البارحه ...و..اليوم

البارحه .....واليوم






البارحــــــــــــه كني بدنيا الســـعـاده= واليـــــوم كني داخــــل السجن مسجون

والبارحـــــــــه مـــا هي لدنياي عاده= واليـــــوم عـادي ضايق الصدر محزون

والبارحـــــــــه كن الفــرح لي وساده= واضـحك على اللي بآخــــر الليل يبكون

والبارحــــــــه ليلي تبــدل ســـــواده= الليــــل في جيـت حبيــبي بلى لـــون

حبيبي اللي مــــا عــــرف وش مـراده= جــاني يقـــول انه من الغدر مطعون

تقــــول مــدري حـظ و الا قـــــراده= بعـــد الوفـــــاء ليه الحبايب يخونون

قلت أسمــع الموضــوع منك بركــاده= قولي وش اللي صــار يا نـــور هالكون

قالت صـــراحه كنت احبـــــه زيـــــاده= مـــا كنت أظــن الناس مثلي يحــــــبون

شفتــــه غريب وصــــــــار قلبي بلاده= هـــو الوحـــيد اللي على قلبي يمـــــون

وصارت له أفكاري عبيد(ن) وســــاده= صـــــار لحياتي روح والعيني جفــــون

واليـــــوم يسهرني و يهنـــا رقــــاده= وشلون ينساني وانــــا كنت اله عـــون

قلت اصــبري قالت مـامنــه استفـاده= الصــبر مــــر وآخـــــــره يمكن جنون

وســـكت مـــدري خـــوف والا بلاده= وسمعت في صوت الحزن أعذب الحون

وبكـيت مــــــدري حزن من شان غاده= والا على شخص(ن) بها حيــــل مفتون

شــخص(ن) جعلها ســـاكنه في فؤاده= اخفى غلاها خـــــايف النـــــاس يدرون

هـــذاك أنـــــا واهي النحـــر و القـلاده= هـذاك انـــــا واهي البحر خوف وظنون

هـــذاك انـــــا واهي الحـــريق ورماده= هـذاك انــــا واهي الطريق آهــ وشلون

منها عــــرفت ان الهـــوى حرب إباده= ومنها عرفت ان البشـــر صعب يعطون

وعرفت حـــــزن الزرع لقبل حصاده= وعرفت ليـــه الورد للشـــــــوك ممنون

وعرفت وش بعـــــد الربيــع وبراده= وعرفت وش فيها الســـماء دايـم مزون

لكن جهلت الليــــــل يـــــا شهــــرزاده= و جهلت ليــــه الحب بالحــــزن مقرون

وقلت اسمـعي يــا قـــوت قلبي و زاده= الحب نهــــــــــر و ذكريـاتك مـــــداده


اخـذي كلامي كان لك فكـــــــــر وعيون= حبـــيبك اللي قـــــــام يكثر عنـــــــاده

إنســـيه واهــــل الحب يا صعب ينسون= انســــــــــيه لــــو طــــول بقلبك قعاده

خطــا وكل النــاس يــــــــا بنت يخطون= واهـــــو مع الايـــــــــام في قلبك يهون

وقالت امـــــــانه روح ســـرعه وناده= قله يجي واللي يبي مني يكـــــــــــــون






وسلامتكم