يمه رضيت بكل مايرضي الحال

قصيدة أعجبتني فحبيت انقلها لكم


اتمنى ان ترضي اذواقكم




يمه ..أنا مالي في هالزرع مقيال ... يمــــه ربيع الكون ماهو بعيني


يمه رضيت بكل مايرضي الحال ... بس الزمــن بــالحيل يلوي يميني


نوّخت فكري لــلتواضع ولا زال ... وجعلت فـــــي وكر الكرامه جبيني


ومديت كفينـــي عطا تشعل اشعال ... أصابعي شمـــــع لمن هو يبيني


وجعلت فــي قلبي للأحباب منزال ... وسكنتهم رغــــــم على عاذليني


طبعي كذا ، ماخالطه خبث واهبال ... أشـري الذي في خاطره يشتريني


يمه ، أنا في عالم الحب مرسال ... تكـــــفين من نار العذاب ادركيني


كنت أذكر البسمـه على شفاه الأطفال ... كانت تحرك كل الأفراح فيني


صمتي قتـــــل في داخلي كل الآمال ... وتبـــــــخرت أحلام أول تجيني


كنت أحسب الـــــدنيا قصيدة وموال ... موالها فــرح ، وفرحها هجيني


لكن نـغمها ماطرالــــي على البال ... ان اللـــــــــيالي بطبعها تكتفيني


يمه ، جهلت اسنين ، وسنين أطوال ... أمشي وتصفق في هواها يديني


أطرد سراب وداخل الأرض زلزال ... آه الـــــــظما يقتل سنابل حنيني



يمه كفوف البرد ماتدفي الشال ... أرمـــي الزمان وبالحنان احضنيني


يمه شكيت ومابغيت أشكي الحال ... صوت انهتف في داخلي سامحيني



مما رآآق لي


منقوووووووووووووووووووول

 

 

 

 

متواضع ابدعت بهذا الأختيار
تسلم يالغلا والجميل والبديع
هو تقدمه
دمت بعافيه

 

 

 

 

متواضع..

شاكره لك كل الشكر لطرحك اخوي
ابيات رااائعه وجميله
يعطيك ربي الف عافيه اخوي
لك ودي واحترامي..

 

 

 

 

الأخ الشميلاني
شاكرلك ومقدر مرورك الرائع
وتقبل تحياتي وتقديري

 

 

 

 

الأخت سحر الغرام
شكرالك على هذا التواجد الطيب
وتقبلي تحياتي وتقديري