قالت منت حلو قلت رجال...

17-08-2010, 10:53 PM

قـالــت تـــرى مــنــت بـحــلــو قــلـــت رجـــال =والــزيـــن مــاهـــو مـــــن شــــــروط الــرجــولــه
الــزيـــن يــلــقــى عـــنـــد لــبــاســة الـــشـــال =والــرجـــل زيــــن ان كـــــان زانـــــت فــعــولــه
قــالـــت عــلامـــك تـلــبــس شـــمـــاغ وعـــقـــال =انـــــت بـدوي؟قــلــت بـــــدوي ومـــــن حــمــولــه
مــــا ألــبــس بـنـاطـيـل لــهــا الـــــوان واشــكـــال =وأمـــتــــر الـــشــــارع بــعــرضـــه وطــــولــــه
قـــالـــت اجـــــــل راعـــــــي مـعــامــيــل ودلال =شـــــــرب الــقــهـــاوي تـحـسـبــونــه بــطــولـــه
كـيــفــي يابــنــت الـحــضــر دلــــــه وفــنــجــال =وحــلــيـــب خــلــفـــه بــالــمـــراح مـعــقــولــه
وحـــــب الــكـــرم والــجـــود وعــلـــوم الابــطـــا ل =مــغـــروس فـيــنــا مــــــن زمــــــان الـطـفــولــه
قــالــت تــــرى بــنــت الــبـــدو حـظــهــا مـــــال =قــلـــت احـــــذري حـــــذرا تـكــونــي جــهــولــه
بــنـــت الــبـــدو يـابــنــت مـــضـــرب لــلامــثــال =فــــــوق الــجــمـــال وطـــاعــــة الله خــجــولـــه
مــاحــطــت اصـــبـــاغ ولا حـــطــــت ظـــــــلال =ولا ســـيــــرت بــالــســـوق ســـيــــر مـهــبــولــه
هــــي مــهــرةٍ تـصـعــب عــلـــى كـــــل خــيـــال=وانـــتــــي ومــثــلـــك عـســفــهــن بـالـسـهــولــه
قــالــت تــغــزل بــــي وشـــــف حــبـــة الــخـــال =نـــاظــــر عــيــونـــي والـــرمــــوش الـكــســولــه
قــلـــت الـعــفــو مـايـجـتـمـع حــــــب وهـــبـــال =ولــــكـــــل ذوق فــالــمــزايــيــن جـــــولـــــه
قـلــتــي وقــلـــت وكـلــمــة الـــصـــدق تــنــقــال =الــزيـــن مــاهـــو مـــــن شــــــروط الــرجــولــه

18-08-2010, 12:07 AM

السفير

شاكر لك هذا النقل المميز لهذه القصيده

ننتظر الجديد والمفيد والتواجد الدائم

لك تحيتي وتقديري

18-08-2010, 12:23 AM

بدر الشمال

مشكور على مرورك

وتبشر بالجديد والمفيد

تقبل ودي وسلامي

19-08-2010, 03:13 AM

السفير..

شاكره لك كل الشكر روعة طرحك
ابياااات رااائعه وجميله
وااصل ابدعاتك الراائعه اخوي
يعطيك ربي الف عافيه
لك ودي واحترامي..

16-09-2010, 02:40 AM

هـي مهـرةٍ تصعـب علـى كـل خيـال

وانـتـي ومثـلـك عسـفـهـن بالسـهـولـه
قالت تغـزل بـي وشـف حبـة الخـال
هـي مهـرةٍ تصعـب علـى كـل خيـال
وانـتـي ومثـلـك عسـفـهـن بالسـهـولـه
قالت تغـزل بـي وشـف حبـة الخـال
وين البدويه

اللي ماتحط المكياج

عصرهن راح بلا رجعه

16-09-2010, 07:54 AM

موضوع جميل
جزيل الشكر لك ولقلمك المبهر.!