خدعووني يانااس ؟؟

مابه الا سلامتكم

انا منذ عرفت عمري وانا حنشولي شيئ أكسبه بالنهار وشيئ

أكسبه بالليل حسب المهنة واسرارها وكل قريشاااتي أحفظها

بالمخدة والبركة بهالمشعااب اللي بيدي وذات مرة سمعت أن

الناس تشتري اسهم وتساهم وصاروا من كباار التجااار قلت

لخشتي ليه ما اكون من كباار التجاااار وعديت فلووسي وإذا

بها تبلغ خمسة ألآف ريااال هذا كل ماجمعته خلال عشرين

سنه وأنا واقف بطابور أحد البنووك وإذا ببدر الشماال يقابلني

ويسلم علي وقطع خدودي بالتبويس وعفس خشمي اللي كنه

سلة سيف وانا استغفر الله العظيم وقاال ياولد وش اللي جابك

هنا بين اللصوص والحراميه وحكيت له الحكايه وقااال لي

الحل عندي وانا اللي سوف أربحك ويخليني منافس للراجحي

قلت له يالله على يديك يا حفااار القبوور ( حفار القبور هو

يخبركم بحكايتها ) الحقني قال اعطني الفلووس اللي معك

وتعال اشترك معنا بمنتدى وكمقدم وببلاش واعتبرها لك هدية

فطرة رمضااان وكسوت العيدين عليه وسوف يهدي لي خروف

أسود من النوع الطفالي وبخده شااامه بيضاااء وانا عااد صرت

أسغبل وصرت اضرب واطرح ورحت بخيالات واحلااام ورديه

وفجأة صحيت واذا بدر الشمااال لا أثر له والفلوووس معه

واشووف هالحولاااء اسماااء تدور وتلف وانا ألآن خايف على

ملابسي اللي علي وعليه آمل وارجو من أهل الخير والمعرفه

والحكمه إنصاافي مما تعرضت له من نصب واحتيااال بانتظار

ردودكم وانصاافكم

ســـــــــــــــــــــلام

 

 

 

 

شبيه سهيل

الحين سمعنا منك ولا سمعنا من بدر الشمال شي نحن ننتظر تواجده ورده عليك وبعدين يكون الحكم بعد النظر بالموضوع يا خوف قلبي ياشبيه انكم ببالهوى سوى وعصفور يكفل زرزور وتبون تشوفون لكم لطشة زينه
اسماء وش اللي يخليها تدور حول ملابسك وانت تعرف ان ملابسك ماتناسبها الا ان كانك (؟ ) والله ما ادري ياشبيه
بس ابي اسئلك سؤال كم عطاك بدر يوم حب خدودك والله اظنها تخلي الواحد ما يعود لها مره ثانيه
بس تدري قصتك محزنه وحنا بزمن العجايب ..واحب اقولك طالما هي جت بطرق مشروعه بتروح زي ما تعرف

تدري بشوف تواجد بدر والاخوان

اسعدني تواجدك معنا والله ان بدر الشمال سوى معروف بدعوتك للمنتدى

 

 

 

 

ول ...ول ...عليك يالمطعووون صاير تعرف تبدل الحقائق

نسيت يوم انك قلت لي تكفى فكني من الفلوس انا سارقها وراعيها عرفني ويبي يبلغ عني

وطلبت مني اسلمها للجمعيه الخيريه ...وانا استغربت ها الكرم اللي نزل عليك فجئه لأني اعرفك مطعووون ما تعطي الريال .....بعدين انت وينك وين الحنشله لو طلع عليك خفاش
ظليت مختفي لك شهووووووور واليوم طالعه مراجلك تبي تغش الناس وتشوه صورة الحقيقه
بعدين يومك تقول تقول اسئلوه عن قصة حفار القبور ابي اعلهم والرزق على الله وعساك للماحي...في يوم من الأيام شبيه سهيل مره من جنب جدار وطمرت من قدامه قطووه والرجال ركز ساقه اللي يشبه ساق النمله وما دريت الا وهو يطق الباب يوم طلعت قالي تكفى يلاحقوني يبون يذبحوني .....ابيك تدفني ابي ما اطلع بحياتي ورحت واخذت عاملين وقلت لهم نفذو اللي يبي....ويوم ادفنوه وهو حي ومشينا قلت لنفسي هذا رجال الله يعينه لإن عقله لكم عليه ولا يدري وش يسوي ابي ارجع العمال يطلعونه من قبره اللي اختاره من الخوف مالكم بالطويله الرجال يوم اظهروه من قبره طلع معقود لسانه ولا يتكلم وعيونه صايره بجبهته كنه حلزوووون واذانه مسكره ولا يسمع اي شي واذانه يفتح الله مافيه اذان اما خشمه لو تشوفونه كنه اجحارة نمل تعرفون الحين يسولف بالأشاره ويقول احنشل ول عليك وعلى الحنشله.....وبعدين تراااه يفكر المشعاااب اكله لإنه يحب الأكل واجد ولا يشبع
اسعدني وسرني تواجدك اخي شبيه سهيل واسعدني وسرني تواجد الأخوان الي اتمنى أن يدوم ويستمر وان نكون اخوه متحابين ولا يفرق بيننا اي شيء


لكم تحيتي وتقديري

 

 

 

 

أخوي الشميلاااااني

ماشاء الله عليك قااضي ومفتي وقلااااع ضروووس

وكماان تفهمها وهي طايره

الظــاااااهر كل اللي هنيا بالمنتدى محترفين مهنة

وانا لا زلت هاوي ؟؟؟ اركد عساااااااااك لكحة المعيز

هاوي يعني مبتدي بالصنعه أعرفك ماتطووف عليك

زين بعد محاظرتك هالطويله هاات من ألآخر وعلمني

كم تبي على فكرة اشوفك مهتم بالحيل بخصوص

ملابسي ولا تبي الحولاء اسماء تحصل عليها لا يكون

ناوي تلبسها بالعيد وتكشخ بها قداااااام العربااااااااااان

نفسي افهم واعرف منذ متى وانت تعرف هالطرق

المشروعه على قولتك

اقوول يالأخو عشنا وشفنا الله يستر من القااااااااااااادم

لا زااال للحديث بقيه

ســــــــــــــــــلام

 

 

 

 

هلا ومرحبا بحبيب ألبي بدووووووووووووري

اقولك بيني وبينك يا خوفي من هالنصاااب

الشميلاااااااااااااااااااااني

بكره تشوفه باسط بحراااج ابن قاااسم

ويدعي معرفته بتفسير ألأحلااااااااااااام

وش رايك نسبقه ونحتل المواقع الإستراجيه

(( ول عليك كأننا بنطلق صواريخ عاااابرة )

ترى ليالي رمضاان مناسبه ولا به شمس

ولا لواهيب أنت تفسر أحلااام القوايل ؟؟؟

وأنا افسر أحلااام الصفرة اللي بعد المغرب

لكن المشكله اذا جاني هندي يدربي دومته

ويرطن علي يبي تفسير حلم خلنا نحوله

على الشميلاااااااني حتى يبحل بعمره بجد

ســــــــــــــــــــلام

 

 

 

 

شبيه سهيل
ول عليك يالمطعون وراك تطلع من حفره وتسقط بالأخرى
الناس على بالهم انك قول وفعل لكن بالأخير اكتشفو مراوغاتك
وانت تدربي راسك ولا انت عارف اللي ينتظرك من الشميلاني
تغانم نفسك ودق صحبه معه ولا ترااك تروح ورا الشمس

 

 

 

 

اخووي بدر الشماال ومعك الشميلااااني

الظاهر مشوااري لخلف الشمس اهون وارحم لي

من انتظاار نصحكم وارشاداتكم وانتوا مثل اللي

يؤذن ولا يصلي ماهو جحى اولى بلحم ثوره ؟؟؟

ســـــــــــــــــــــــلام

 

 

 

 

ههههههههه
اشوفك زهبت العفش تبي تهرب وراك والزمن طويل
وخل جحا ينفعك ....ما هو انت طووول عمرك مثل اللي توضا ولا صلا
مشاريع وخطط وبالأخير تطيح على وجهك ول عسااك للذهاب
لا قل لي وش مووووووضوع البسه اللي ماتبي احد يعرفه
لك تحيتي وتقديري

 

 

 

 

اخووي بدر الشمااال

ابشرك كل عفشي بمصر وخفيف حمله اقصد بقشه ما اقصد

دولة مصر أم الدنيا انتبه اعرفك تلوي الكي والنية اترك عنك مصر ؟؟

بعد شوي سوف اطرح حكااايتي مع البسه بس ياخووك التفاعل

مايشجع تقول كأنهم ناقدين علي ويتمنون دفني الليله قبل بكره ؟؟

ســـــــــــــــــــــــــلام

 

 

 

 

دفنتك الليله تجيب العيد قبل وقته انت مسوي فيها
انك تمزح وانت يالله حسن الخاتمه ما تدري وين الله
موديك ول عساك للوهم انت وطول لسانك
سلملم ياشبوووه