للحال ياموسى اباكز موجز موجهة الى الشميلاني موسى

ازريت اخيط الحرف بالحرف واخرز=جزل المعاني لجل يلمع خرزها
ووسما القوافي دون مالقاف يبرز=نشواه في نو السحابه لمزها
تبرق سماهاوالفريدات تقمز=وترعد وعده بالضمايرنقزها
يوم احرزت يامار ماعنك محرز=والموت الاحمر حاتف اللي برزها
لولا الضروف احيان بحيان تغرز=رمح السبب في حال كامن عجزها
والا غرامٍ كزته بلهواء كز=ابونهودٍ راكزاتٍ كرزها
الياتعدت ناحل الخصر يهتز= واليا تصدت شفت كبرت رهزها
واليا تمشت الزهر حدرها فز=يضحك على البسمه وتسَعد غمزها
اليا لفتني قلت يابط ياااوز=اقفت حمامه بالسموات تزها
كانك على ماقلت بالامرترمز=فالسالفه عندي تبين حوزها
تخيل ان الفكر بالليل يركز= وشلون اتوه ولليل فكري وكزها
لايارعد لاتشتكي ضيمت اللوز=الله خلق هالخلق والله فرزها
لا يانجل من للسماء عينه تخز=يكِرم عن الطمنات مثله ويزها
قبيلته نار العلا هامة العز=عن القبايل شوف ربك حرزها
ماتطعن الادز وتلابس القز=وكلما ركزونه بان عالي ركزها
ناظر بعيني زين حذراك تغمز=مع غمزتك فرصه لزوم انتهزها
بين البشر به فرق لوكنت تفرز=عاشت اذا مالموت غفله طبزها
احدٍ حياته لاطلعت نقز تنقز=واحدٍ تنازعها البلاء وانتزعها
واحدٍ مماته سالفة هزت الهز=لاشك روحه بالسماء فوق نزها

هذي حيات البعض ناهيك تلمز= عن الامور الهادفات برمزها