ديوان الامير الشاعر خالد الفيصل

يبكي الصوت


يبكي الصوت و النظرات تشكي
و المعاني ولو صاحت حبيسه

يصمت الليل و التنهيد يحكي
و المعاليق في قلبي يبيسه

يا حبيبه سألت الليل انا عنك
و كل نجم فقد مثلي أنيسه

هل دمعي و قام الليل يبكي
و القمر نشّ من فرقى جليسه

ويل من شالته موجة بحرك
ليتني ما نزلت الشط أقيسه

لو لمستي البحير بأطراف يدك
من حلالك غدا طعمه مريسه

للهوى حس اذا لامس زهرك
ينعش القلب اذا جاني حسيسه

 

 

 

 

ارفــعــي سهم المنــايا..


إرفعي سهم المنايا يالعيون
=مابقى فيني مكانٍ للطعون

.. كل شبرٍفي حياتي إنجرح
=و الذي شقّوا خفوقي يشتكون

.. يا العيون الطاغيه خفّي علي
=كبرت اللّي باوّل ايامي تهون

.. في عيوني دمعتين واقفه
=ردّت الايام دمعي بالجفون

.. بالغَت فيني تباريح الهوَى
=و أستبدّت بي مواجيع الظنون

.. خبّريني يا غرام العاشقين
=كيف يستهوي هل العشق المُنُون

.. إرحمي قلبٍ تجاريبه قست
=في زمانٍ ماعرف يومٍ حنون

.. اللسان يخون و البسمه كُذُوب
=و اصدق التعبير نظرات العيون

 

 

 

 

ياصــاحبي..


ياصاحبي هانت عليك المحبه
=لاوحسايف عقب هاك المواثيق

جمر الغضا في وسط قلبي تشبه
=نارٍ حطبها يابسات المعاليق

كاسٍ مليته بالوفا لاتكبه
=خلّه يبلل بالوصل يابس الريق

صبّه بقلبي ثم ملّه وصبّه
=وان كان ودك غرق القلب تغريق

دام الهوى راسي وراسك يهبه
=خذ سجّةٍ ترى زمانك توافيق

ترى حلاة العمر مع من تحبه
= شخص تريد من جميع المخاليق