. نفجع بالعقيد
............................ الحزن جيشٍ من بعد ( غازي ) ( بثامر ) صلها
ضلعين من صدر عنزه مابينهم وقت ٍ زهيد
.................................. من خيرة سيوف العرب يوم السيوف تسلها
الموقف اكبر من ( رثا ) كفكف دموعك ياقصيد
.................... ......... ان كان بك دمعة حزن / بيني وبينك خـــــلهــا
مابيك تفقد سطوتك قدامهم خلك شديد
............................ احزم ضلوعك / وافهق العبرات .. لاتفطن لها
ان ظل فكرك منشغل فيها مع الزفره تزيد
................................. الين ترقى للجفون ... وتنحشر .. وتهلها
ماهو بهذا وقتها ياصاحب الراي السديد
............................ ربعك تحرى ...... وقفتك باليوم .... هذا .قلها :
الشيخ ثامر مارحل بقلوبنا عمره مديد
..................................... مابه مساحة بالقلوب الا وهو محـــتلها
رد المنايا / ليتها ديرة .. وتذكر من بعيد
................................... ربعك (( يبوجون الديار )) الين ماتاصلها
مار المنيه مالنا / عنها / ولانقدر نحيد
............................... لو ماهي من الله يجوز .. نقول وشو .. حلها ؟؟
ولو الفقيد يرجّعه .. دمعة عيون اهل الفقيد
............................. نكفي عيون ( انور ) عن الدمعه ونشفي غلها
ان غاب ثامر مايغيب الصيت يبدا من جديد
............................. على يد اللي ( خنصره ) .. غيمٍ .. يظلل ظـــــلها

 

 

 

 

الله يرحم ابو انور ويغفر له

وصح لسان خلف مشعان


بدر الشمال لك تحياااتي وتقديري

 

 

 

 

صالح العريف

شاكر لك مرورك وردك

لك تحيتي وتقديري