الطيب فرصه

الطيب فرصه والجمايل توافيق
ومن لاتوفق ماكتب له جماله
ومن لارقى للطيب روس الشواهيق
ومازان له وقته على مابداله
ومادام لفعول الجمايل عشاشيق
كسب الجمايل مايجي بالسهاله
ولو انها تشرب مع فكه الريق
كلن خذاله كل مااصبح بياله
والطيب منوه للقلوب المشافيق
كلن يتوق ومنوته راس ماله
والمدح مايزهى على الرجل ويليق
الا لا صارت وافيات خصاله
يستاهله رجلن يفك المزانيق
اللي يقال ونعم لاجا مجاله
ومن ساقته نفسه وهو مابعد سيق
لأجل الجميل يزين الله فاله
والمرجله ماهي بتحتاج تنسيق
من بين اللي عشقها وباله
ومن عاده الدنيا تخون المواثيق
تفتر مكرتها سوات المحاله
ولولا اللوازم ماعرفنا المخاليق
مانعرف الرجال لين انعناله
والكفو تظهر فزعته حزت الضيق
وينشاف في الشده بعين العداله
نسل الرجال متعبين الملاحيق
متوسطن من بين عمه وخاله
واللي يطيق ولا بغى قال ماطيق
تحرم عليه المرجله والشكاله
والهينه تكبر على اللاش والهيق
له في الرخا قاله وفي الضيق قاله
والطيب شاره والضماير صناديق
واللاش طيبه ماتعدى ظلاله
وانا اسير قلوب الرجال المغاليق
والصامت اقطع غايته من مقاله
ومادام بالدنيا رجال ومطاليق
نصيتهم واللاش مالي وماله

 

 

 

 

الشميلاني..

صح لسان شاعرها وتسلم يمين اللي نقلها
اختيار رائع وذوق
الله يعطيك العافيه اخوي
لك ودي واحترامي..

 

 

 

 

سحر الغرام
مشكوره لجهودك المتميزه والواضحه للجميع
متابعه دائمه لكل ما يرد لهذا الصرح لقد فرضتي لك تواجد
خاص بهذا الصرح الشامخ
دمتي ودام لنا تألقك الرائع

 

 

 

 

وانا اسير قلوب الرجال المغاليق
والصامت اقطع غايته من مقاله
ومادام بالدنيا رجال ومطاليق
نصيتهم واللاش مالي وماله


الأخ الشميلاني
أحسنت الإختيار أبيات لها معنى
ورائعة كروعة البدر
وتقبل تحيتي ومروري

 

 

 

 

الشميلاني
شاكر لك هذا الطرح لهذه القصيده التي تلامس
مشاعرنا واحاسيسنا

لك تحيتي وتقديري

 

 

 

 

متواضع ::بدر الشمال

مشكورين لردودكم ومتابعتكم الدائمه

دمتم بعافيه

 

 

 

 

فيها ابيات كثيره جميله

وهي محتاج وزن كثير


ليت نعرف من شاعرها

 

 

 

 

محمد الحجر

شاكر لك ردك وتعقيبك الطيب

المعذره لماعرف شاعرها

دمت بعافيه